اي سلوك أو صفة ممكن تعديلها أو اكتسابها بالإرادة والصبر والاستمرار. وإننا نعرف إن ممكن ننجح شوية ونفشل شوية لحد ما نوصل لهدفنا. سلوك الغضب يمكن حله بانك تراقبي نفسك، يعني اول ما تحسي انك هتغضبي تحطي عادة جديدة تخليكي تخرجي من المود بتاع الغضب تشربي مايه، تنظمي التنفس، تقومي تمشي. وده من السنة تغيير الوضع لحظة الغضب. مهم جدا نتعلم التنفس الصحيح ونتعود عليه لانه بيفيد في اللحظات دي. تفريغ المشاعر مهم لكن نتعلم بالتعود والمراقبة إننا لما نفرغ مشاعرنا نكون احنا المتحكمين مش هي. يعني حد ضايقك او جرحك تفرغي مشاعر الحزن والغضب وانتي واعية ومتحكمة مش العكس. الطريق محتاج صبر ومش سهل. لان انتي هتغيري صفة موجودة من زمان ولكن اهم حاجة عدم اليأس
لعرض الإجابة في فدني اضغط هنا