أولًا: السلام عليكِ وعلى قلبك حتى يهدأ أنا فاهمة شعورك جدًا كلامك يدل إنك مش متقبلة الذنب بمعنى أنا حتى لو توبت برضو أنا إنسانة مستهلش! ودا خطأ بجد بصي كلنا لينا ذنوب وبنتوب منها ونبدأ صفحة جديدة مع ربنا ومع نفسك ونصدق في التوبة على أمل إننا مرنجعش نعمل الذنب دا تاني، صدقيني مع الوقت هتلاقي نفسك تخطيتي الموضوع وأنتِ مش وحشه بالعكس هو الـ كان مخطئ لأن هو أكبر وسبحان الله أنتِ ربنا نجدك منه ومن كذبه عشان هو كذاب وصدقيني هو حاليًا مع بنت تاني بيمثل نفس التمثلية وعقابة شديد، وعايزة أقولك حاجة أنتِ مش وحشه أنتِ أخطأتِ في حق الله وحق نفسك بس قررتي تتوبي وباب التوبة مفتوح لينا كلنا، فـ خليكِ بطلة وقوية وإحنا بجد ماشين بالستر، أحمدي ربنا إن الـ حواليكِي شيفينك بصورة حلوة وربنا عايزك تكملي وتكوني أفضل فـ بلاش شوية زعل وأحباط يوفقوكي لأ خليكِ قوية وأنتِ قوية بالفعل وقدوة لغيرك🌷 من دالوقتي حطي مهام لنفسك أسمعي بودكاست إيه المشكلة في التوبة والعودة وهتعرفي بجد إن التائب حبيت الله 🌷 وكمان دا درس ليكِ يعني دي مش النهاية هتقابلي ناس وربنا هيختبر توبتك، حطي مهام من دالوقتي وركزي على نفسك وأنا حاسة بـ ألمك والله وإن الموضوع مش سهل عشان كدا أبداي بكتاب الداء والدواء شرح علاء حامد هيخفف عنك كتير وهيخليكي تكرهي أي معصية في حياتك حتى لو بسيطة، وبجد أنا واثقة إنها فترة وهتعدي أوعي ترجعي لـ الإنسان دا تاني عشان عنده علاقات كتير ومريض نفسي وأنتي صغيرة وصدقًا هيدمرك خالص اختاري لنفسك إنسان سوي نفسيًا وعاقل وناضج مش بتاع علاقات ومنحرف هو بيعرف يلعب اللعبة، ما علينا بيه هو خرج من حياتك خلاص المهم أنتِ دالوقتي خليكِ قوية 🌷
@السائلة سعيدة جدًا جدًا بيكِ وبكلامك وفخورة بيكِ جدًا جدًا وواثقة إنك هتبدأي رحلة الوعي من دالوقتي بكل ثقة
تم النشر السبت، ٢٧ يونيو ٢٠٢٦
الشكر لله يا غالية وأنا هكون منتظرة منك إنك تخطيتي الموضوع وحياتك تغيرت وفعلًا عرفتي قيمة نفسك، لأ بلاش مختص عشان الموضوع مجرد خطأ في حياة كلنا بنتعلم منها وأنتِ لما تبدأي تنفذي الخطوات وتفهمي نفسك أكتر هتلاقي نفسك حاسه بـ إنجاز وكمان فهم أعمق لـ نفسك ونفسيتك هتكون أنضج وأنتِ هتكوني واعية، د. عماد رشا مختص وموجود على اليوتيوب لو نفسيتك مرهقة صدقًا عامل سلاسل أكثر من رائعة لكن أنتِ هتخرجي منها بالله ثم نفسك وأنا متأكدة إن تفكيرك تغير ودا ضريبة الألم وعادي بنتعلم بس المهم دالوقتي أنتِ خطي خطة وأمشي عليها كل يوم تعملي جلسة ذكر عشان التفكير في العودة ميجيش نحيتك ولو جاء يكون معاكِ حصون وتتغلبي عليه يا بطلة 🫂💕
تم النشر السبت، ٢٧ يونيو ٢٠٢٦
شكرا جدا لحضرتك بجد كلامك هون كتير وانا هاخد بنصائح حضرتك وان شاء الله خير ، شكرا بجد ، بس هل حضرتك شايفه اتعامل مع الموضوع لوحدي ولا اطلب المساعده من مختص
تم النشر السبت، ٢٧ يونيو ٢٠٢٦
لعرض الإجابة في فدني اضغط هنا