انا كان لي زميل قدري في العمر، كلامي معاه هو محترم جدا ولا مره اتعدى الحدود معاي، بديت احس بمشاعر تجاهو فبعدت عنو بدون ما اكلمو عشان مشاعري ما تكبرش ونبقى في ارتباط والامور دي وهو حس بالحاجه دي فبقى بسألني وبحاول يتواصل معاي عشان يطمن علي وفي الاخر اعترفلي بحبه وقالي انو مش حيوعدني اني استناه لأنو الظروف مش معروفه ونحن بندرس لسه وهو حيشتغل على نفسو عشان يجي يتقدملي زي ما الناس بتعمل ، انا ردي ليه كان زي الصد وقلتلو لي جاي يعترفلي طالما هو مش جاهز ، انا كتمت حبي ليهو ومش قدرت اقولو حفاظا على نفسي ، بس الحاجه دي متعباني ويومي ما بكملش غير لما افكر فيه اعمل ايه واي التصرف الصح بعد الحصل دا يا ريت تفيدوني
انتي صح الفكره ان الانسان مينفعش يسيب نفسه للمجهول اكيد هيطلب منك تصبري عليه سنين كتيره انتي متعرفيش هل بعد السنين دي هيتجوزك فعلا ولا لا !؟ قبل ما تتعلقي بيه اكتر وياخد مساحه كبيره من حياتك بدون وجه حق ابعدي عنه وهو لو قدر يكون نفسه بسرعه هيرجعلك مش هيسيبك لكن تكملو كلام مع بعض بدون اي محهود منه انتي اللي هتتعبي مش هو
تم النشر الخميس، ٢١ مايو ٢٠٢٦
السلام عليكم، أنتِ تصرفك صح. هو لو محترم زي ما قلتِ ومفيش احتمال مثلا إنه من الشباب اللي بتتسلى فجايز هو خاف حد يتقدم لك خلال الفترة اللي بيكون نفسه فيها فقال يعرفك يكون عندك علم. وجايز كان جس نبض يشوف رأيك وعلى أساسه يتصرف بعد كده ** هو قال مش بيوعد ولا بيطلب تنتظريه بس بطريقة غير مباشرة كان بيطلب كده. هل أنتِ حزينة دلوقتي عشان ردك كان فيه صد له وجايز جرحه ولا كل مشكلتك إنك متعلقة به وبتفكري فيه وإزاي تتخلصي من التفكير؟ أولا أنتِ مغلطتيش، من حقك كبنت تحمي نفسك وتضعي حدود في التعامل لأن مهما كان اللي قدامك باين إنه محترم فأنتِ مش ضامنة ده وكمان لازم تراعي حدود ربنا. فيلاش الشيطان يدخل لك من ناحية إحساس بالذنب ناحية الشاب. ثانيا، طبيعي هتفضلي شوية تفكيرك مشغول به فحاولي تتفهمي مشاعرك وتكوني لينة مع نفسك وتعطيها وقتها، المشاعر مش بضغط زر هتلغيها، خاصة لو كنت فضلتِ فترة في التفكير ده لحد ما صار عادة. دلوقتي أفضل حل هوإنك تشغلي وقتك، ركزي في دراستك واملي وقت فراغك بهوايات وكورسات مفيدة واشتغلي على تطوير نفسك مع الأيام والفكر المشغول بحاجات أهم هتلاقيه تراجع للخلفية لحد ما هيبقى عادي بالنسبة لك. واستعيني بالله وادعيه دايما يكتب لك اللي فيه الخير.
تم النشر الثلاثاء، ١٩ مايو ٢٠٢٦
أختي العزيزة، أفهم تمامًا مدى تعبك النفسي في هذا الموقف، فالمشاعر المكبوتة مع الخوف من المستقبل أمر صعب جدًا. أنتِ تصرفتِ بحكمة عندما ابتعدتِ لحماية نفسك، وهذا يدل على نضجك. التصرف الصحيح الآن هو التركيز على نفسكِ أولاً: أكملي دراستكِ بجد، ومارسي أنشطة تُسعدكِ وتُبعد الأفكار عنه. ادعي الله أن يُيسر لكِ الخير، فالدعاء يُريح القلب. إذا شعرتِ أن الموضوع يؤثر عليكِ كثيرًا، يمكنكِ البحث عن أسئلة مشابهة في فدني للحصول على آراء إضافية، أو زيارة صفحة الخبراء هناك لاستشارة متخصصة في العلاقات والمشاعر. أنتِ قوية، وستتجاوزين هذا بإذن الله.
تم النشر الثلاثاء، ١٩ مايو ٢٠٢٦
تصرفك صحيح وادعي ربك
تم النشر الخميس، ٢١ مايو ٢٠٢٦
اللي عملتيه هو الصح
تم النشر الأربعاء، ٢٠ مايو ٢٠٢٦
اللي عملتيه صح وادعي ربنا بصلاح حالك
تم النشر الثلاثاء، ١٩ مايو ٢٠٢٦
اخترتى الطريق الصح ، بس مفكرتيش مثلا يمكن مش حب يمكن علشان مثلا كلام حلو او اوقات يتعدى علينا فترات بنبقى محتاجين لحد جنبنا يمكن هو جه فى الفترة دى فأنتى حسيت اللى انتى بتحبيه لو فكرتى اكويس فى الأغلب اظن انو كان مجرد اهتمام زائد والله اعلم ،لكن فى العموم انتى عملتى الصح
تم النشر السبت، ٢٣ مايو ٢٠٢٦
ممتاز اللي عملتيه صح ، علشان يشتغل فعلاً ع نفسه ولو عاوزك هيوصل ، اوعي تفكري أنه هيبعد بل بالعكس هيقرب اكتر
تم النشر الجمعة، ٢٢ مايو ٢٠٢٦
التصرف صحيح والافضل هو التفكير في بناء ذاتك وتثقيف نفسك ولو وافقتي علي حد لازم يكون جاهز لأن حب الدراسه دا تضييع وقت
تم النشر الجمعة، ٢٢ مايو ٢٠٢٦
تشغلي بالك ب اي حاجه مفيده وشيلي من راسك رزقك هيجي للمكان اقنعي نفسك كدا وهو لو ليكي هيسر ربنا لامر مش تفكري بجد
تم النشر الخميس، ٢١ مايو ٢٠٢٦
لعرض السؤال في فدني اضغط هنا