مؤخرا بقيت احس انى لوحدى اوى حاسة انى خايفة من حاجة معرفهاش لدرجة انى مش بعرف انام بخاف اغمض عينيا حتى، بقرأ اذكار واشغل قرآن كمان، حاسة انى مش فاهمانى كأنى ضعيفة ومحتاجة احضن حد واعيط،
انا مرتبطة سوشيال والشخص ده هو اللى بيقوينى دايما ويخلينى بحس بأمان بس لينا اسبوع كدة فيه حوارات ومش عارفه اتكلم معاه عن اللى جوايا،
حاسة انى هتجنن والله وكل شوية بفتح عشان اشوف رسائله حاسة انى متعلقة بيه تعلق مرضى وده مش حب انا مفتقدة شعور حلو باخده منه، ومعلومة كمان انى أهلي حنينين جدااا وبيحبونى الحمدلله، وكدة بخون ثقتهم فيا بس مش عارفه ابعد عنه خايفة اوى،
حاسة انى خايفة اشوف نفسى بعينى انا، خايفة من كل حاجة، وحقيقة مش عارفه اعمل ايه محتاجة ابقى مبحسش بكل التوهان والضعف ده وابقى مع نفسي بس انا خايفة اوى حاليا لدرجة انى بعيط وانا للاسف فى سكن فمفيش حد من أهلى حتى عشان وجودهم لوحده بيحسسنى بأمان، حاسة انى محتاجة مساعدة وفكرت فى الثيرابيست بس اهلى مش موافقين عشان شايفينى كويسة، وكمان عشان كان ليا تجارب سيئة جداااا مع الثيرابيست وكدة
انا ليا تجربة شخصية مقاربة لتجربتك.. من حسن الحظ إن.. مفيش مجال لذكرها هنا.. و قريت كلامك كويس.. تعالي نحلل كلامك شوية.. بس بطريقتي من منظوري بحكم اني اكبر و أكثر خبرة.. اولا.. اللجوء للطب النفسي دي مش علامة ضعف أبدًا، بالعكس، دي قوة ومسؤولية تجاه نفسك. إنك تفكري في علاج أو دعم نفسي معناه.. إنك عايزة تواجهين مش تفضلي تضيعي. لو أهلك رافضين فكرة "الثيرابست".. عشان وصمة أو خوف إلخ ممكن تبتدي بخطوات صغيرة: كتب، جلسات أونلاين، دعم ذاتي. مشاعرك تجاه نفسك إنتي حاسة إنك ضعيفة، ومش عارفة "أشوف نفسي بعيني" → ده معناه فقدان ثقة بالنفس أو ضياع هوية مؤقت. ده اللي بيخلي أي كلمة أو وجود شخص يديكي أمان، تحسي بيه كأنه إنقاذ. الارتباط بشخص غريب من السوشيال .. من وصفك واضح إن العلاقة دي بقت مصدر أمان مؤقت ليكي، بس مش حب حقيقي . المشكلة إن التعلق بالطريقة دي يخليكي في حالة اعتماد نفسي عليه → يعني وجوده = أمان، غيابه = خوف . وده بيسبب اضطراب وممكن يوجعك أكتر لو العلاقة ما كملتش . عارفه ايه المشترك بين الشراء اونلاين و الحب من السوشيال؟ في الاتنين احتمالية انه يتنصب عليكي اكتر من 60٪ هتقولي انت بتقول كده بس علشان تجربتك فشلت هقولك لاء الحقيقية تجربتي كانت جديرة تتحط في روايات الحب و العشق الجاد المحترم إن وُجدت هيه بس منتهتش بجوازنا من بعض لأسباب خارجة عن أرادتي و ارادتها و اتعملت من تجربتي ان الحب شيء قيم نبيل مينفعش يطلع الا في إطار شرعي و رسمي والا يبقي إهدار و ظلم لنفسك و للشخص اللي تحبيه لو ملقيتهوش لبعض و كمان ظلم للي هيتجوزها بعد كده لو فضل بيحب و ظلم لزوجك ان شاء الله المستقبلي لو فضلتي تحبي الشخص ده. اللي انت فعلا محتاجاه دلوقتي.. مش شخص بعينه، إنتي محتاجة أمان داخلي. ده بيتبني من: تنظيم نومك وأكلك (الجسم مرتبط بالحالة النفسية جدًا). تفريغ مشاعرك كتابة أو بصوت عالي (حتى لو لنفسك). زيادة أنشطة صغيرة تحسسك بالإنجاز (رياضة، تعلم حاجة). علاقات صحية (صديقة، قريبة، جروب إيجابي). الملخص مشكلتك الأساسية: " التعلق والاعتماد على شخص كوسيلة أمان " الحل: لازم تحولي مصدر الأمان لنفسك مش لغيرك . العلاج النفسي خيار ممتاز لو متاح.. لكن لو مش متاح → في طرق بديلة تبدأي بيها. علاقتك بالشخص ده مش لازم تبقى "غلط".. لكن خطر جدًا لو هي الوسيلة الوحيدة لطمأنتك. ربنا يوفقك و يهديكي و يطمئن نفسيتك.
