السلام عليكم ورحمة الله وبركاته
انا دلوقتى بدرس فى الجامعه وخجول زيادة عن اللزوم مع البنات يعنى لما اجى اتكلم مع اى بنت بتكلم وانا مكشر ومش بعرف اذوق الكلام معاهم و الموضوع ده مضايق منه كتير مش عارف اتخلص من الموضوع ده ازاى ممكن ده بسبب قلة الثقه عندى ياريت حد يفيدنى
هي دي متعتبرش مشكلة شباب كتير جداً كده و سواء غيرت ده دلوقتي او لاء مش هيفرق انت مطالب في الجامعة بشئ اهم لكن لو عايز حل عشان تستفيد بيه اما تيجي تتزوج قدام شوية و اكيد ده بردوا شاغل تفكيرك او لو مثلاً في موقف اضطرت تتعامل فيه مع بنات لغرض حاجة مهمة مش اكتر فأنصحك انك تتفرج على فيديو يوتيوبر اسمه شهاب
تم النشر الجمعة، ٣٠ يناير ٢٠٢٦
وعليكم السلام ورحمة الله وبركاته يا أخي، أشكرك على ثقتك وصراحتك، الخجل الزائد ده مشكلة شائعة عند كتير من الشباب في الجامعة، خاصة مع البنات، وغالباً بيكون بسبب قلة الثقة بالنفس زي ما قلت. الحمد لله إنك عارف المشكلة وبتحاول تحلها، ده خطوة كبيرة! خطوات عملية عشان تتغلب عليها: ابدأ صغير ومع الجميع : مارس التواصل مع الشباب – سلّم، اسأل عن الدرس، أو علّق على حاجة بسيطة زي "المحاضرة النهارده كانت صعبة ولا إيه؟". ده هيبني ثقتك تدريجياً بدون ضغط. رتب وجهك وكلامك : قف قدام المراية كل يوم 5 دقايق، ابتسم طبيعي (مش مكشر!)، ومارس جمل بسيطة زي "إزيك؟ الجو حلو النهارده" أو "عجبك الدرس؟". هتتعود على الإبتسامة والنبرة الهادئة. ركّز على أسئلة مفتوحة : بدل ما تقول كلام عام، اسأل حاجات تخليها تتكلم: "بتدرس إيه في الجامعة؟" أو "إيه رأيك في المادة دي؟". ده هيخفف الضغط عنك ويخلي الحديث يتدفق. ابنِ ثقتك اليومية : حدد هدف صغير كل يوم، زي "هكلم شخص واحد النهارده"، وكافئ نفسك بعد النجاح (مثل شرب قهوة مفضلة). تابع إنجازاتك في دفتر صغير عشان تشوف تقدمك. مع الوقت، هتحس الفرق – زي اللي بيتمرن في الجيم، النتيجة بتيجي بالاستمرار. لو عايز دعم أكتر، ابحث في فدني عن أسئلة مشابهة هتلاقي إجابات مفيدة، أو شوف الخبراء هنا: https://www.fedni.net/experts – في متخصصين في الثقة بالنفس والتطوير الذاتي.
تم النشر الخميس، ٢٩ يناير ٢٠٢٦
انا كمان زيك
تم النشر الأحد، ١ فبراير ٢٠٢٦
اثبت على كدا هو دا المطلوب
تم النشر الخميس، ٢٩ يناير ٢٠٢٦
عليكم السلام ورحمة الله وبركاته ـ هذا هو الصواب.
تم النشر الخميس، ٢٩ يناير ٢٠٢٦
دي قلة ثقه بالنفس اصلا كلنا مجبرين نتكلم سواء بنات واولاد لازم في اي موقف هنتكلم فليه الخوف في الكلام ليه التوتر اصلا خلي دايما في دماغك انك دايما كويس ومميز جرب مش هتخسر حاجه المره الاولى هتتوتر المره الثانيه هتطمن التالته هتحس انو عادي اتكلم في اي وقت اتكلم مع اي حد ومتخافش عشان كتر الخوف هيتعبك
تم النشر الأحد، ١ فبراير ٢٠٢٦
اكيد قلة ثقه عندك حاول انك تتعامل عادي متخافش محدش بيراقبك وأنته بتتكلم قول كل اللي انت عايز وشايفو مناسب ليك ومريحك ولو ناوي تتغير من طريقتك وأسلوبك اتغير بس لما انت تكون عايز كده مش عشان همه بيدايقو
تم النشر الأحد، ١ فبراير ٢٠٢٦
وعليكم السلام ،انا هتكلم دلوقتي عن الضرورة فقط يعني لو متضطر تتعامل مع بنات. اول حاجة حاول تغض بصرك على قدر الإمكان. تاني حاجة اتكلم على قدر الحاجة يعني انت صح في حكاية انك مبتزوقش كلام مش مطلوب منك ده اصلا بس مش معنى كده تكون قليل الذوق لا اتكلم باحترام و خليك هادئ وانت بتتكلم ، وربنا يوفقك.
تم النشر الجمعة، ٣٠ يناير ٢٠٢٦
و عليكم السلام و رحمة الله و بركاته ، مش المفروض تتكلم مع بنات من الأساس ، و كويس إن حضرتك بتتعامل كدا عشان متعلقش واحده بيك بالكلام اللطيف ، متغيرش من طريقتك و نفسك، وقت لما تلاقي بنت الحلال اللي هتكمل معاها حياتك هتتعود عليها و هتقدر تذوّق براحتك و تبقا بطبيعتك معاها في إطار الحلال و بالمناسبة "مفيش بنت بتوافق على راجل كلامه حلو مع كل البنات " ، أثبـت في زمـن الفتنة ، و بالتوفيق!
تم النشر الخميس، ٢٩ يناير ٢٠٢٦
سبحان الله
تم النشر الخميس، ٢٩ يناير ٢٠٢٦
@عمرو احمد ، عندي تعليق بسيط اذا كان مش هيدايق حضرتك طبعاً ، عارفه إن حضرتك قصدك التعامل بين البنات و اولاد هيكون موجود بس بحدود شرعية و اعتقد مش من الحدود إن يزين الكلام لبنت ، احنا كبنات لما الولد بيتكلم بشكل حازم شويه بنحسه محترم و كويس لكن لو زينه بنفهمه غلط من الأساس ، حبيت بس اوضح النقطة دي عشان بالنسبه للسائل ميفهمش إن من الطبيعي الولد يزين كلام للبنت ، لإنه حرام التعامل بالطريقة دي و جزاك الله كل خير على رد حضرتك
تم النشر الاثنين، ٢ فبراير ٢٠٢٦
لعرض السؤال في فدني اضغط هنا