من اصعب الابتلاءات ..الاهل انتى اللى حصل معاكى انك حطيتى صاحبتك بدل ماما وبابا .....وده طبيعى يكون بيمثل ضغط عليها من غير ما انتى تقصدى ولا هى كانت فاهمه ايه اللى بيحصل وان هى هتوصل لكده وتحاول تخلص من الضغط انتوا كبرتوا وضرورى تتعاملوا بادراك مختلف عن الطفوله اللى فاتت كلها هى ممكن تبقى صديقتك زى ما هى وانتى انا عارفه انك هتفضلى ممتنه لكل اللى هى عملته المهم هنا انك تشوفيها صديقة مش ام ولا ملجأك قصاد كل الاحتياجات اللى ناقصاكى ولا تحسى انها مطالبه تغطيها
انا فخورة بانك عرفتى تلخصى الموضوع كده وتوصلى للحل اللى يناسبك فعلا وده اول دليل تشوفى بيه انك مهما مريتى بفترات ضعف الا انك قويه فعلا بس انتى اللى مكنتيش عارفه
تم النشر الثلاثاء، ٢١ مايو ٢٠٢٤
هي مقامتش بدور مش دورها انا بس اللي كان ناقصني حاجات فاعتبرتها حاجه كبيره عندي انما هي قامت بدور الصديق والاخت عادي ف انها تدعمني وتسمعني وتطمني لو انا خايفه ..انا بقي اكمن عندي نقص ف احتياجات تانية ادتها مكانه اكبر انما هي عادي قامت بدور طبيعي اي صديق مخلص هيعملو وانها دلوقتي بتعمل اللي بتعمله ده مش بيقول غير انها كانت بتسلي نفسها وبجد انا مكنتش مهمه عندها زي مابتقول وانها كده بتتهرب من دور الصديقة نفسه لان هي مش ع قد مش عايزة تبقي تحت ضغط هي مش عايزة تعرفني تاني وكل كلامها وحش وبتقول ابعدي عني وكله بتتهرب مني ..انا فاهمه انه الحل اني ابعد عنها خالص وابدا افكر بطريقة تانية ..هو بس الموضوع مؤلم شوية وخصوصا لو الحد الوحيد اللي كان قريب منك يعمل كده فبتتالم اكتر.. بس الحمد لله درس ونتعلم منه ..وشكرا لحضرتك جدا علي النصايح♥
تم النشر الثلاثاء، ٢١ مايو ٢٠٢٤
ورغم كل شىء.. انتى مش مضطره تتحملى طريقتها الجديدة المؤذية عشان الجميل اللى شايلاه ليها.. انتى من حقك ترفضى الاذى لان مينفعش يبقي فى اى مبرر يسمح بالاذى
تم النشر الثلاثاء، ٢١ مايو ٢٠٢٤
تم النشر الثلاثاء، ٢١ مايو ٢٠٢٤
انا عارفه اني ممكن كنت حمل على صحبتي شوية وكنت كتير ببعد عنها عشان محسش اني تقل عليها بس كانت هي اللي بتقرب تاني وتقولي ده احنا اخوات ازاي اسيبك وكانت بتقعد تعيط كمان ف غصب عني وثقت فيها ...هل طبيعي انها عشان لقت اني حمل فجاة انها تسمعني كلام وحش وتقولي انتي وانتي وتعاريني باللي كنت بحكيه ليها وتقولي حياتي هتبقي احلي من غيرك !يعني عذرا دي مش نادلة وقلة اصل منها انها تعمل كده وهي عارفه كل حاجه عني وعارفه ان حاجه زي كده ممكن تاذيني جامد ..وفعلا عند حضرتك حق انا رغم كل اللي عملته وقالته ولسه بتقوله مش بعرف اكرها بالعكس فتره وبلاقي اني مش زعلانه منها خالص حتي كل اللي حوليا دلوقتي مستغربين ازاي بسامحها لان هي بردو عملت عشاني حاجات كتير قبل كده
تم النشر الاثنين، ٢٠ مايو ٢٠٢٤
لعرض الإجابة في فدني اضغط هنا