انا عندي 18 سنه بعاني من العاده السريه لما بكون مضايقه أو حاسه بالوحده وعلى طول حاسه بكدا وبتعلق بأي حد بسرعه ولو حد سابني دا بيأثر عليا وحاليا انا في تالته ثانوي ومش عارفه اركز في المذاكره وحاسه اني بضيع @Psy-a'laa M. Abdulhamid
تواصلي مع أخصائية نفسية يا جميلة لفهم الموضوع أكتر ووضع خطة علاجية
تم النشر الجمعة، ٦ مارس ٢٠٢٦
بصي إنتي بتتعلقي بأي حد لأنك خايفة من نفسك ومن القعدة معاها. لو حبيتي نفسك وقدرتي قيمتها، مش هيرعبك إن حد يمشي، لأنك مكتفية بذاتك. إنتي الأصل، وأي حد تاني إضافة. وثانوية عامة يعني تحديد مصير. كل دقيقة بتضيعيها في لوم نفسك أو في الهروب، بتاخد من رصيد أحلامك. قومي اتوضي وصلي ،جددي علاقتك بربنا من غير جلد ذات. وارمي الموبايل هو أكبر محفز للوحدة والعادات دي. وذاكري بالورقة والقلم ، شغلي إيديكي وعقلك عشان م تديش فرصة للسرحان. وانتي مش ضايعة، إنتي بس محتاجة تاخدي قرار إنك تكوني غالية في نظر نفسك. سيبي اللي فات ورا ضهرك، وابدأي دلوقتي حالا.. صفحة جديدة ومذاكرة بتركيز. وكل ما تقعي في العادة ،اعملى حاجه خصصي لنفسك حاجه زي مثلاً قراءة جزاء قراءن ، أو الف صلاه على النبي صلى الله عليه وسلم ،يعني اتبعي السيئه الحسنه ،بعتذر علي الإطلالة 😊 وجد والله ربنا يحفظك ويسعدك
تم النشر الجمعة، ٦ مارس ٢٠٢٦
اي عادة في الدنيا بتحتاج وقت علشان نغيرها أو نكتسبها نصيحة أول شئ ابعدي الاول عن أي سبب راجعي يومك شوفي ايه السبب ووقفيه يعني مثلا لو بحب انظر الاباحية في الهاتف في وقت الفراغ احاول اشغل وقتي انا اقود نفسي ، لما ربنا سبحانه وتعالى فرض علينا الصيام كان الهدف التغيير جوانا قال سبحانه لعلكم تتقون يعني علشان اقدر اتغير محتاج علي الاقل شهر وسبحانه وتعالى عرفنا اننا نقدر نصوم ونقدر نقرأ القرآن ونقدر تقيم الليل ونقدر نقلل كلام بس محتاجين إرادة جربي تستمري شهر في تغيير عاداتك اليومية وان شاء الله هتحسي بالتغيير الكامل.
تم النشر الثلاثاء، ١٠ مارس ٢٠٢٦
لعرض السؤال في فدني اضغط هنا