عندي مشكله عندي حساسيه زياده اي مشهد مؤثر ف التلفزيون بيخليني اعيط من اققل حاجه حتي لو حاجه بسيطه
السلام عليكم الحساسيه الزياده دي يعني زي كده دكتوره مي سألت برده فانا هسالك ثاني هي بقى لها فتره ولا دي كده لسه قريب يعني المشهد المؤثر اللي انت دائما بتعيطي معاه هل بيكون دائما مشهد حزين يعني مشاهد حزينه هي اللي انت يعني مركزه معاها حاليا وهل بتبقي اصلا قاصدة تتفرجي على المحتوى الحزين ده يعني بتجيبي فيلم هو قصته حزينه او بتميلي اكثر انك تروحي للحاجات دي اكثر من اي حاجه ثانيه يعني قولي لنا كده ايه اللي انت بتحسي بيه وقولي برده اذا كان الحساسيه دي تجاه اي حاجه فيها مشاعر حتى لو مشاعر فرح برده بتلاقي نفسك بتعيطي.
تم النشر الثلاثاء، ٢٥ فبراير ٢٠٢٥
السلام عليكم، هل المشكلة دي كانت موجودة دائمًا عندك ولا مؤخرًا بدأت أو من فترة معينة؟ حاجة ما حصلت بحياتك وتغيرت بعدها؟ يعني عادي فيه أشخاص حساسين بطبيعتهم وأي مشاهد مؤثرة حتى لو بسيطة بتخليهم يبكوا ويتأثروا بسهولة. وساعات ممكن يكون الشخص بيمر بفترة ضغوطات أو حصلت تراكمات في حياته ومقدرش يتعامل معها أو يفرغها بطريقة صحية فبقت دي طريقة تفريغ نفسية بيعملها من غير شعور، يعني ممكن المشهد بيعطيه فرصة يعبر عن مشاعره أو بيلامس الوتر الحساس جواه. فإما إنك من الناس اللي بطبعهم حساسين أو بتمر حاليا بضغط أو ظروف محتاجة تتعامل معها وتحلها.
تم النشر الثلاثاء، ٢٥ فبراير ٢٠٢٥
من الواضح أنك تواجه شعورًا قويًا تجاه المواقف العاطفية في التلفزيون، وهذا قد يكون نتيجة لتفاقم المشاعر الداخلية أو التوتر. من الطبيعي أن نشعر بالتأثر عند مشاهدتنا لمحتوى عاطفي، لكن إذا كنت تجد نفسك تبكي بشكل مفرط في مواقف بسيطة، فقد يكون من المفيد النظر في الأسباب وراء ذلك. يمكن أن تكون الحساسية الزائدة مؤشراً على تراكم العواطف أو ربما على قضايا لم تحل والتي تحتاج إلى التعبير عنها. أوصي بالبحث عن وسائل للتعبير عن مشاعرك، مثل الكتابة أو التحدث إلى شخص تثق به. كما يمكنك التفكير في استشارة متخصص يساعدك في فهم مشاعرك بصورة أعمق ومعالجتها بطريقة صحية. لا تتردد في التحدث عن مشاعرك، فهي مهمة وصحية.
تم النشر الثلاثاء، ٢٥ فبراير ٢٠٢٥
لعرض السؤال في فدني اضغط هنا