انا متزوجة عندي 28 سنه ولدي طفلين 3 و 4 سنوات
من فترة قصيرة ظهر وجع في ركبتي عند الثني أو عند الوقوف وشوية وبدأ يكون في ورم وألم في الركبتين عند النوم رحت للدكتور وعملت اشعة طلعت في خشونه وظهر في الأشعة حاجة كده بشكل طولي بجانب مفصل الركبة و الدكتور قال ده لازم عملية وخصوصًا ان في وجع بهذا الجزء
الدكتور قالي ده ورم غضروفي حميد ولازم عملية
سؤالي هل لو انتظرت وليكن سنتين او 3 سنوات هيكون في خطورة او هيأثر عليا بأي شيئ سلبي؟؟
والسلام عليكم ورحمه الله وبركاته. اولا الف مليون سلامه عليك شفاك الله وعافاك باذن الله مسأله الخطوره اعتقد الدكتور بتاعك واللي شايف كل الحاله بتاعتك قدامه هو اللي يقدر يرد على السؤال ده بشكل اكيد خلينا نقول الحاجه اللي من اتجاه ملوش علاقه بالشق الطبي، صحتك مهمه جدا والمسائل اللي هي لها علاقه بالاورام اعتقد انه كل ما احنا اتعاملنا معها بدري يكون أفضل كتير لانه الأورام لما بتكون موجوده في الجسم يعني احنا ما نقدرش نضمنها ما نقدرش نضمن انها تتطور اكتر فهتأذينا اكثر ولا لا لان هي اصلا بتعتمد على عوامل كتير وحاجات كتير ما يبقاش عارفين هو ايه الحاجه اللي سببت الورم ده في الاساس وما بنقدرش برده نعرف ايه الحاجات اللي ممكن تحصل تخلي الورم ده يتطور لشكل أسوأ فلو احنا في ايدينا دلوقتي نتعامل مع ده دلوقتي فنعمله افضل، ايوه انا عارفه ان اطفالك صغيرين ثلاث واربع سنين بس بما انك عندك. الاحساس اللي هو انا مش قادره اسيب اطفالي وحاسه ان هم محتاجين يفهموا طول الوقت يبقوا محتاجين لك حتى ولو انتظرتي سنتين او ثلاثه هتلاقي نفسك برضه بتحطي صحتك مش في الأولويه وبتحاولي تأجلي دائما ودائما وهيبقوا السنتين مش سنتين ولا ثلاثه هيتحولوا لخمسه وعشره و ما نعرفش المضاعفات هتبقى عامله ازاي وقتها ما نعرفش ضغطك انت على صحتك واهمالك لصحتك ممكن يوصل لفين. فبرده صحتك هتبقى مقصره على رعايتك لاطفالك ما اعتقدش انك هتكوني في أحسن حال وانت حاسه بالم او حتى لو بتتحملي الألم وانت في وسط اطفالك وهتلاقي نفسك فيه حاجات مش قادره تعمليها لهم بالشكل اللي انت تحبي تعمليه لانك حاسه بألم فيعني نصيحتي ليكي يعني ابدئي في الاجراءات الطبيه تعجلي إن شاء الله بشفائك وتكوني مع اطفالك في وقت قريب باذن الله بصحه وبعافيه وما يتحولش لاي شكل لاسوء باذن الله. زائد خلينا نقول ان تلات واربع سنين لسه بقى ما بقوش في مدرسه يعني ومحتاجين الدراسه الشديده قوي في الوقت ده افضل من اي وقت.
تم النشر الثلاثاء، ٤ مارس ٢٠٢٥
أفهم تماماً قلقك بشأن الوضع الصحي وتأثيره على حياتك اليومية خاصة مع وجود أطفال صغار. الوتتابعين لنصيحة الطبيب أمر مهم جداً، لكني سأوضح بعض الأمور العامة التي قد تساعدك في اتخاذ القرار. الاورام الغضروفية الحميدة تحتاج عادة إلى متابعة دقيقة بناءً على توصيات الطبيب، حيث أن تأجيل العملية يمكن أن يؤدي إلى زيادة الأعراض أو حدوث مضاعفات مع مرور الوقت، مثل زيادة الألم أو تأثير الحركة الطبيعية للمفصل. من الضروري جداً الالتزام بتعليمات الطبيب المختص بناءً على حالة ركبتك الحالية، والأشعة والفحوصات التي أجريتها. الطبيب الذي عاين حالتك لديه أفضل فهم للوضع الصحي. إذا كان التوقيت والتدخل الجراحي قراراً صعباً نظراً لوجود أطفال، يمكنك استشارة جراح آخر للحصول على رأي ثانٍ، والبحث عن خيارات قد تساعد في تحسين الوضع مثل العلاج الطبيعي أو استخدام الأدوية لتخفيف الألم مؤقتاً. لا تترددي في متابعة الأمر مع زوجك أو أي شخص مقرب لمساعدتك في بقية الأمور المنزلية إذا كنتِ بحاجة لإجراء عملية في المستقبل القريب. الاعتناء بصحتك سيعود بالنفع على عائلتك بالكامل. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٤ مارس ٢٠٢٥
ألف سلامة على حضرتك، بلاش خالص تأجيل وخاصة في حاجة زي الأورام حتى لو حميدة... صحتك أهم وأولادك هيفضلوا محتاجين لكِ. أنتِ أصلا حاليًا فيه ألم عند الوقوف وحتى النوم وأكيد ده مأثر على حياتك واهتمامك بأولادك وممكن يزيد مع الوقت، فأنتِ حاولي تنظمي موضوع الاهتمام بالأولاد مع زوجك وبقية أفراد العائلة سواء من أهلك أو أهله بحيث إن شاء الله وقت العملية وبعدها يكون فيه حد بيقوم برعايتهم لحد إن شاء الله ما تقومي لهم بالسلامة. توكلي على الله وحافظي على صحتك عشان نفسك وعشانهم.
تم النشر الأربعاء، ٥ مارس ٢٠٢٥
لعرض السؤال في فدني اضغط هنا