انا حبيت واحد معايه في المدرسة و النهاردة كان اخر مره اشوفه بسبب ان هو اكبر مني ب سنه اتخرج من المدرسه وانا لسه وبس انا معرفتش أكلمه اخر مره كنت ممكن أكلمه فيها وأخته معايه بس هي أصغر مني ب سنه وهي لسه معرفاني ان هو كمان بيحبني بس انا كده مش هقدر اشوفه تاني😭😭
دا إسمه إعجاب مش حب .. الحب شعور عميق وكبير جدا ممكن يكون إتجاه شخص عاديّ بغض النظر عن سلوكاته ومميّزاته وشكلة الخارجي، ومش مرتبط بسبب معيّن، أما الإعجاب زي حالتك فهو مبرر بينتج عن صفات إيجابية أو تصّرفات كويسه شوفتيها فيه او لفت نظرك شكله الحلو.. إنتِ هتعيشي عمرك كله تحسي بإعجاب لشخص شكله حلو .. أو مدرس شرحة كويس .. ومش لازم الإعجاب دا يكون للذكور بس ممكن يكون للأماكن والطبيعة و كل حاجه بتقابليها .. لكن عقلك فسر الإعجاب دا إنه حب لمجرد إنه موجهه لولد.. وإعرفي إنك لو حاولتي تتواصلي معاه هتكوني بتقللي من نفسك جدا و بتغضبي ربنا لأنة أي علاقة تربط بين ذكر و أنثى مش خطوبة أو زواج فهي حرام.. وانتِ لسه سنك صغير وقدامك العمر كتير عيشي كل مرحله صح الوقتي إدرسي وإتعلمي مهارات و نمي هواياتك و طوري نفسك و إتعلمي في دينك و لما توصلي للسن المناسب للإرتباط وقتها هيكون إرتباط شرعي ومتقلليش من نفسك في أي علاقه مهلكه ذنوب على الفاضي
تم النشر الخميس، ١٨ أبريل ٢٠٢٤
ديه مشاعر طبيعة علشان سن المراهقة .. بس المشاعر ديه مش حب، ديه مجرد اعجاب. الحب عايز يكون فيه علاقة ومواقف وعشرة والحاجات دي هتيجي بعد الزواج والعشرة ... متجيش من مجرد نظرات! ولا شوية كلام بينكم وبين بعض! ده انجذاب .. مش اكتر، وانتي في السن ده مش هتقدري تفرقي طبيعي ما بين الاعجاب والحب. ف بتقولي انه اسمه حب وخلاص. بس الحقيقة غير كده. لو انجرفتي وراء مشاعرك ديه وكلمتيه، هتبقى للساف بترتكبي اكبر خطأ، خطأ انك هتبقى في علاقة محرمة، ربنا لا يبارك فيها ابدا، لان ما بني على باطل فهو باطل. هتكوني خسرتي ثقة اهلك، وعرضتي نفسك ان كمان الناس تشوفك بنظرة مش كويسة، وطبعا سمعة البنت مهمة. خاصةً ف المجتمعات الشرقية. ف ليه ممكن تعرضي نفسك لكل ده. احفظي قلبك للانسان اللي هيبقى زوجك واللي يستاهل قلبك فعلا، مش مجرد علاقات عابرة.
تم النشر الخميس، ١٨ أبريل ٢٠٢٤
لعرض السؤال في فدني اضغط هنا