أنا عارف ومتأكد انك تعملي بالنصيحه دي بصي يا ستي انتي لازم تنزلي من فوق الشجرة يعني بطلي تعيشي في خيالات إنك لازم تكوني مثالية أو إن حياتك اتدمرت للأبد عشان وقعتي وقعة في النص الواقع بيقول إنك بشر والبشر بيغلطوا وبيضعفوا وبيملوا وده مش معناه إنك فاشلة ده معناه إنك عايشة ،ودلوقتي بطلة تحليل وابدأ في التشغيل يعني وقفي خناقتك مع نفسك والأسئلة الوجودية اللي بتسحب طاقتك دي وقومي شوفي وراكي إيه مادي وملموس يتعمل دلوقتي لو وراكي مذاكرة افتحي كتاب ولو وراكي صلاة قومي صلي لو الأوضة مكركبة رتبيها المهم تشغلي جوارحك وتمنعي عقلك عن جلد الذات لأن النفس طول ما هي فاضية هتفضل تاكل فيكي ومتستنيش إنو حد هييجي ينقذك ولا يديكي الأمان اللي بتدوري عليه غير ايه ..لما إنتي تدي لنفسك حقها في الضعف وتقومي تعافري في المتاح ليكي النهاردة وبس وما لكيش دعوة بكرة هيحصل فيه إيه لأن بكرة مش بتاعك أصلاً فخليكي بنت النهاردة واعملي اللي تقدري عليه حتى لو كان صغير تافه في نظرك بس هو ده اللي هيبنيكي من تاني وجد والله ربنا يحفظك ويسعدك لو محتاجه ارشحلك حد من يوتيوب هيفيدك جدا 😊
العفو ربنا يحفظ في الدكتور عبد الرحمن ذاكر الهاشمي وبالخصوص في سلسه #ونفس على يوتوب هي 16 حلقه هسمعي اول حلقه وهتدعيلي باذن الله
تم النشر الأحد، ٢٩ مارس ٢٠٢٦
شكرا لحضرتك ومفيش مشكله لو عايز ترشح حد ممكن اسمعه عادي
تم النشر الأحد، ٢٩ مارس ٢٠٢٦
لعرض الإجابة في فدني اضغط هنا