السلام عليكم
انا 17 سنه تمام من ونا 3 ابتدائي ونا عندي مشاكل كتيره اوي و نفسيه زي مثلا كنت بحب اسرق اي حاجة قدامي و ده كان بيعرضني ل عنف كبير من اهلي وبعدين بقيت بدور ع الافلام الاباحيه و اتفرج عليها بردو ونا صغيره بس للاسف محدش كان بينصحني ولا بيفهمني كانت معاملتهم الضرب و التعذيب و الاهانه بس و كذا مره حاولت انتحر انا اه بطلت سرقه تمام بس الاباحي مش بقدر و برجع لنقطة الصفر فيها وبعدين بقيت بحب اتعرف على شباب و اتكلم معاهم بحسهم فاهمني مش بيبقو وحشين يعني ولا حلوين بردو عادي يعني وبعدين اهلي عرفو علي 3 بس منهم مع اني كلمت فوق 100 شاب من كذا بلد وكدا بس ب هويات غير شخصيتي وبعدين بقيت بشوف نفسي حلوه اوي ف عرفت كذا واحد ب شخصيتي ك انا فعلا و دلوقتي بردو ف علاقه ومش عاوزه ابعد عنو بس اهلي مسببنلي اذي نفسي كبير اوي و خصوصا والدتي بتفضل تشتم و تدعي عليا انا. و اختي ب كلام فظيع اوي غير اني من فتره عرفت انها ف علاقة ب صاحب الشغل بتاعها ونا ساكته و معتش عارفه أعمل اي خالص تعبت اوي اذتني خالص ياريت يعني اللي، يقدر يفيد يتكلم
وعليكم السلام ورحمة الله وبركاته اولا انتي لسه صغيرة وقدامك مستقبل كبير مستنيكي واحلام تحققيها. انا متفهمه الحاجات الصعبه اللي عديتي بيها و إن هي سبب كبير في اللي انتي فيه دلوقتي .بس انتي مسؤليتك دلوقتي انك تصلحي كل ده تصلحي حياتك وتتخلصي من كل العادات السيئه . تهتمي بمستقبلك و مذاكرتك وتسعي تحققي حلمك ولو مكنش عندك حلم اصنعي حلم لنفسك انك تكوني احسن نسخه من نفسك (نسخه ربنا راضي عنها و ناجحه وتكوني انتي راضيه عنها وفخوره بيها ) على حسب ما اظن انتي دلوقتي في تانيه ثانوي ؟ يعني عندك مذاكرة ودروس وبتهيئي نفسك ل ٣ ثانوي علشان تجيبي مجموع حلو و تدخلي الكليه اللي نفسك فيها ف انا والله بكلمك من كل قلبي ❤️ انتي دلوقتي مسؤوله انك تاخدي خطوة علشان تصلحي نفسك وتقربي من ربنا لأنك انتي تستاهلي كل حاجه حلوه وتستاهلي تكوني حد ناجح في حياته وتستاهلي رضا ربنا عليكي والجنه تستاهل تجاهدي علشانها . اول حاجه تعمليها صلحي علاقتك بربنا ابدأي صلي واقرئي قرآن وابدأي احضري سلسله بإسمك نحيا للشيخ علاء حامد نزلي تطبيقات حظر زي Blocker X . وتابعي سلسله موهجه لعلاج التعلق وكافه انواع الإدمان + نزلي تطبيق زمالة ( تحدي التعافي - واعي ) ودي حاجه مهمه جدا علشان هتلاقي بنات كتير عندهم نفس مشكلتك وده هيشجعك تتعافي وتتغيري للأفضل . معلش على الإطالة اتمنى اكون قدرت افيدك ولو بحاجه بسيطه ❤️ وربنا يوفقك يارب
تم النشر السبت، ٢١ مارس ٢٠٢٦
