انا عندي اختي داخلة تالته ابتدائي و الفرق بيني و بينها كبير للأسف حصلت مشاكل ف السنين الاولي من ولادتها ف عملتلها زي حاله نفسية يعني لما بتسمع حد بيزعق مثلا بتخاف و تترعش و تجري تستخبي حتي لو مش بيزعقلها و عصبية جدا و عنيدة و انا اوقات كتير اعصابي بتنفلت عليها مش بعرف اتحكم ف نفسي و ازعقلها هي مخددتش الحنان الكفاية من الابوين و معندهاش اطفال ف سنها تلعب معاهم خاصة اننا ف الاجازة و اوقات الاطفال بتضايقها ف المدرسة و ده كله بيأثر عليها و حتي اوقات مش بيبقي عندها ثقه ف نفسها و بحسها ضعيفة جدا من جواها انا حابة اعرف ازاي اتعامل معاها ازاي اقربها مني و هي مش بتحب تقرب مني اوي او تتكلم او كده عايزة اكون صاحبتها و عايزاها تكبر تكون نفسيتها كويسة و طبيعية و انا عايزة اكون انا و هي زي الشخص الواحد ف الحقيقة مش عارفة اوصل الفكره اوي بس محتاجه حد يساعدني ف تحسين نفسيتها و العلاقه بينها و بين نفسها و بينها و بيني
أولا استعيني بالله ولا تعجزي .. خليني اقولك انتي محتاجه تكوني اهدى من كده شوية في التعاملات مع نفسك اولا لان واضح من الكلام إنك متأثرة بنفس اللي بتشتكي منه فى اختك .. واحتمال إن عصبيتك عليها تكون لنفس الاسياب .. ابعدي طبعا عنها اي عصبية ومحدش يزعق لها .. حاولي تفهمي خصائص واحتياجات السن ده .. هيفيدك جدا في التعامل معاها .... مينفعش تكوني انت وهي شخص واحد ... حاولي تديها شوية وقت ليها هي باسلوبها وطريقة العابها وخليها تحس إنك فعلا عايزة تستمتعي بالوقت ده معاها متنشغليش عنها في الوقت ده بحاجه .. واتفقي معاها انكم كل يوم في وقت معين ليكم وقت مع بعض زي ده .. داومي على ده معاها .. طبعا واضح انها معندهاش امان خااالص وده هياخد وقت .. بلاش تعلقيها بيكي او تتعليقي انت بيها بزيادة مهم تعلميها ازاي تعمل صداقات ويكون عندها حاجات نافعة بتعملها تشغل نفسها بيها شوفي هي بتحب ايه وشاطرة فى ايه وحاولي تعمليه .. بمعنى ايه هي مهاراتها او لو ليها موهبة في حاجه معينة ده هيفرق معاها جدا ويخليها تحب نفسها وتحس انها حاجه وبالتالي ده هيزود ثقتها فيما تفعله .. اخيرا كل ما تفهمي الدوافع ويكون عندك رفق في التعامل معاها ده هيحسسها بامان اكتر ويطمنها شوية .. ربنا يحفظكم وييسر امركم
تم النشر الأحد، ١٩ يوليو ٢٠٢٦
أختي العزيزة، أقدر تمامًا شعورك بالقلق على أختك الصغيرة، وأنتِ تحاولين أن تكوني لها سندًا وصديقة في ظروف صعبة. الطفلة اللي مرت بمشاكل نفسية مبكرة بسبب نقص الحنان أو الظروف الأسرية تحتاج إلى بيئة آمنة ومستقرة، وأنتِ بالفعل خطوة مهمة في طريق تحسين نفسيتها لأنكِ تريدين بناء علاقة قوية معها. الصراخ أو فقدان السيطرة على الأعصاب قد يزيد من خوفها، لذا ابدئي بتدريب نفسك على الهدوء أولاً، مثل أن تبتعدي قليلاً عندما تشعرين بالغضب ثم تعودين بهدوء لتتحدثي معها بلطف. لتقريبها منكِ وبناء ثقتها بنفسها، ركزي على الأنشطة المشتركة البسيطة التي لا تتطلب حديثًا مباشرًا في البداية، مثل اللعب معًا أو قراءة قصص أو حتى مساعدتها في واجباتها بطريقة مرحة. أظهري لها الحنان من خلال اللمسات الخفيفة أو الابتسامات والمديح على أي إنجاز صغير، فهذا يعوض نقص الحنان السابق ويبني شعورًا بالأمان. كوني قدوة في التعامل مع الآخرين بهدوء، وشجعيها على التعبير عن مشاعرها تدريجيًا دون إجبار، مثل أن تسأليها "هل تحبين أن نرسم معًا اليوم؟" لتفتحي باب التواصل. في الإجازة، حاولي ترتيب لقاءات مع أطفال آخرين في بيئة آمنة لتقليل عزلتها. تذكري أن التحسن يحتاج وقتًا وصبرًا، وأنتِ قادرة على أن تكوني الشخص الذي يساعدها على النمو بنفسية أقوى. إذا أردتِ المزيد من الأفكار، يمكنكِ البحث عن أسئلة مشابهة على فدني للحصول على وجهات نظر إضافية.
تم النشر السبت، ١٨ يوليو ٢٠٢٦
و مثلا في حاجة جميلة سبق و قال عنها الشيخ أمجد سمير مثلا قولتي لأختك لو جبت درجة حلوة في الإمتحانات هجبلك كذا لو شوفتيها بتتعب بجد علشان تفي بوعدها أول ما تخلص الإمتحانات خديها هاتيلها اللي وعدتيه بيها قبل ما الدرجات تطلع كفئيها علي السعي مش علي النتيجة و هكذا في اي شئ قولتلها تعمل حاجة و فشلت شوفتيها كانت بتحاول متزهقيش عليها بل اجبري خاطرها بكلمة حلوة أو بمكافأة بسيطة حاجة احنا متربناش عليها للأسف بس صراحة شايفها هتفرق جدا في تربية الأطفال
تم النشر الاثنين، ٢٠ يوليو ٢٠٢٦
اجتهدي في معرفة اهتمامتها حتي لو هي مقالتلكيش و بعد ما تعرفي بتهتم بإيه شاركيها في اهتمامتها اصنعي بينك و بينها منطقة مشتركة تلجأ هي ليها في أوقات ضعفها و حزنها كلميها عن ربنا كتيير جدا الواحد لما بيستزيد معرفة بربنا خوفه بيقل لحد ما بينعدم تماما حاولي تعرفي صحابتها و صحبيهم انتي و قربيهم منها بشكل غير مباشر لا هي تلاحظه و لا صاحبتها تلاحظه نامي معاها لما تكون خايفة ده بيديها شعور خفي بالأمان ناحيتك هيخليها بعد كده هي اللي تطلب منك تنامي معاها أو تلعبي معاها لما تخاف قربي منها بحب و حاولي تخليها تقولك هي خافت من ايه و بعد كده وضحي السبب الحقيقي اللي خلاكي انت او غيرك يزعق لو كلامي كان مفيد بالنسبة ليك حاولي تلخصيه في ورقة علي شكل نقاط و اصبري كل الصبر مش من أول مرة و لا من أول شهر و ممكن حتي كمان مش من أول سنة عليكي بالتوكل علي الله ثم تنفيذ ما سبق إذا شاء الله قربها لك
تم النشر الاثنين، ٢٠ يوليو ٢٠٢٦
لعرض السؤال في فدني اضغط هنا