أبقى اجتماعيه وميبقاش عندي رهاب اجتماعي وتردد وعدم ثقة ف النفس والقدرات ازاي ؟؟
عزيزتي، الرهاب الاجتماعي والتردد وقلة الثقة بالنفس أمور شائعة جداً، ويمكن التغلب عليها بخطوات عملية ومستمرة تبني ثقتك تدريجياً. ابدئي بتحديد مواقف صغيرة يومية تتحدين فيها نفسك، مثل التحية لشخص غريب أو المشاركة بتعليق بسيط في محادثة عائلية أو مع زميلة، ثم زدي من التحدي تدريجياً. هذا يساعد على إعادة برمجة عقلك ليعتاد على التفاعل دون خوف مفرط. ركزي على تغيير الحوار الداخلي السلبي بتذكير نفسك بقدراتك الحقيقية وإنجازاتك السابقة، واستعيني بالدعاء والتوكل على الله لتعزيز الثقة، فالإيمان يمنحك قوة داخلية كبيرة. مارسي مهارات التواصل من خلال الاستماع الجيد والأسئلة المفتوحة في محادثات قصيرة، ولاحظي كيف يستجيب الآخرون إيجاباً، مما يقلل من التردد مع الوقت. تذكري أن التقدم يأتي بالممارسة المنتظمة وليس بالكمال الفوري. يمكنك البحث عن أسئلة مشابهة على فدني للحصول على المزيد من الآراء والتجارب الشخصية التي قد تلهمك. أنتِ قادرة على التغيير، وكل خطوة صغيرة تقربك من الشخصية الاجتماعية الواثقة التي تطمحين إليها.
تم النشر الخميس، ٣٠ يوليو ٢٠٢٦
الرهاب الاجتماعي والثقة بالنفس مش بيتغيروا في يوم وليلة ابدئي بخطوات صغيرة زي انك تعبري عن رأيك مع ناس متعوده عليهم حتي لو كنتي متوتره كمان حاولي ترمي السلام وانتي معديه وانتي داخله مكان مع الوقت هتلاقي الخوف عندك بيقل كمان أنصحك تقرأي كتب زي "العادات الذرية" لأنه هيساعدك تبني عادات صغيرة تغير حياتك مع الوقت "وقوة الثقة بالنفس" للدكتور إبراهيم الفقي واسمعي بودكاست عن تطوير الذات أو الرهاب الاجتماعي. والأهم من كل ده متقارنيش نفسك بغيرك خديها خطوة خطوة ومتلوميش نفسك حتي لو التغيير كان بطيء.
تم النشر الثلاثاء، ٤ أغسطس ٢٠٢٦
عليكم السلام اولا. مين قال لك ان انت عندك رهاب اجتماعي يعني ايه اللي خلاكي مثلا تحطي في دماغك ان انا مثلا لو مش عايزه اقعد مع الناس مش عايزه اختلط بيهم فده ممكن يكون رهاب اجتماعي. أنت محتاجه بس شويه جراءه. محتاجه تعرفي انت عايزه ايه؟ عايزه تبقي اجتماعيه وتضحكي وتهزري وكده فانت ممكن تبقي مبدئيا. اما ما تدخليش مره واحده وتضحكي وتهزري عشان هيقولوا عليك طبعا ان انت هبله سوري معلش فخليكي على طبيعتك مفيش احلى من الانسان يكون على طبيعته. اتصرفي بطبيعيه جدا وسلسه ما تخافيش من كلمه ان انت هتقوليها ما تتردديش احنا اه لازم نفكر في الكلام قبل ما نقوله بس ما ينفعش نفكر وقت زياده عن اللزوم. في ناس كده في حياتنا بنقول عليهم ايه دول دبش بس قلبهم ابيض الناس دي ما بتعرفش تفكر في الكلام بس عندهم الجراءه ان هم يقولوا اللي هم عايزينه لان الكبت وحش. فانت خدي فرصتك. واول تصرف هتعمليه حاولي تعمليه مع ناس انت بتحبيهم وهما بيحبوكي اقعدي معاهم اضحكي هزري قولي الكلام اللي انت عايزاه. عشان الناس اللي بتحبك دايما هتتقبل منك اي حاجه وهتفهمك الصح من الغلط. فما تتجرأيش في الاول خالص مع ناس انت ما تعرفهمش. وان شاء الله مش هيطلع عندك ولا ر هاب اجتماعي ولا موضوع ثقه من نفسي خالص لان الثقه بالنفس دي بترجع للجرائه. انت كويسه انت ما فيكيش حاجه فا الثقه بالنفس انت اللي هتنميها. اما رهاب اجتماعي فالمجتمع بتاعنا مش مجتمع رهاب. احنا مجتمعنا يعني مجتمع سلس يحب الهزار والضحك والفرفشه هتهزري تضحكي تفرفشي خلاص الموضوع خلص فليه الرهاب بقى؟
تم النشر الجمعة، ٣١ يوليو ٢٠٢٦
السلام عليكم، مين قالك إنك عندك رهاب إجتماعي؟ مين قالك إنك مش واثقة من نفسك؟ طيب أنتِ عايزة تكوني إجتماعية ليه؟ ولاي حد غالبًا مصطلح أنا عندي رهاب إجتماعي موضة حاليًا!! لكن الواقع مختلف أنتِ بتعرفي تتعاملي وتتكلمي لكن بتكوني مثلًا متوترة ودا شيء عادي جدًا وطبيعي جدًا ولو أنتِ من النوع بيتعامل مع ناس يوميًا مش هتقولي كدا بس عشان أنتِ مش بتتعلمي كتير بتلاقي نفسك محرجة فـ الثقة بتكون بقوة معرفتك بنفسك وكلامك الموزون، الثقة في ثباتك الانفعالي عند الأزمات وفي العادي برضو القراءة هتزود ثقتك في نفسك التجربة خير داليل ممكن تشتركي في شيء تطوعي هتلاقي نفسك غصبن عنك وسط ناس وبتتعاملي بالتوفيق يا بطلة 🤍
تم النشر الخميس، ٣٠ يوليو ٢٠٢٦
كنت ف مراحل التعليم عندي رهاب اجتماعي سيئة جدا . لكن اول ما دخلت الجيش يا حفيظ يا رب تقلب هذا القلب الضعيف المستحيي وأصبح حاجه على النقيض تماماً. ربنا يرزقك تجربه مليانه ناس تشجعك وتخرجك إلى جو يبين مهارة تواصلك وقوتك
تم النشر الجمعة، ٣١ يوليو ٢٠٢٦
لعرض السؤال في فدني اضغط هنا