بجد أنا مش عارفة اعمل اي زهقت من حياتي انا شخصية عندي رهاب اجتماعي مبعرفش اتكلم مع حد بتكسف من البنات اللي زيي انا عندي الموضوع دة من ٢ اعدادي ودلوقتي انا في ٣ كلية من اول ما بروح الكلية لحد ما بروح مش بتكلم مع حد ولا بتحرك من مكاني الا بعد انتهاء جميع المحاضرات
لو دكتور قومتني اجاوب علي سؤال بتوتر جدا ومبعرفش اجاوب حتى لو عارفة الإجابة ايدي بتسقع وقلبي بيدق بسرعة وأيدي ورجلي بترتعش مبعرفش أجاوب في امتحانات الشفوي معرفش ليه
محدش بيحب يجي يتكلم معايا انا نفسي ولو في صاحبة واحدة تشجعني بس مفيش عمري ما كان ليا صحاب عمري ما كلت في الكلية بتكسف جدا اكل قدام حد حتى قدام عيلتي لما حد بياخد رأي بحاول اقول الرأي الي يعجبه مش يعجبني انا معنديش شخصية ولا ثقة بنفسي وكرهت كدة بتكسف حتى أقابل أقاربي وأسلم عليهم
ده شيء كويس انك عارفه ان فيه مشكله وده أول طرق العلاج النفسي وأهمها كمان... مش عايز أخوض في تفاصيل علمية ولكن هدي تشبيه يقرب المعلومه.... لو قابلتي مثلا كلب في الشارع وانتي بتخافي من الكلاب عيكون موقف صعب خوف رهيب... رجعتي تاني يوم لنفس الشارع أكيد مش هتقدري تروحي منه وهتغيري الكويق عشان عارفه انا بخاف من الكلاب وخايف لا يحصلي نفس الخوف الي حصلي المره الي فاتت... دي حاجه اسمها فوبيا بالمناسبه... والأعراض الي بتحصل اسمها panic attack نوبة هلع.... نرمي التفاصيل دي في جنب ونيجي نطبق عليكي حضرتك لسبب من الأسباب تولد عندك الخوف ده بسبب موقف قديم وانتي صغيره مثلا وعقلك عشان يتجنب أذى الناس قرر انه بكل بساطه يتجنبهم بشكل مبالغ فيه عشان يحميكي زي فكرة كلب الشارع بالظبط لما غيرنا الطريق... فلما تتحطي في موقف مواجهة مع ناس تحصلك ال panic attack دي الي هي الرعشه والخوف الشديد وهكذا.... علاجها سهل ولكن هياخد وقت شويه هنشتغل بمبدأ gradual exposure أو التعرض التدريجي للمسبب بمعنى انا بخاف من البشر مش هرمي نفسي وسط تجمع واجبر نفسي أتكلم بالعكس هيزود المشكله... لكن هنبدأ الأول بحاجه بسيطه وليكن تتكلمي مع نفسك في المراية وتفتحي مواضيع لمدة أسبوع مثلا... الاسبوع الي بعده نكلم حد قريب مننا مش بنخاف منه يوميا لمدة أسبوع.... وبعد شويه نتحط في مواقف يوميى زي السوبر ماركت فيه مسافه بينك وبين صاحب السوبر ماركت اشتري واتكلمي عادي خالص وامشي وهكذا وبعد كده الكليه نروح للمعيده بعد السيكشن مثلا نتكلم في أي حاجه حتى لو تصحيح عشان الدرجه كل ده مفيش منه أذى عشان انتي الي بدأتي فعقلك مش هيترجم ان ده خطر.... فيه اوقات هتجيلك في النص كده الي هو تعرض مفاجئ... حد غريب كلمك فجأه عادي ممكن تعتذري منه وتقولي متأسفه لو كنت مش عارفه أتكلم كده عقلك هيبدأ يهدى ويكمل الحوار عادي جدا.... في الحقيقه الموضوع يطول شرحه وعايز متابعه كتير انا عارف اتكلمت كاير واتمنى اكون قدرت أوصل معلومه انا مش رغاي خالص بالمناسبه 😁... دمتي سالمه ❤️
