السلام عليكم، أولا ربنا يعينك ويقويك على الغربة وييسر أمورك. أي حيوان أو كائن أليف هتفكر تجيبه اعرف إنك هتكون مسؤول عنه وتربية أي كائن صعبة زي تربية الأطفال، أنت مسؤول عن أكلهم وشربهم ونظافتهم ولو لا قدر الله مرضوا فأنت مسؤول عن علاجهم، لأنهم أرواح في النهاية. ولو أنت كمان من النوع اللي بيتعلق ويرتبط عاطفيا لدرجة كبيرة فخلي بالك إن فقدهم مؤلم جدا، كأنك فقدت شخص عزيز بالضبط... لو مش هتتحمل تمر بحاجة زي دي في يوم من الأيام بلاش. ******** لو ضروري قوي تربي كائن، واستقريت على قطة، أنصحك تتابع قنوات اليوتيوب الخاصة بتربية القطط، من ناحية هتستفيد من معلوماتهم وخبراتهم وتتجنب أخطاء وقعوا فيها بالبداية ومن ناحية تانية هتشوف هل الموضوع هيكون صعب بالنسبة لك ومش هتتحمل تربية قط ومسؤوليتها. *** كمان لو فعلا ناوي إذا زهقت منها أو اتضايقت من رائحة فضلاتها إنك ترميها في الشارع فبلاش تشتريها من الأول. القطط المنزلية للأسف مش نفس القطط البرانية، ولا هتستحمل عيشة الشارع، وهتتبهدل من القطط البرانية وتجوع وتتعذب وممكن تموت وتتحمل مسؤولية روح وخلاص، إلا لو رجعتها ملجأ حيوانات أو عرضتها للتبني، غير كده بلاش موضوع رميها في الشارع ده. *** حاسة إني عقدت لك الموضوع يا باشمهندس، بس عشان أنا عارفة الموضوع صعب ومسؤولية كبيرة فعاوزاك متاخدش قرار إلا وانت متأكد أو عامل حسابك بعد كده مش هتعرض روح بريئة لأي نوع من الأذى. *** وبالتوفيق إن شاء الله.
وهوا كذالك 🤝👌
تم النشر الخميس، ٦ أغسطس ٢٠٢٦
بلاش أفضل، لأنه كده ممكن يربط الصندوق بتجربة سلبية بدل ما يكون ملجأ آمن.. رأيي ممكن أنت تدخل غرفة تانية وتتركه عادي مكانه أو حر في الشقة لحد ما تهدأ وممكن بعدها تبقى تلاعبه شوية أو تطبطب عليه... لو نوبة الغضب شديدة وخايف تؤذيه فممكن تخليه هو مع صندوقه وأكله في غرفة تانية، بحيث يبقى طليق في الغرفة ومش محبوس في الصندوق.
تم النشر الخميس، ٦ أغسطس ٢٠٢٦
@mai mahfouz بالنسبة إن ساعات ممكن أحسبه ، بمر بفترة فيها انفعالات ونوبات غضب ، مش حابب يجى يلمسنى ف الوقت ده فلازم افاديه ، احبسه ف البوكس بتاعه عادى ؟؟
تم النشر الخميس، ٦ أغسطس ٢٠٢٦
العفو، بالنسبة للتلامس فبالتدريج هتتعود وممكن تبدأ بوقت قصير وتزوده كل يوم، كمان مش شرط تحضنه، عادي تلاعبه بكرة أو ريشة أو الألعاب بتاع القطط، ومش كل القطط بتتفاعل بنفس الطريقة، فيه منها بيحب التلامس والاحتضان وبيحب يقعد على رجل صاحبه وفيه بيحب بس يبقى قاعد جنبه أو في نفس الغرفة. والقطط عامة بتتأثر بعادات صاحبها فممكن تتأقلموا سوا بعد وقت. ربنا يسهل وتكون إن شاء الله تجربة سهلة وموفقة.
تم النشر الخميس، ٦ أغسطس ٢٠٢٦
@mai mahfouz أنا ال مش بستحمل التلامس الكتير بحس اعصابى بتتعب ، إن شاء الله تكون تجربة موفقة ، شكراً ليكى جدا يا دكتور 🤝
تم النشر الخميس، ٦ أغسطس ٢٠٢٦
ما دام أخدت الخطوة خلاص، مش مشكلة، أنت لسه في البداية وأي مربي حيوانات أكيد مر بمشاكل من دي على ما تعود. أربع أيام فترة مش كافية إنك تحكم على التجربة أو إن القط يتعود على حياته الجديدة. قص الأظافر مش ضروري، ممكن في الأول تطلب من العيادة البيطرية أو محلات العناية بالحيوانات الأليفة يقصوها وتشوف الطريقة أو شوف برضه فيديوهات على اليوتيوب وغالب الحاجات الخاصة بالتربية هتبقى بالتعود متقلقش... وتحميمه برضه مش ضروري بالأول، القطط نضيفة وبتنضف نفسها باستمرار... ما دام بتغيب كتير عنه حاول تتأكد إنك موفر له أكل ومايه. أنت اللي مش بتستحمل التلامس ولا القط اللي بيبعد بعد كم دقيقة، لو أنت اللي مش بتتحمل فأعتقد عشان الحاجز النفسي الموجود عندك من البداية... القطط على فكرة من الحيوانات الجميلة جدا ولو سمحت لنفسك هتحبها جدا وهتونسك، شوف فيديوهات زي ما قلت وواحدة واحدة هتتعودوا على بعض ومش هتندم إن شاء الله. وما دام هو بياكل بعد الطبطبة فمعناه إنه حاسس بالأمان معك، بس خد بالك لو امتنع عن الأكل أكثر من يوم ولا حسيت إنه خامل خده على طول للطبيب. وبالتوفيق إن شاء الله.
تم النشر الخميس، ٦ أغسطس ٢٠٢٦
@mai mahfouz كلام جميل جدا ، أدركت منه اشياء كتيره كانت ف ذهنى وتراجعت عنها لأن للاسف الشديد أنا خدت الخطوة وجبت قط معايا ف الشقه بقاله تلت ايام والنهارده الرابع ، بغيب عنه تقريبا 8 ساعات أحياناً بتكون 10 , مش عارف اعوده على الحمام بيعملها قدام الحمام بالضبط عاوز أقص ضوافره ومش عارف وعاوز احميه ومعنديش الشجاعة والإقبال على ده ومش بقدر يكون بينا تلامس اكتر من 3 دقايق وده مأثر عليه خالص بدأ يمتنع عن الأكل إلا بعد جرعة من الطبطبه والحنية بدأ يتعود عليا خالص اصلا ، مش عارف اعمل اى عارف إن تسرعت وخدت القرار
تم النشر الخميس، ٦ أغسطس ٢٠٢٦
لعرض الإجابة في فدني اضغط هنا