_أنا بنت وهي بنت خالتي وكنا قريبين من بعض جدًا لدرجة إننا كنا شبه أخوات، وكل أسراري وتفاصيل حياتي كانت معاها وكنت واثقة فيها ثقة عمياء. أكتر من أربع سنين وأنا بستحمل وأعدي حاجات كتير عشان أحافظ على علاقتنا، ولما المشاكل بينا زادت طلبت منها ناخد بريك ونهدى شوية عشان نرجع أحسن من الأول، مش عشان أنهي علاقتنا. لكن من وقتها بدأت تعاملني بطريقة وجعتني جدًا، وفضلت السنتين دول شايلة في قلبي ومستحملة، لحد ما في الآخر هي اللي سابتني، وده كسرني لأني حسيت إني أنا اللي اتساب بعد كل السنين اللي حاولت فيها أحافظ عليها. بعدها خالتي اتدخلت وقالت لنا إننا أخوات ومينفعش نبعد، فرجعنا، لكن أنا مكنتش زي الأول. خلال الفترة دي اكتشفت حاجات كتير كانت بتكتبها وتقولها عني، وحاجات في تصرفاتها خلتني أشوف جانب منها عمري ما تخيلت وجوده. اتصدمت إني كنت حاطة كل أسراري وثقتي في إنسانة اكتشفت إني معرفهاش زي ما كنت فاكرة، وحسيت كأني كنت غريبة عن واحدة كنت بعتبرها أختي. عشان كده أنا دلوقتي اخترت البعد، مش كرهًا فيها ولا رغبة في الانتقام، وهي هتفضل بنت خالتي وهحترمها، لكن مقدرتش أكمل نفس العلاقة وأنا من جوايا مكسورة ومش مرتاحة. وسؤالي بجد: هل أنا عملت الصح لما اخترت البعد بعد كل اللي حصل؟ وهل أنا كده بوقع بين العيلتين وبسبب مشكلة أكبر، ولا من حقي أحافظ على صلة العيلة وفي نفس الوقت أحط حدود مع شخص مبقتش قادرة أثق فيه؟
اهلا عزيزتى اتمنى تكونى بخير قرأت رسالتك واتفهم شعورك بالصدمة لم تذكرى برسالتك طبيعة المشاكل التى ظهرت بينكم ولكن اريد ان اخبرك شيئا ان كل ما مررتى به مع قريبتك يحدث بين الكثير من الناس احيانا نقترب من أشخاص ونجعلهم بيتا لاسرارنا ونكتشف اننا وثقنا بالأشخاص الخطأ ..اما عن فكرة من بدأ بترك الاخر فلا داعى لان تنظرى لهذه الأمور فهى غير مهمة بالمرة الأهم حاليا هو ما الدرس المستفاد من هذه التجربة دعينى أخبرك لا تبوحى باسرارك لاحد لان الظروف والنفوس تتغير وهذا لا يعنى ان لا تثقى بأحد ...بالعكس أعطى ثقتك لمن يستحق ولكن بحدود وخصوصا اسرارك احتفظى بها لنفسك او شاركيها مع والدتك واجعليها هى صديقتك الأولى..أما عن بنت خالتك فانتى لم تخطئين عندما طلبتى منها وقت لتهدئى فهذا حقك ولكن هى لم تتقبل هذا الاقتراح ...فنصحيتى اليكى حبيبتى بعد اكتشافك بعض الامور لم ترضيكى ان تعامليها بحدود بنت خالتك فقط ..ولا تنظرى لنفسك بأنك بقرارك هذا ستتسببين فى مشاكل للعيلة ..احترمى حدودك ومساحتك وستجبرين من حولك باحترام هذه الحدود وأنصحك ان تسامحيها ليس من اجلها بل من أجلك انتى لتصلى للسلام النفسي...صباحك سعادة❤️❤️❤️
تم النشر الخميس، ١ أكتوبر ٢٠٢٦
لعرض السؤال في فدني اضغط هنا