انا مقدرة جدا ان ممكن تحسي بالوحدة و رغبة فى الاهتمام و مش محتاجه اقولك تبعدي عن كلامك مع الشباب لانه مضر ليكي و مشاعرك دا اولا و لان انتي اغلى من انك تتكلمي اصلا مع ناس ممكن تستغلك او تعرضي نفسك لدا و ان دا بردو حرام ف مش جمدان منك خالص انك تعرفي فوق ١٠٠ دا شئ حرام و يجب التوبة منه طيب تعوضي دا ازاي اعملي صحاب بكل اختصار انتي اكيد بيبقى عندك دروس شوفي زمايلك و اتصاحبي عليهم و متسبيش لنفسك وقت فراغ و طبعا اهتمي بدراستك و حياتك اكثر و وفي بتحبي تعملي اى و اعمليه بيعد عن اي حاجه ممكن تضرك فى مشاعرك و حيائك و دينك
تم النشر السبت، ٢١ مارس ٢٠٢٦
إنتي من نوع شخصية اسمه علمياً Sensation Seeker — يعني شخص عنده حاجة داخلية قوية للإحساس بالحياة بشكل مكثف. الناس دي بتتميز بإنها شجاعة، سريعة القرار، بتحب التجربة، وعندها طاقة أعلى من المتوسط. المشكلة مش في الشخصية دي ده النوع اللي بيخرج منه رياديين وفنانين وقادة. المشكلة بتحصل لما الطاقة دي ملقتش مكانها الصح. ليه جسمك بيعمل كده؟ عقلك بيشتغل بنظام المكافأة. كل ما تعملي حاجة مثيرة أو محظورة، المخ بيطلق هرمون الدوبامين — ده هرمون المتعة والتحفيز. المشكلة إن الدوبامين مش بيكافئك على الحاجة نفسها، هو بيكافئك على التوقع والإحساس بالمجازفة. يعني جسمك مش إدمن الشيء نفسه هو إدمن الإحساس بالمجازفة والتجاوز. وفي نفس الوقت، لما كنتِ بتتعرضي للعنف والإهانة في البيت، جسمك كان بيطلق الكورتيزول باستمرار وهو هرمون التوتر. فأي حاجة كانت بتخفف التوتر ده ولو لثواني، عقلك سجّلها كـ"حل" وبدأ يكررها. إزاي اتكونت العادات دي؟ حصل عندك حلقة من 4 خطوات بتتكرر لوحدها: الإشارة كانت الإحساس بالإهانة أو الوحدة أو الفراغ، فجه شوق داخلي للإحساس بأي قدر من السيطرة أو المتعة، فجاءت الاستجابة اللي هي التصرف المحظور، وبعدين جه الدوبامين اللحظي كمكافأة. وكل ما الحلقة دي اتكررت، المسار العصبي في مخك اترسّخ أكتر وبقى أوتوماتيك. مش إنتي اخترتي كده بعقلك الواعي. ده حرفياً برمجة حصلت جوّاكِ من غير ما تعرفي. ليه الأنماط دي استمرت؟ لأن كل تصرف من دول كان بيديكِ إحساس مؤقت بالسيطرة على حياتك في وقت كنتِ فيه مش مسيطرة على أي حاجة في البيت. لما بتسرقي، حسيتِ بالقوة. لما بتتكلمي مع ناس كتير، حسيتِ بالقبول. لما بتشوفي المحتوى، حسيتِ بالهروب. ده مش شر فيكِ ده طفلة كانت بتحاول تعيش. طب إزاي تخرجي من ده؟ مش هنحاول نقتل الطاقة دي ده مستحيل وغلط. هنحاول نحوّلها لقناة تستاهل. الخطوة الأولى إنك تعرفي الإشارة. إيه اللي بيسبق التصرف اللي بتعمليه؟ وحدة؟ ملل؟ غضب؟ لما تعرفي الإشارة، تقدري تاخدي قرار قبل ما الأوتوماتيك يشتغل. الخطوة التانية إنك تلاقي مجازفة حقيقية تستاهل. رياضة قتالية، تجارة صغيرة، تحدي إبداعي، أي حاجة فيها خطر حقيقي ونتيجة حقيقية. الدوبامين اللي هتحسيه هيكون أقوى بكتير لأنه حقيقي ومش بيجيب ندم. الخطوة التالتة وهي الأهم إنك تتصالحي مع إن أهلك غلطوا عليكِ. مش لأنهم يستاهلوا العفو، لكن لأن حمل الغضب ده بيكلّفك إنتي أكتر منهم. الكورتيزول اللي بيترفع كل ما تفكري فيهم هو نفسه اللي بيشغّل حلقة العادات دي.و بالتوفيق 😊
