انا كنت منزل من فتره مشكله انه ف بنت بحبها جدا وكنا بنحب بعض وفجأه اختفت لمده أسبوعين واكتر وعملتلي بلوك من جميع النواحي وحطتني ف البلاك ليست وبعد 3 اسابيع لولا ما ردت عليا وقالتلي انه مامتها شافت الشات اللي بينا وضربتها وانها كارهاني ومش عاوزه تتكلم معايا تانى
فضلت أقنعها انه مش ب ايدي اللي حصل وطلبت عنوانها لكن رفضت وقالت مش عاوزه اتجوزك ولا اتجوز غيرك ولا عاوزه حد وابعد عني و دايما بتقفل في وشي او تعمل بلوك وخدنا شهرين ونص بها منتكلمش بعدين رجعنا نتكلم خفيف وبعدين رجعت الأمور عادي وبقينا نتكلم ب استمرار لكن كنت بحسها متغيره شويه ومش مهتمه كتير زي الأول وبعدين اتخانقنا شويه ع مشكله و قارنتني ب زميل ليها ف الشغل وقالتلي ياريتك كنت مكانه هو بيفهمني من اول كلمه و اول نظره ومهما عملت معاه دايما بيعدي الأمور و بيقف معايا ف الشغل وانه دايما بنشتغل مع بعض والخ وبعدين حاولت أفهمهما انه ده طبيعي نتيجه شغلكم مع بعض ف لازم يكون فاهمك وطبيعي يمشي الأمور بينكم لأنكم زملاء ومحتاجين لبعض ولازم يحصل تواصل وبعدين ازاي تقارني شخص بتحبيه بزميل ليكي اصلا واتخانقنا وبعدها مفكرتش تسأل وبعدين قولت اصالحها واسأل انا وكلمتها بعدها بيوم وكلمتني لمده نص ساعة وبعدها قفلت ل 3 ايام ومبتردش ع الفون وبعدها ردت ع الواتس قالتلي يا محمد انا خطوبتي بعد بكره الجمعه وياريت متكلمنيش تانى ولا ترن عليا وابعد عني و حاولت افهم ازاي ده يعني قالتلي اولا انا عمري ما حبيتك اصلا بس كنت معجبه بيك وبحب وجودك عشان دايما بتساعدني وواقف جمبي لكن عمري ما حبيتك ومكنتش عاوزة اقولك كده بس انا دلوقتي هتخطب ومش عاوزاك وياريت تبعد عني نهائي ولما سألتها مين ده اللي هيخطبك قالتلي واحد زميلي ف الشغل وبيحبها و عاوزها واهله محترمين جدا ونعرفهم بس هو غير الشخص اللي قولتلك عليه بيفهمني والكلام ده وقالتلي ياريت تبعد عني لو سمحت ولا تبعتلي تاني
قولتلها ولا انا هكلمك وعملتلها بلوك بس حقيقي مقهور جدا خصوصا انه حبيتها من كل قلبي وكنت بتمناها والله ف كل صلاة وهي بنت كمان متدينة جدا وحافظه للقران و شوفتلها شهايد تكريم كتير لحفظها وتفوقها ف حفظ القرآن ومتوقعتش ابدا انها تكون بتكدب زي كده وانه تقول اشياء هي اصلا محستهاش ولا عمرها حبتني ف ليه تقولي دايما واحشني وبحبك اذا كان مفيش مشاعر اصلا ليه تكدددب!!
انا عاملها بلوك من 3 اسابيع واكتر بس لحد دلوقتي حقيقي مش قادر انسي كلامها ولا اللي حصل و مقهور جامد وحاسس بالخنقة ومش عارف اعمل ايه!