تم النشر الخميس، ١٨ سبتمبر ٢٠٢٥
مرحبًا يا عزيزتي، أنا ذكية، ويسعدني جدًا أكون معك وأساندك في هذه الفترة الصعبة اللي بتمرّي بها. أول شيء أحب أقول لك إنه شعورك بالخوف والتوهان والضعف اللي بتحسي به مش عيب أو ضعف فيك، بالعكس هو موقف إنساني طبيعي جدًا لما نكون في ظروف صعبة أو لما يكون إحساسنا بعدم الاستقرار الداخلي. خليني أساعدك نبص على وضعك مع بعض خطوة خطوة: شعور الخوف والقلق المستمر وصعوبة النوم هذا شعور متعب جدًا وحقيقي، وأحيانا بيكون نتيجة تراكم ضغوط نفسية أو شعور بعدم الأمان الداخلي. القرءان والأذكار ممتازين وهدوء النفس، لكن يمكن يحتاج الأمر شغل أعمق علشان تفهمي جذور الخوف ده. الحاجة للحنان والاحتضان من الطبيعي جدًا إنك تحتاجي تحسي بحضن آمن يريح قلبك، لكن التعلق الشديد بشخص واحد، خاصة لو ما بتحسيش بالكفاية معاه، ممكن يزيد من ألمك وقلقك لما يحدث فتور أو مسافات بينكم. الاعتماد على هذا الشخص كمصدر للأمان فكرة أنك تعتمدين على شخص خارجي كمصدر أساسي للأمان حاجة كثير مننا ممكن يمر بيها، لكن ضروري تحاولي تبني أمان داخلي مستقل عن الآخرين، لأن هذا هو أساس الاستقرار النفسي الحقيقي. العزلة وبعدك عن أهلك وأجواء الدعم وجودك في السكن بعيد عن أهلِك سبب مهم في شعورك بالوحدة، وهذا شيء حقيقي ومفهوم، خصوصًا لو لم يكن لديك دائرة دعم أخرى قريبة. فكرة العلاج النفسي (الثيرابيست) وتجاربك السابقة التجارب السيئة مع العلاج النفسي مؤلمة، وفهمت إن أهلك لا يوافقون على ذلك الآن، لكن العلاج النفسي الصحيح قد يكون مفتاح يساعدك على التعامل مع مشاعرك وتنظيمها بطريقة صحية. لذلك، إذا شعرتِ بعد فترة إنك قادرة على المحاولة مرة أخرى، يمكنك البحث عن معالج جديد ذو خبرة ومتفهم ربما من خلال مراكز نفسية محترمة أو عبر منصة فدني حيث توجد أخصائيات وخبيرات يمكن أن يوفرن لك الدعم في بيئة آمنة. ماذا يمكنك أن تفعلي الآن عمليًا؟ استمري على ذكر الله والقرآن لأنهما معين روحي عظيم ، وحاولي تنمية عادة الذكر في أوقات محددة، حتى تصير مرساة لك في أوقات القلق، مثلاً قبل النوم بنصف ساعة. حاولي تمارسي عادة تدوين مشاعرك ، حتى لو ببضع جمل في ورقة. التدوين يساعد على تفريغ الضغط النفسي ويعطيك مساحة للتفكير في مشاعرك ومحاولة ترتيبها. ابحثي عن نشاطات تحبينها او تريحك حتى لو لفترة قصيرة ، قد تكون قراءة، رسم، كتابة، أو أي شيء يعيد لك شعور بالاتزان ولو مؤقتًا. ابحثي عن دعم متخصص عبر الانترنت في منصات محترمة ، فعلى الإنترنت يمكنك إيجاد أخصائيات نفسيات محترفات يمكنهن مساعدتك بدون الحاجة لموافقة عائلتك في البداية. في النهاية، يا عزيزتي، أنت قوية وأجد في كلماتك شجاعة كبيرة لأنك وصفت مشاعرك بصراحة. لا تخافي من التعبير عن نفسك وتنطلق في خطوات صغيرة نحو الأمان النفسي والراحة. وأنا هنا دائمًا إذا حبيتي تتكلمي أو تحتاجي نصيحة أو مجرد كلمة طيبة. لو حبيتي، ممكن أنصحك بالبحث في قسم الخبراء في فدني https://www.fedni.net/experts للتواصل مع أخصائية نفسية محترفة يمكن تدعمك بخطوات عملية تناسب وضعك. حافظي على نفسك، واذكري أن الله قريب يسمع دعاءك ويحفظك، وأنتِ تستحقين الراحة والسلام النفسي. 💕🌷 هل حابة نتكلم أكثر عن خطوات بناء الأمان الداخلي أو كيف تتعاملي مع مشاعر الخوف؟
تم النشر الأربعاء، ١٧ سبتمبر ٢٠٢٥
اشتري رضا ربنا و ثقة اهلك فيكي و رضاكي عن نفسك ... و صدقيني حياتك هتتحسن ده كل اللي هيبقالك في الدنيا لكن لو كملتي مش هيبقالك غير جلد الذات و تأنيب الضمير و كرهك لنفسك هيزيد مع الوقت .... خدي الشعور ده من نفسك متاخديهوش من مصدر غلط ... اهتمي بنفسك و حبيها و طوريها شوفيها بتكبر يوم بعد يوم والله لتفرحي ... لكن اللي انتي في ده لا تحمد عقباه....الأشكال السوشيال بتشتريك بالكلام و يستغلوكي و ممكن يهددوكي كمان و ملهمش امان والله صدقيني هيجي يوم و هيزهق و يشوف فريسة غيرك ... والله ما بكذب هتشوفي بنفسك ده مش بعيد بيكون بتفرج صحابه علي محدثاتكم... او لو باعته صور او أي حاجة و هتلاقي كلامهم عليكي باقذر الكلام والله .. و صورتك في عينيه مش هتبقي لطيفة خالص صدقيني ... هيبقي شايفك ... مش عايزة اقولها بس انتي فاهماني هيبقي شايفك وسيلة تسلية رخصية .... ابعدي عنه واقفلي الباب ده احسنلك ... لما تشتري رضا ربنا بتفرحي دنيا وآخرة... وافتكري الحديث " ويحك لا تفتحه انك ان تفتحه تلجه" ابعدي اي حاجة تربطك بالشخص ده ... اشتري نفسك اشتري سعادتك و فرحتك في الدنيا و الآخرة غذي انتي نفسك بالشعور الحلو ده كلام حلو ليكي سكين كير صلاتك دراستك شغلك مهاراتك كل يوم بتتطوري و بتتعلمي حاجة جديدة بتكبري قدام نفسك الشعور ده لا يوصف صدقيني .. اشغلي نفسك بعيد عن البني ءادم ده
تم النشر السبت، ٢٠ سبتمبر ٢٠٢٥
عايزة أقولك حاجة انى لو قولتله هبعد هيقولى ماشى واهم حاجه تكونى كويسة وكدة وقالى قبل كدة أننا نرجع تعاملنا كصحاب واخوات وكدة عشان متعلقش اكتر وانا رفضت، حتى الحاجات السيئة اللى عملتها انا كنت مبسوطة وقتها، هو بيسكت دماغى بيحتوى افكارى، قبل ما يكون هو موجود كنت بتكلم مع ناس غيره مؤذية وهو اللى ساعدنى ابعد ف لو هو مشى انا هبقى برجع اصاحب ناس تانى
تم النشر الأحد، ٢١ سبتمبر ٢٠٢٥
تدي لنفسك الشعور ده ازاي ... لازم يبقي في مصدر حلال يديكي الاحساس ده يقولك كلام حلو يقولك قد اي انتي جميلة ... الكلام الحلو ده .. زوجك لو متزوجة بابا اخوكي ... هما مش بيقولو يبقي بقي حسبي الله ونعم الوكيل هنضطر نكتفي بنفسنا هتقولي اني لنفسك الكلام ده هتعمللي كل يوم السكن كير بتاعك و تبصي لنفسك قدام المراية و تبتسمي تقولي لنفسك قد اي انتي جميلة و تشوفي ده فب المراية .. اضحكي لنفسك و صدقي ده مع الوقت هتلاقي حبك لنفسك زاد و ثقتك في نفسك اعلي و متقارنيش نفسك بغيرك عشان انتي في رحلة لوحدك مش في سباق مع حد تاني .. اي بردو؟ البسي لبس حلو في بيتكم لبس تحسي بيه انك بنت بجد و تحسي قد اي انك جميلة لبس اول ما تلبسيه تفرحي و مودك يتغير ايا كان ذوقك اي بقي ... حطي الميكب بتاعك في البيت و دلعي نفسك .. دي الخلاصة ازاي أدي نفسي الشعور ده = دلعيها بكل الأشكال واديها الاهتمام كانك حد تاني خالص و نفسك ده طفل انتي بتهتمي بيه شوفيها محتاجة اي من كل النواحي واديهولها ... تفوقي دراسيا او في شغلك خدي كورسات تطور مهاراتك كل يوم هتشوفه نفسك بتكبري في الجانب ده = اهتمام = دلع = الشعور اللي بتدوري عليه ... اشتغلي اكسبي فلوس = اشتري حاجات نفسك فيها = اهتمام = دلع = الشعور اللي بتدوري عليه ... صلاتك قرءانك قربك من ربنا طول ما انتي ربنا معاكي انتي اقوي من الكل = ثقة بالله و بالنفس = قوة = اهتمام = دلع = الشعور اللي بتدوري عليه ... دلع + دلع + دلع = حب ... هتحبي نفسك و تديها الشعور ده ... لحد ما ربنا يرزقك ابن الحلال ويارب ما يكونش برطة زي الحجر لا بيهتم ولا بيتنيل .. إن شاء الله ساعتها هو هيدلعك ... لكن!!!!!! احنا بردو مش هنوقف دلع مش هنبطل نطلع نفسنا ليه؟ عشان منبنيش شعور الاعتمادية ... متبقاش حياتي واقفة علي شخص بيديني شعور معين = لو اختفي = حياتي باظت ... لا لازم انا ابقي مصدر الشعور ده عشان محدش يجي في وقت و يحرمني منه ف ابقي متوازنه نفسيا و ما اتدمرش لو الشخص ده اختفي من حياتي او حصل بيننا مشاكل و عجز في الشعور ده في فترة لان المشاكل بين الزوجين واردة جدا و طبيعية والله ف متستنيش منه انه يبقي طول الوقت فرفوش و بيدلعك لا هيبقي ايام عليكي و ايام عليه و لازم تستحملو بعض عشان المركب تمشي ... بس في نفس الوقت صحتي النفسية أولوية و لازم ما ابقاش محتاجة لحد في مشاعري عشان ما اتذلش و متكسرش و ما انتكسش لو حصلت اي مشاكل ابقي متوازنه علي طول و سعيدة طول عمري مهما الاشخاص اللي حواليا اتغيرو
تم النشر الأحد، ٢١ سبتمبر ٢٠٢٥
انك مش محتاجه تشوفي نفسك بعين حد كفايه انتي في عين نفسك كفايه انتي بينك وبين ربنا واشغلي نفسك بتطوير نفسك هتلاقي نفسك نسيتي الشخص ده بعد ما تمنعي كل السبل اللي توصلك بي وركعتين في جوف اليلل تقربي بيهم الي الله واسألي منو كل اللي نفسك في الكلام مع ربنا حلو اووي حتى لو من غير صلاة
تم النشر السبت، ٢٠ سبتمبر ٢٠٢٥
أدى لنفسى الشعور ده ازاى
تم النشر السبت، ٢٠ سبتمبر ٢٠٢٥
بصي الحل هوا انك تبعدي عن الشخص دا واسمعي فيديوز للشيخ الشعراوى وركزى على حياتك
تم النشر الجمعة، ١٩ سبتمبر ٢٠٢٥
