السلام عليكم دلوقتي انا عندي مشكله انا مقري فاتحتي
ووالدتي وخطيبي العلاقه بينهم مش احسن حاجه ف الاول كانت العلاقه كويسه جدا بس حصل مواقف أدت إلي أن هما الاتنين حاليا مش حابين بعض وانا مش عارفه اعمل ايه وواقفه في النص
اول موقف خطيبي كنا خلاص داخلين علي رمضان وجه اداني كراتين رمضان وطلعهم لحد البيت بس مدخلش وسلم علي والدتي ومشي فوالدتي اتضايقت أن هو مدخلش وسلم بس ف انا قولتله كدا وكلمها ف الموبايل واعتذر لها وقالها عشان انتوا لوحدكوا وبنات وكدا + انا والدي متوفي ومعنديش اخوات ولاد
وقالها انا مبعتذرش لحد بس انتي عشان غاليه عندي وكدا فوالدتي ادتني الموبايل وقتها واضايقت وفضلت كذا يوم مضايقه منه وبعدين دخلت بعتتله أن هي مبتقبلش كراتين من حد وطريقتها مكانتش الطف حاجه المهم بعدها كنا عايزين ننزل دخل كلمها وهي قالتله روحوا باوبر ومتروحوش بعربيتك لوحدكوا فهو قالها خلاص احنا مش هننزل خالص
وبعدها قولتله يكلمها كان بمناسبه عيد الام قالها كل سنه وانتي طيبه ومحدش فيهم اتكلم وقفلوا
دلوقتي حالياً ماما مش قابله الموضوع وهو بيقولي أنه حاول عشاني كذا مره ومش هيكلمها تاني
وانا مش عارفه احسن العلاقه ازاي ما بينهم
ياريت الحل عشان العلاقه بتبوظ
فترة الخطوبة من أجمل فترات الارتباط العاطفي لان كل طرف بيظهر اجمل ما عنده لجل الوصول لتحقيق حلم العمر مع من يشاركه حياته ومستقبله ومن الواضح ان في عدم توافق بين حسن النوايا مع ماما وخطيبك وكل واحد منهم واخد موقف من وجهة نظر شخصية دون التماس اي حسن نية للطرف الاخر وقد يكون خطيبك قدم بعض التنازلات من اجل توضيح حسن تصرفه مع ماما ولكن هذه ليست اخر التنازلات وعليه تقديم المزيد دون كلل او ملل لان والدتك عليها حمل تقيل لانها الام والاب وغالبآ شخصيتها حساسة ونفسها عزيزة وما زالت لا تشعر بأن خطيبك شخص غريب ولم تشعر بقربه وانه اصبح شخص من البيت لذلك تأخذ بعض تصرفاته بحساسية مثل تركه زيارة رمضان من على الباب وكان من الافضل ان ياتي بأخته او امه او يدخل وينتظر قليلآ ثم يذهب ولكنه شرح سبب استعجاله وهذا يشفع له ويظهر حسن خلقه وايضآ تواصله من خلال الهاتف في عيد الأم فكان من الافضل ان يأتي إلى عندها ويبارك لها في تلك الفرصة ولكنه يتعامل من باب ان لا يوجد راجل بالبيت وهنا اختلاف يكاد ان يتسبب في فجوة بينكم بل ويزداد ولجل تجنب ذلك فلابد من الاخذ بالارشادات الاتية : ١/ على خطيبك ان يتعامل معكم كفرد من الأسرة ولا يستشعر الحرج لانه مرتبط بك إرتباط رسمي والمجتمع على علم بأنه لا يوجد رجل بالبيت وعلى خطيبك ان يأخذ بزمام الامور ويشعر ماما بأنه ليس غريب بل هو ابنآ لها وفردآ من تلك الاسرة . ٢/ تكلمي انتي مع ماما او ممكن حد يكون متفاهم مع ماما مثل خالتك او اي حد من الاقارب او الاصدقاء حتى يشرح لماما حسن نية وتصرف خطيبك وانه لا يعتمد ان ينال غضبها او يتسبب في مضايقتها بل هو يتصرف من باب الحفاظ عليكم ومنع النظرات او الكلمات من بعض الجيران او المجتمع والتي سوف تتسبب في حزنكم وهو يتصرف على قدر استطاعته للحفاظ عليكم من سوء ظن المجتمع . ٣/ على خطيبك ان يتودد ويتقرب إلى ماما ويتعامل معها كأمه ولا يشعرها بعدم الانتماء . ٤/ هذا الخلاف سوف ينتهي ويتلاشى بمجرد ان يأتي خطيبك لزيارة خاصة بماما ويجلس معها دون تكليف والكلمة الطيبة تلين القلوب وتقرب النفوس ولو كان هذا صعب ان يتقبله خطيبك فمن الممكن ان يوجد طرف محايد كما ذكرنا من قبل كصديقة او مقربة لماما وتجلس وتجمع الطرفين ليس من باب العتاب والحساب ولكن من باب توضيح حسن النوايا وتقريب وجهات النظر وبدأ صفحة جديدة مبنية على التوحد وليس الفرقة وعلى التقرب وليس التباعد وعلى الاستعداد للفرح وبناء مستقبل مستقر غير مبني على التوتر والشجار ويارب يوفقكم ويصلح بينكم ويجمع بينكم على خير ويسعد ايامك ويجبر بخاطرك ويارب يرحم والدك ويسكنه الفردوس الاعلى
تم النشر الخميس، ١٥ مايو ٢٠٢٥
لعرض السؤال في فدني اضغط هنا