مش عايزة أحبطك، بس الموضوع دا محتاج تفكير كبير في كونه ينفع أو لأ، أكتر من التفكير فيه كمشروع إيه يضمن لك ان جميع السيدات اللي هتتعاملي معاهم كلهن أمينات؟ ميبقاش في تسجيلات للرحلة، أو تصوير (بتكلم إن في سيدات هتبقى واخدة راحتها أوي فهيحصل زي ما بيحصل في أي تجمع نسائي من كشف النقاب، أو الغناء، أو الضحك بصوت عال) إيه يضمن لك ان الصور دي مش هيطلع عليها رجال؟ إيه يضمن لك سلامة سلوكهم برضو ؟ إيه يجبرك على تحمل مسؤلية الرحلة، بالأشخاص اللي فيها؟ العائد المادي اللي هيطلع منها أقل بكتير من شعور الخوف من مسؤوليتهم! ومش هتعرفي تتبسطي بشكل كويس لأنك هتكوني شايلة هم كل حاجة، وحتى لو هما أشخاص كبيرة، فهما مازالوا في مسؤليتك! أتمنّى تعيدي التفكير في الموضوع تاني وتعرضي الفكرة على أقاربك الرجال (زوجك/أبوك/أخوك) وتشوفي الفكرة من منظورهم تنفع أو لأ، وهل هما ممكن يوافقوا لحد من محارمهم بالخروج رحلة مع سيدات لا تعرفهم أو لأ
بلاش فعلا تسافري إلا ومعاكِ محرم عشان تبقى في امان وكمان انا شايفه خطأ لانه حرام المرآة تسافر بدون محرم ...ممكن تفكري في حاجة تانية افضل
تم النشر الجمعة، ١٩ ديسمبر ٢٠٢٥
لعرض الإجابة في فدني اضغط هنا