تم النشر الثلاثاء، ٢٣ ديسمبر ٢٠٢٥
يا حبيبتي، أنا ذكية، وأنا هنا معاكِ قلباً وقالباً. رهاب اجتماعي ده مشكلة شائعة جداً، وأنتِ مش لوحدك فيها – كتير بنات زيك بيعدّوا منها بقوة وصبر. أول حاجة، أنتِ قوية عشان اعترفتِ باللي جواكِ، ده خطوة كبيرة! خلينا نبدأ خطوات صغيرة وعملية عشان تبني ثقتك بنفسك تدريجياً، ونلتزم بقيم إسلامية زي الصبر والتوكل على ربنا. خطوات يومية بسيطة لبناء الثقة: ابدئي صغير : كل يوم في الكلية، ابتسمي لـ بنت واحدة بس وقولي "صباح الخير" أو "المحاضرة حلوة النهاردة؟". متعمليش حاجة أكبر، بس كرريها يومياً. هتقدري تشوفي إزاي الناس هترد بلطف. تمرين المرآة : قدام المراية كل صباح، قولي ٥ أشياء حلوة فيكِ (زي "أنا ذكية وعارفة إجاباتي")، وجاوبي سؤال دراسي بصوت عالي. هيساعد قلبك يهدى مع الوقت. للأكل والعائلة : ابدئي بوجبة صغيرة قدام أمك أو أختك بس، قولي "يا رب ساعدني" قبلها. ربنا قال "وَمَنْ يَتَّقِ اللَّهَ يَجْعَلْ لَهُ مَخْرَجًا" – التوكل هيفتحلكِ أبواب. في المحاضرات : لو الدكتور سأل، خدي ثانيتين وقولي "أنا هفكر شوية"، ثم جاوبي ببطء. ماتخافيش، التوتر ده هيقل مع التكرار. روتين إسلامي يومي : صلّي الضحى يومياً، اقرئي سورة الإنشراح (هتريح قلبك)، وادعي "اللهم أعنّي على نفسي واجعل لي صحبة صالحة". الجهاد مع النفس عبادة كبيرة! أنتِ مش "معندكيش شخصية"، ده الرهاب بيخدعكِ – شخصيتك جواكِ، بس محتاجة تطلعيها خطوة خطوة. حددي هدف أسبوعي زي "أتكلم مع بنت واحدة"، وكافئي نفسك (شوكولاتة مثلاً 😊). لو عايزة دعم أكتر، دوري في Fedni على أسئلة مشابهة عن "رهاب اجتماعي" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ. أنتِ هتقدري، يا قمر، ربنا معاكِ وأنا هنا لو عايزة تحكي تاني. 💕
تم النشر الاثنين، ٢٢ ديسمبر ٢٠٢٥
انا كنت زيك زمان وكنت بتكسف اوي ويصيبني برد في اطرافي وفكي وشفايفي بيهتزو من التوتر لحد ما كسرت الخوف.. دربي نفسك لمهمات صغيرة كل يوم جهزي بينك وبين نفسك محادثه تتكلمي مع بنت معاك في التخصص وكل مره حطي لك هدف انا عاوز اكسر حاجز الصمت انا حابه اعبر عن افكاري وازرعي بنفسك القوه وشوفي فيديوهات تعليمية كيف تفتحي محادثة مع الناس الغريبه وكيف تعبري عن افكارك
تم النشر الأربعاء، ٢٤ ديسمبر ٢٠٢٥
أنت حاطة الناس في مرتبة أعلى من. نفسك ودا غلط، فأولا اعرفي نفسك كويس عشان تعرفي قدر نفسك وبرشح لدا سلسلة "من أنا؟ ولم أنا؟" للدكتور عبد الرحمن ذاكر الهاشمي
تم النشر الثلاثاء، ٢٣ ديسمبر ٢٠٢٥