تم النشر السبت، ٢١ مارس ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنا فاهمة تماماً إيه اللي بتمرّي بيه، وده مش سهل خالص.. تعبتِ كتير من صغرك، والعنف والإهانة من الأهل بيسيبوا جروح عميقة، بس أنتِ قوية وقادرة تتغلبي عليها إن شاء الله. ربنا يفرج همّك ويصلح حالك وحال بيتك. عشان تكوّني أصحاب بعيد عن مشاكل الأهل: ابدئي في المدرسة أو الجامعة (لو هتدخلي قريب): ركّزي على الدراسة، واتعرّفي على بنات زيكِ مهتمين بالمواد الدراسية أو الهوايات الإيجابية زي القراءة أو الرياضة الجماعية (مش يوغا يعني). شاركي في أنشطة مدرسية أو نوادي علمية، هناك هتلاقي صداقات حقيقية بدون مخاطر. المسجد أو الدروس الدينية: روحي حلقات تحفيظ قرآن أو دروس للبنات، هتلاقي أخوات مخلصات يفهموكِ ويدعموكِ، وده بيبعدك عن الإنترنت الضار. ابدئي بصلاة الجماعة، ربنا هيفتحلك أبواب الخير. أنشطة خارج البيت: اشتركي في كورسات مهارات زي اللغات أو الطبخ أو الرسم في مراكز ثقافية قريبة (ابحثي في جوجل عن "نوادي بنات في [مدينتك]"). خلّي التركيز على بنات فقط، وابتعدي عن الشباب تماماً دلوقتي عشان تحمي نفسك. للمشاكل التانية: الإباحي: ده إدمان زي أي إدمان، بس أنتِ بطّلتِ السرقة يعني قادرة! حطي فلتر على الجوال (تطبيقات زي "Qustodio" أو "Clean Browsing")، واملي وقتك بقرآن يومياً (سورة النور خاصة للعفة)، وصومي يومين في الأسبوع لو قدرتِ. كل ما ترجعي، استغفري وادعي ربنا يقوّيكِ. العلاقات مع الشباب: وقفي دلوقتي، مهما كان حلو.. ده بيجيب أذى أكتر، وأنتِ مش محتاجة كده. احذفي الحسابات المزيّفة، وركّزي على نفسك. العلاقة الحالية هتضرّك، أبعدي عنها تدريجياً عشان تحافظي على سمعتك وعفتك. الأهل والأخت: صبري عليهم، ردّي الإساءة بالإحسان (زي ما ربنا قال في القرآن). لسر أختك، سكتي زي ما عملتِ، وركّزي على إصلاح نفسك – ده هيغيّر نظرتهم لكِ مع الوقت. ادعي لهم في السجود. أنتِ 17 سنة بس، مستقبلك كبير قدامك يا قمر! ابدئي خطوة صغيرة النهاردة: صلّي ركعتين وادعي ربنا يبعد عنك الشر. لو عايزة دعم أكتر، روحي صفحة الخبراء في فدني https://www.fedni.net/experts وابحثي عن متخصص نفسي أو ديني، أو شوفي أسئلة مشابهة هناك هتلاقي إجابات كتير. أنتِ مش لوحدك، ربنا معاكِ وأنا هنا دايماً. قوليلي إيه الخطوة الأولى هتعمليها؟ 💕
تم النشر الجمعة، ٢٠ مارس ٢٠٢٦
اولا اقطعي علاقتك بكل الشباب قلبك مش لعبه في ايد الشباب بيتسلوا حافظي علي قلبك لابن الحلال اللي هيدخل البيت من بابة يبقي حب فعلا بجد تعيش مرتاحه في ظله انت بتاذي نفسك وبتاذي الشخص اللي يخش البيت من بابه
تم النشر السبت، ٢١ مارس ٢٠٢٦
نفسي اعمل كدا و عارفه ان الشخص ده هيتعب معايا ونا يمكن اكون فقدت الشغف خالص بس ادعيلي ربنا يصلح حالي
تم النشر الأحد، ٢٢ مارس ٢٠٢٦
لعرض السؤال في فدني اضغط هنا