البعد عن الشخص ده بيقوينا غير الانشغال بالحياة بيخلينا نكمل عادي ركزي علي حاجات انتي عاوزها واعمل تحدي كل يوم ليكي واتعملي مع اصحابك و كلمي مامتك واهلك الفراغ اللي عندك هيزول حتي لو عقلنا فكر في الشئ وقلبنا حن
تم النشر الاثنين، ٢٢ سبتمبر ٢٠٢٥
طب ممكن يوزر؟
تم النشر الأحد، ٢١ سبتمبر ٢٠٢٥
تيلى، بس ينفع اتكلم معاك شوية وبعدها امشى ولا هتتضايقى
تم النشر الأحد، ٢١ سبتمبر ٢٠٢٥
عندك حاجة ممكن اكلمك عليها برايڤت؟
تم النشر الأحد، ٢١ سبتمبر ٢٠٢٥
تم النشر الأحد، ٢١ سبتمبر ٢٠٢٥
تم النشر الأحد، ٢١ سبتمبر ٢٠٢٥
انا فاهمة والله بس انا اللى مش عارفه ابعد بقى عندى طاقة غضب لا نهائية من فكرة انى مش بتكلم معاه بس، عايزة امسكه اعجنه كدة او اضرب اى حد وبكسر اى حاجة قدامى لما بتعصب وده للاسف انا بتأثر جسديا باى شعور، ف انا عايزة اعاتبه ومتتكلمش تانى بس فى نفس الوقت انا مش عارفة اتخيل حياتى من غيره ودى حاجة مستفزةةةةة، فى نفس الوقت ليه ابنى حياتى على حد وكمان لو عاتبته دلوقتي هو اوريدى فى مشاكل ف هيحس بالذنب، متتخيليش هو ساعدنى قد ايه وباخد رأيه فى كل حاجة فى حياتى فيه حاجات كتييير ميعرفهاش مخلوق غيره، بتكلم عن مشاعر وضيقى وكل حاجة من غير حكم عادى، معنديش أصدقاء مقربين ومقدرش احكى الكلام اللى بحكيه معاه لحد فيه حاجات كتير هتتغير انا خايف. من التغيير خايفة من كل حاجة
تم النشر الأحد، ٢١ سبتمبر ٢٠٢٥
تم النشر الأحد، ٢١ سبتمبر ٢٠٢٥
تم النشر الأحد، ٢١ سبتمبر ٢٠٢٥
الحل ( قومي اتخذي خطوة فورا + اقفلي الطريق + اشغلي نفسك + تابعي أبوزيد ) ممكن لأنك ملانة و بتدوري علي حاجة جديدة تكسر الملل ده ف ساعتها بتكلمي الشخص ده لانه كل شوية بيديكي shot adrenaline ... ف بترجعي تكلميه و الموضوع بقي ادماني ... هو شعور حلو اه لكن نهايته وحشة اوي و هتزعلي ... في المستقبل هتشكري نفسك انك قطعتي الطريق ده و ما مكملتيش فيه ... اقفلي السكة لو مش بيهددك و افقلي كل المداخل للطريق ده ... يمكن خطوة صعبة .. لكن صدقيني هتحمدي ربنا عليها اووووى... روحي دلوقتي اعملي ده ... لازم تصومي عن الشعور ده ... لانه شعور حلو بس آخرته مش حلوة خاااالص والله لتزعلي ... اشغلي نفسك عنه باي وسيلة اشغلي نفسك بجد .. الملل و الفراغ هيرجعوكي للطريق تاني تلاقي نفسك زهقانة بتروحي تكلميه ...متخليلهوش ثانية في يوم ... الحل ( قومي اتخذي خطوة فورا + اقفلي الطريق + اشغلي نفسك + تابعي أبوزيد ) أبوزيد هيعلمك ازاي تنظمي مستويات الادرينالين في جسمك = لا ملل = لا فراغ = لا علاقات مؤذية
تم النشر الأحد، ٢١ سبتمبر ٢٠٢٥
اهلى بيدونى الشعور ده الحمد لله بس مش بحسه برضوو، يعنى فكرة ادلع نفسى والكلام ده بعمله بس بيبقى نصاية اتبسط وبعدها ارجع احس اني مضايقة برضو
تم النشر الأحد، ٢١ سبتمبر ٢٠٢٥
اكيد طبعا ربنا جميل ورحيم اوى، هحاول اعمل كدة
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا