اولا طول ما انتى باصه لرزق غيرك مش هترتاحى ( مش هعرف اكلمك غير باجابة دينيه ....لان الدنيا والدين لا يفترقان فى الكلام ) لانك ببساطة ممكن تعملى زيها بالظبط وتاخدى نتيجة مختلفة باب التعارف مش شرط هو اللى بيخليها تتزوج باب الرزق هو اللى بيخليها تتزوج ...او باب الابتلاء ( لك ان تتخيلى بقى ) اذا اردتى السعى للزواج ..يمكنك التصريح برغبتك فى الزواج وان اعجبك احدهم اجعلى وسيطا يسأله فى رغبته فى الزواج ( لا بأس فى ذلك ) ودينيا ده مباح ولكن مجتمعيا بقى هلاقيكى تقولى لا اتكسف التعارف اللى قبل الزواج لو مش بعلم الاهل وتوضيحا لنيه الزواج ( دينيا خطأ ) ...مجتمعيا هيبقى عادى واحسن بدل دخول البيت كل شويه ( كلام فارغ طبعا ) اذا اردتى السعى يمكنك استخدام مواقع الزواج بعلم واشراف الاهل مثل موقع الصالون www.elsalon.net اسأل الله لكى الزوج الصالح
سالت عن طرق السعي فقط عشان فعلا مممن واحدة تسال نفسها هو دي ازاي بتتجوز كتير واي السبب لما تبقى في بنات زيها كتير ومش لاقيين عريس واحد وقتها الواحد بيستغرب اكيد بتعملهم حاجة وغالبا بتبقى عارفة خطابة
تم النشر الاثنين، ١٣ نوفمبر ٢٠٢٣
ما هو مش احنا اللى قولنا ليكى دعوه ..انتى بردوا اللى بتقارنى نفسك بيهم وبتسألى هما بيعملوا ايه
تم النشر الأربعاء، ٨ نوفمبر ٢٠٢٣
معرفش بقى مليش دعوة بغيري حتى لو حلال مقدرش ابقة من راجل لراجل وبعتبره قرف
تم النشر الأربعاء، ٨ نوفمبر ٢٠٢٣
ولو فكرة ان اشمعنا هما بيتجوزوا والبنات التانيه لا ...فهرجع اقولك انه الرزق نوعين ...رزق يصلك وان لم تفعلى شيئا ورزق اخر مربوط بالسعى سواء بالاخذ بالاسباب الحلال او بالسعى بالدعاء ...بتحقق الشرط تنالى النوع الثانى من الرزق باذن الله
تم النشر الأربعاء، ٨ نوفمبر ٢٠٢٣
مسألة التوقعات الاكيدة اللى بتتكلمى بيها من بداية السؤال هى فى الاغلب الشىء المؤثر على كتير من افكارك وخط سير حياتك...لو بتتعاملى كده مع الاشخاص اللى حواليكى وتحكمى احكام وتقررى اوضاع بناءا على توقعات كلها من نمط تفكيرك بس ..فدى مش الطر يقة السليمة ابدا..وانصحك بتغييرها
تم النشر الأربعاء، ٨ نوفمبر ٢٠٢٣
الحلال مفيهوش اللى انتى بتقوليه ده ( المفروض تقرف من نفسها ) ...خلينى اذكرك ان احد الصحابيات كانت تتزوج ويستشهد زوجها فى الحرب وتتزوج بعده ويستشهد ايضا ...لم يشينها ذلك ولا اعتبرت نفسها مقرفة او نحس مثلا ...بالعكس ده الرجال كانوا بيتباركوا بالزواج منها بركة واستبشارا فى نيل الشهادة ...
تم النشر الأربعاء، ٨ نوفمبر ٢٠٢٣
يعني قلت اكيد الاجابة المعتادة بتاعتكو انه نصيب ولكن ماهي طرق السعي دا كان قصدي
تم النشر الأربعاء، ٨ نوفمبر ٢٠٢٣
مقلتش انها سعيدة انها من راجل لراجل دا اولا انا قلت اي الفرق بينها وبين واحدة محدش بيتقدملها اكيد هي بتعمل حاجة معينة ومع ذلك مقلتش انه مش نصيبها ... وبعدين هي المفروض تقرف من نفسها لان جسمها بقى مباح لاي رجل يشوفه تجت مسمى الزواج
تم النشر الأربعاء، ٨ نوفمبر ٢٠٢٣
صعب اوووي انك مش مقتنعه ان كل شيء قسمه ونصيب ومهما فعلت المرأه مش سبب زوجها غير النصيب وبعدين افتكري رب خير لم تناله كان شر لو أتاك للأسف الشديد اغلب البنات مفكره ان راحتها في الزواج متعرفش ان احيانا كتير بتكون هي في راحه ونعيم لاتعلمه ادعي لنفسك بالزوج الصالح اللي يستاهلك وبلاش تفكري ان اللي بتجوز كتير يابختها لو كانت استقرت مع أحدهم وشافت الراحه مكنتش هتتجوز كل سنه ياريت تكوني فهمتيني
تم النشر الثلاثاء، ٧ نوفمبر ٢٠٢٣
والله هو بس انتى اللى مقتنعه بحاجة وعاوزه حد يأكدهالك فمش قادره تتفهمى فكرة النصيب والرزق بشكلها الصحيح ...الامثلة االلى بتقوليها رغم انها جزء من الاحتمالات الواقعيه الا انها للاسف فيها شعره من الازدراء منك ....حاولى تركزى فى الجملة دى ( القدر هو القدر ..يسبب الله له الاسباب فيأتى بمبادرة او سعى من الشخص او يأتى بصدفة لم يسعى لها الشخص )...ومش عشان اللى اتجوزوا قدامك كتير هما مطلقات يبقى هما بيعرفوا يسوقوا لنفسهم زى ما انتى متخيله وبتتكلمى كده .....انتى بقى بقناعتك محتاجة افكار تدورى وتسعى بيها بنفسك للحلال فاحنا قولنالك اقتراحات اهو ..اتمنى تستخدميها لعلها تكون سبب فى الزوج الصالح ان شاء الله
تم النشر الأحد، ٢٢ أكتوبر ٢٠٢٣
يعني ممكن مثلا نقول بتقول لواحدة صاحبتها عايزة عريس ... مثلا واحد عاكسها اخدت رقمه وكلمت ابوها قالتله عايزة اتجوزه واقنعت الشاب بالزواج ...مممكن مثلا نشنت على حد مطلق لو هي مطلقة فالزواج بيبقى اسهل ...ممكن بتعرف ناس كتير ....كنت اتمنى حد يقولي الاحتمالات دي ولكن كل شيء تقولو دا نصيب ما اكيد النصيب مش هيجيلي وانا قاعدة محدش يعرفني
تم النشر الأحد، ٢٢ أكتوبر ٢٠٢٣
انا مستغربة ان في ستات كدا بتتجوز كتير وفي ستات عنست رغم انها مفيش حاجة تعيبها فا بقول اكيد الستات دي بتعمل حاجة معينة تجذب الرجال لها بس فا بسال هما بيعملو اي
تم النشر الأحد، ٢٢ أكتوبر ٢٠٢٣
لعرض الإجابة في فدني اضغط هنا