لو مش عايز ترجع للذنب - عاقب نفسك لوعملته بس بحاجه حلوه زي صدقة مثلا تطلعها لو رجعت للذنب ده او انك تصلي 20ركعة تطوع أواستغفر 1000مره أي حاجه تخليك تمنع نفسك عن الذنب تاني حاجة بالنسبه للنفس الأمارة بالسوء ملهاش غير انك تكون أقوى منها ودا بيكون بعدة طرق أولا انك تجاهدها وتكلمها وتقف قصادها وعلشان تتغلب على النفس دي الطريق الوحيد اللي يخليك تقوى عليها هوا الطاعات كل ما تعمل طاعة لله عز وجل هتخليها تحت طوعك وأهم الطاعات هيا:( الطاعات اللي بتحتاج مجاهدة نفس) لانك كل مره بتغلبها بتصبح أضعف وانتا بتقوى عليها زي الالتزام بالتكبيرة الاولى في المسجد لمدة 40يوم دا بالإضافة إلى أنو هيبرأك من النار والنفاق هوا من أشد التمارين اللي هتكسبك انضباط وتحكم عالي في النفس والالتزام بصلاة الضحى وقيام الليل وغيرها. - بس كدا هوا موضوع البعد عن الذنوب دا ومجاهدةالنفس دا عضلات انتا بتنميها وتكبرها كل ما تزود في الطاعات -والدنيا كلها تعب وانتا اللي بتختار التعب اللي يناسبك إما تعب مع توهان وضياع وذنوب ونار وإما شوية طاعات للخالق عز وجل في دنيا فانية (ده تعب وده تعب بس احدهم يصحبه شقاء في الدنيا وفي الاخره واحدهم يصحبه نعيم في الدنيا والاخره)وماهي إلا ساعة وسنلقاه وأسأل الله تعالى أن يرزقنا وإياك لذة النظر لوجهه الكريم وأن يعيننا على أنفسنا فلا حول ولا قوه الا به +دعاء تطهير النفس:(اللهم آت نفوسنا تقواها وزكها أنت خير من زكاها أنت وليها ومولاها ياحي يا قيوم برحمتك استغيث اصلح لي شاني كله ولا تكلني الى نفسي طرفه عين ابدا) الخلاصة : انتا لازم تقعد قعدة مع نفسك وتاخد كام يوم إجازة بس متكونش اجازة فاضية لازم تملأها بحاجات كتير تشغلك عن كل معصية +لازم كل يوم تحاسب نفسك قبل ماتتحاسب تعرف عملت ايه وتتابع تقدمك هتتشجع وترجع أحسن من الأول ولو وقعت تاني لا تيأس .. (قُل يا عبآدي الذين اسرفوآ علىٰٓ انفسهم لا تقنطوا من رحمه اللٰه ان الله يغفر الذنُوب جميعاٰ) . . ولّا انتا شايف ايه 🙂
العفو-ربنا يوفقنا واياك يا رب
تم النشر السبت، ١٤ مارس ٢٠٢٦
اني اخد اجازه كام يوم مع نفسي واهدي ،عمتلها قبل كده بس من غير ما احس اني اعتزلت الذنوب كلها على قد ما اقدر وكنت اقرأ قرأن واقعد مع نفسي وافكر في اللي عملته واللي عاوز اعمله والمعصيه والذنوب والحسنه والطاعه وقعدت احاسب نفسي انا عملت الموضوع ده قيل رمضان بكام يوم وبدأت رمضان شخص تاني والحمدلله وكنت فعلا بطلت الذنب اللي قارفني في حياتي وقولت مش هعمله خالص وفعلا ربنا عاني وكمان لما رجعت السكن في الكليه الموضوع ساعدني عشان قاعد مع صحابي مش لوحدي أو حتي عارف انفرد لوحدي واعمل حاجه بس غصب عني بعد ١٣ رمضان ضعفت لحظه بس قولت خلاص هي بس مش مشكله وقعدت استغفر وابعد عن الموبيل وأمسك اللابتوب بدل الموبيل لما جيت البيت ونزلت اجازه روحت صليت في مسجد ما شاء الله عليهم بيصلوا بالاجزاء وكانوا بيخلصوا التراويح الساعه ٢ و ١ونص وكنت بحس بروحيات جميله وقولت يا رب رجعني ليك وابعد الحرام ، بس انا ضعفت تاني ووري بعض اربع مرات وفاض بيا عشان كده لما اكتشفت التطبيق ده نزلته وكتبت قصتي دي ، بس بإذن الله هحاول اعمل علي قد ما اقدر زي ما انت قولت حل جميل جدا والله وجزاك الله خيرا يا اخي وشكرا
تم النشر السبت، ١٤ مارس ٢٠٢٦
لعرض الإجابة في فدني اضغط هنا