اتكلم ازاي علي السوشيال ميديا مش فاهمة لو تقصد اكلم حد انا اصلا بتكسف انزل منشورات على السوشيال أو اكلم حد حتى لو على الواتساب وبتكسف اكتر اتكلم في التلفون
تم النشر الثلاثاء، ٢٣ ديسمبر ٢٠٢٥
المسأله محتاجه وقت وصبر ومتقسيش على نفسك وتجلدي ذاتك على حاجه انتِ عشتيها لسنين وطبيعي مش هتتغير بيوم وليله ابدأي بحاجه بسيطه تبدأي تغيريها هتفرق جدا معاكي
تم النشر الثلاثاء، ٢٣ ديسمبر ٢٠٢٥
متخديش الموضوع على نفسك أهم حاجه، تكوين الصداقات أيوه مهم للإنسان بالفطرة بس الأهم منه صحتك النفسية، أول حاجه ادعي ربنا دايما يرزقك بصحاب كويسين وألحي في الدعاء ثانيًا اشتغلي على نفسك الأول وشوفيها هي محتاجه ايه لإنه أي تغير بيجي من نفسك وهنا مش بقولك تبقي شخصية كاريزما لا لا لا حاولي تكوني جوهر خاص بيكي انتي بعيدا عن الترندات وما يحصل في السوشل ميديا، اختصارا اهتمي بدينك وتقربي لله سبحانه وتعالى واهتمي بنفسك وهتلاقي مع الوقت شخصيتك اتغيرت وقراراتك للأمور ووجهة نظرك اتغيرت( يا رب للأحسن) ويوما ما هتلاقي صحاب يفهموكي وتفهميهم ولو استطعتي تكسري حاجز الخوف شوية بشوية حاولي تتغلبي عليه، بس أهم حاجه تدعي ربنا كتير أوي في الموضوع ده هو الوحيد سبحانه وتعالى قادر يخليكي تتطوري من نفسك ويديكي صحاب كويسه مش ناس سامة يكرهوكي بنفسك وشخصيتك
تم النشر الثلاثاء، ٢٣ ديسمبر ٢٠٢٥
انا كنت زيك زمان وكنت بخاف برضو اوي مش هقولك اتحولت في يوم وليله بس فضلت كتير احاول اروح انا اتعرف على بنات واتكلم معاهم الموضوع كان بيكون زي الانتحار بالنسبالي لكن عشان اتعلم وكنت بتكسف ساعات كتير بس قلت دي كلها تجارب ومثلا يكون مدرس بيشرح اطلع اجاوب انا بيكون باين عليا اوي اني متوتره لكن لازم اكسر الخوف ده والحمدلله دلوقتي انا في الكليه ومعروفه اني شخصية اجتماعية واللي كان يشوفني زمان مش هيصدق، بس برضو مش قدرت اتخلص من موضوع التوتر لما اطلع اتكلم قصاد ناس لكنه خف كتير ودي حاجة في الشخصية مش عيب ولا غلط اني اتوتر شايفاها حاجة عادية واتصالحت مع الوضع ولحد دلوقتي بحاول وانصحك انتي كمان بكده لاني حاسه بيكي
تم النشر الاثنين، ٢٢ ديسمبر ٢٠٢٥
في الحاله دي العلاج هيكون تدريجي ع كدا في البدايه لازم تحققي أول خطوه وانك تتكلمي وأنصحك تبتدي تتكلمي سوشيال ميديا هيكون أسهل ليكي
تم النشر الثلاثاء، ٢٣ ديسمبر ٢٠٢٥
المشكلة اني عمري ما اقدر اروح اتكلم مع حد كمان انا اتعرفت في الكلية اني مش بتكلم ولا بتعامل مع حد وبقوا عارفين اني انطوائية اخاف اروح اكلم بنت تقول عليا حاجة أو تتريق عليا انا اصلا باجي بدري الكلية علشان ادخل وميكنش في ناس
تم النشر الثلاثاء، ٢٣ ديسمبر ٢٠٢٥
لعرض السؤال في فدني اضغط هنا