انا على الرغم انى بحب اللى حوليا و بيحبونى الحمد الله بس كل ما بكبر بلاقى نفسى عندى جزء عنيف بيطلع و خاصة وقت الضغوطات فاللى عارفنى حرفيا بيتفاجئوا من رد فعل عنيف وقت مذاكرتى لاخويا الاقينى مش طايقاه كدا و لما بتطلع الحالة دى طبيعى بلاقى ناس كانت بتحبنى مثلا بس مش عارفانى كويس من جوابا طبيعى ممكن يستغربونى و يشوفونى بوشين ..بلاقى نفسى محاطة بناس يخلونى اكون اعنف الاسلوبهم قاسى جدا انا مكنتش كدا بس اتغيرت للاسوء ..انا والدتى كدا للاسف عصبية جدا و انا كنت بحاول اهديها زمان دلوقتى انا اللى بقيت كدا.. ممكن تلاقينى هادية و وديعة جدا بس من كلمة أو موقف تلاقينى ممكن صوتى يقلب حرفياً او الاقينى بهزأ فى اللى قدامى انا خايفة مع الوقت و التقدم ف العمر اضرب اللى بيعصبنى بجد بقيت بأُستفز بسرعة اوى... للتنويه دا مش حالتى الطبيعية لكن اللى بيطلع طاقة سلبية دى بيكون جاب اخرى معاه. ... تعديل :اكتر حاجات بتنرفزنى اسلوب حد مش حلو ..التهاون فى المسئولية انى الاقى ناس بترمى شغلها عاللى حوليها..ان اقرب ناس ليا اتصدم فيهم لما بيكون فيه تعود اسلوبهم بيتغير انى اجتماعيا حتى الان مش لاقيت اشخاص احس بأمان معهم
مشاعرنا في العموم تكون علامة على شيء نعاني منه، وخاصة مشاعر الغضب والحزن هي علامات على وجود خطب ما بداخلنا يخرج على هيئة أفعال الغضب أو الحزن، ومهارات الذكاء العاطفي مطلوبة في هذه الحالة، فهي تساعد على فهمنا الأعمق لذواتنا ونفوسنا، وبالتالي حل المشكلة من جذورها. انصحك بالدورة التعليمية للذكاء العاطفي على موقع ادراك. من الممكن أيضًا زيارة اخصائي نفسي؛ لمساعدتك على فهم مشاعرك والهدوء تدريجيًا، ومن أجل الاطمئنان العلاج النفسي لا يتطلب اطلاقًا علاج دوائي، خاصة عندما يكون الحديث عن بعض الاضطرابات الشخصية وليس مرضًا نفسيًا، والدواء النفسي لا يكتبه سوى الطبيب النفسي لا الاخصائي النفسي. لذا لا تجعلي الخوف من تناول الأدوية النفسية يكون عائقًا بينك وبين زيارة الاخصائي النفسي.
تم النشر الخميس، ٢٧ أبريل ٢٠٢٣
هو طبعا انتى المؤثرات كتير اللى مخليه عندك استعداد للعصبيه ومن جواكى شايفاها حاجة مبرره وتحصل عادى طالما فى سبب . من الاسباب الللى ذكرتيها فى التعديل فواضح انك محتاجة تتقبلى ان اللى حواليكى مختلفين واختلافهم مش معناه انهم وحشين ولا فى حته مستفزة يعنى .....هما مختلفين وبس محتاجة تشوفى ان العصبيه نتايجها فى الاخر عليكى بالسلب ...فمن باب المصلحة الشخصيه على الاقل ..انتى لازم توقفى ده وتاخدى اتجاه اخر ورد فعل اخر يوصلك لنتيجة افضل. يعنى لو ضربت حد ..هو كده هيبطل يتهاون فى المسؤولية ...اكيد لا ...طب اعمل ايه بدل ده طب ولو انا كبنى ادم فعلا مش فى حاله اتصرف فيها بحكمة وقت العصبيه ...لازم اخد بعضى واقوم او اتمشي او اعمل اى حاجة اخليها روتين وقت العصبيه عشان اقدر اروح لحالة تانيه ومخى يرجع يفكر .
تم النشر الثلاثاء، ١٦ مايو ٢٠٢٣
أولا، أود أن أشير إلى أن ردود الفعل العنيفة تعد مشكلة أكبر مما تتخيلين، ويمكن أن تؤثر سلبًا على علاقاتك الاجتماعية وصحتك النفسية. إذا كانت والدتك عصبية، فإن هذه الصفة قد ورثت منها، ومع ذلك، لا يعني ذلك أن تتبعي نفس الطريقة التي اتبعتها والدتك. من الضروري أن تعملي على تحديد ما الذي يثير شرارة الغضب داخلك وتتحكمي في مشاعرك وأفعالك، مثلاً، يمكن ان تزيدي من وعيك حول مشاعرك وأفعالك بمساعدة محركات البحث. يجب أن تبدأي بالتفكير في الأسباب وراء ردة الفعل العنيفة وتمارس السيطرة على تلك المشاعر المكتسبة. قد يكون الحصول على نصيحة من معالج نفسي أو كوتش حياة و ممارسة التأمل والتركيز على التنفس مفيدًا في تطوير طرق صحية للتفكير والتصرف. عندما تشعرين أنك ستخسر السيطرة على مشاعرك، يفضل إيجاد بديل أخر، مثلا، التركيز على النشاطات التي تحبينها أو استخدام الرياضة أو اليوغا أو غير ذلك من الأنشطة التي تساعد على تهدئة الأعصاب. لا يوجد حل سريع للتخلص من الاستياء والتوتر، لكن من الضروري تعلم التخلص من التفكير السلبي والتغلب عليه. عندما تشعرين بأنك تفقدين السيطرة، قوومِ بالزفير العميق لبضع دقائق، و استعملي الفرصة لتجاهل العامل المسبب للتوتر، واهدي نفسك لبضع دقائق، وإعادة تمركز أفكارك على أشياء مثل الأشياء الجميلة والذكريات الغير مؤلمة و الأحلام في الحياة.
تم النشر الأربعاء، ٢٦ أبريل ٢٠٢٣
لعرض السؤال في فدني اضغط هنا