أحنا فاكرين مشكلتك بس ازاي أنت بعد كل اللي حصل في المشكلة الأولى وبعد كل الكلام اللي اتقال لك والمشكلة اللي سببتها لها لما أهلها اكتشفوا أنها بتكلمك رجعت تكلمها برضه عادي بالنص ساعة في اليوم -وهي واحدة حافظة القرآن ومتدينة جدا زي ما بتقول ولا كأنك تعلمت أي درس من اللي حصل .. هي بنات الناس لعبة؟
تم النشر الأربعاء، ٩ أغسطس ٢٠٢٣
في الحقيقة كان فيه بعض العلامات في العلاقة ديه بس انت تغاضيت عنها، زي مثلا انها قالتلك كذا مرة انها مش عايزاك، بالرغم انك قولتلها انك عايز تروح تتقدم وبرضه كانت برتفض .. مفيش واحدة هتكون عايزة واحد وترفضه .. اللي هتعمل كده يبقى فيه حاجه مش مظبوطة في العلاقة ديه، فكان لازم وقتها تشك وتبعد لما قالتلك كده. بس اللي حصل حصل .. حياتك مش هتقف على علاقة .. مقدرة طبعا كل اللي بتمر بيه دلوقت .. لكن الموضوع هياخد وقته معاك وهينتهي .. انت دلوقت في مرحلة الانكار والصدمة .. مش مصدق ازاي هي قدرت تعمل كل ده فيك .. بالرغم انك بتقول انها انسانه متدينة بس الموضوع مش بيتحسب بكده خالص .. حتى لو كانت حافظة القران كله! اللي انت محتاجه في الفترة ديه .. انك تحاول يقدر الامكان انك لو بتابعها تبطل تتابعها ع السوشيال ميديا.. ولو انت مش بتمارس حياتك بشكل طبيعي ارجع ودخل الاشياء في حياتك بشكل تدريجي، ويستحسن لو تدخل اي شئ تاني في حياتك زي مثلا الرياضة .. وبلاش تدخل في اي علاقة بديلة .. لانك وقتها هتكون بتعوض اللي حصل في العلاقة الجديدة. وحاول تشوف الجانب الكويس اللي في الموضوع .. ايه هو الجانب ده؟ انك تكون استفدت فعلا من تجربتك، وتعرف ان الحب مش كل حاجه في العلاقة .. يعني انت كملت رغم رفضها ليك انك تروح تتقدم، المفروض وقتها تكون فكرت بعقلك بعيدا بقى عن الحب، لازم يكون العقل والقلب الاتنين ماشين في نفس المستوى .. ف شوف انت غلطت ف ايه ف تجربتك الاولى واعرف خطأك، وتجاوزه.
تم النشر الخميس، ١٠ أغسطس ٢٠٢٣
شوف اللّي حصل حصل واحنا مُتفهمين كل اللّي حضرتَك مريت بيه، وخلاص متوقفش حياتك بجد حاول تقعد مع نفسك تستوعب اللي حصل حصل تمام، استفاد من اللّي حصل ده انك مثلا متديش مشاعرك غير للبنت اللي هتتجوزها ده أضمن وعشان متكُنش مُستهلك المشاعِر مفيش حاجةة تديها للبنت اللّي هتتجوزها فاهم وتستفاد بردك انك هتكون مُحاوط اكتر يعني طبيعي مش هندي لحد الثِقة التامةة بس بردك مش هنعيش فِ شك وكل الناس مش زي بعضها، طور نفسك وعادي اما تفتكر اللّي فات خُد العِبرة مِنه متوقفش حياتك، ومع الوقت هتكون مُتصالُح جدا مع اللّي حصل ومفيش مشكلةة تزعل عادي بس متخليش ده يأثر على حياتك الحقيقيةة ربّ يبارك فيك.
تم النشر الخميس، ١٠ أغسطس ٢٠٢٣
امين❤️
تم النشر الأربعاء، ٩ أغسطس ٢٠٢٣
بحاول دعواتك ربناا يسعدك
تم النشر الأربعاء، ٩ أغسطس ٢٠٢٣
حاول ترتبط بي غيرها بواحده بس ياريت متكونش نصف مواصفتها قوي علشان متفتكرهاش وانت لو ارتبط بواحده وحبيتها بجد مش زي ما هي عمله معاك فا حرفيا هتنساها وحاول تفرفش نفسك اخرج مع اصحابك مش لازم يعني الحياه مش واقفه عليها شوفلك واحده بنت حلال تحبها بإخلاص وصدقني هتنساها
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا