السلام عليكم، هو أولا لازم تحددي نيتك من لبس النقاب وتعرفي أسبابك كويس وهل مقتنعة به فعلا ولا مجرد فكرة أو منجذبة بس للفكرة حاليا وممكن تفكيرك يتغير بعدين. فيه بنات كتير منتقبة وبتحب النقاب عادي ومش حاسين بأي مشاكل معه وبالعكس بيقولوا مرتاحين جدا بلبسه، وفيه بنات عندها مشاكل بس مقتنعين إنه فرض فبيتحملوا أي معاناة بتقابلهم بسببه،وفيه بنات لابسينه عن غير اقتناع أو بضغط فأي مشكلة صغيرة بتزيد ضيقهم منه. وفيه بنات كانوا حابينه بس بسبب مشاكل صحية كان بيتعارض معها اضطروا يخلعوه. فيعني هي مش قاعدة ثابتة ولا نقدر نعمم. عشان كده نيتك وهدفك من لبسه هيكون الفارق. تأكدي من نواياك عشان متضعفيش بعد كده أو تكرهيه وتبقي عاوزة تخلعيه زي البنات اللي ذكرتِهم. *** بالنسبة للزواج، فهو رزق في النهاية وملوش علاقة خالص بالنقاب... حتى الحجاب نفسه لما بنات تيجي تلبسه بيتقال لها أنتِ لسه صغيرة أو فرص زواجك هتقل. فيه منتقبات كتير متزوجات وغير محجبات متزوجات والعكس كمان... فمش ده المانع. *** ذكية قالت بعض الأسباب اللي ممكن بتعمل المشاكل زي الصداع وغيره فشوفي كده وإن شاء الله يكون فيه بنات منتقبات هنا يفيدوكِ من تجربتهم أكتر، بس في النهاية أنتِ اللي هتقدري تاخدي القرار الأنسب لك. بالتوفيق.
لعرض الإجابة في فدني اضغط هنا