تمام معاكي ف انك تعملي موف اون من العلاقة ديه، لكن لفت انتباهي انك قولتي ( بسرعة اوي) ..! استعجالك مش ف صالحك .. ادي لنفسك فرصة الاول تستوعبي الموضوع، وابدأي في خطواتك .. اول حاجه انتي قولتي انه مش شخص مؤذي ولا حاجه هو بس مش مناسب .. وهنا هندخل على جزء مهم جدا وهو (التفكير) تفكيرك هنا في المشكلة ديه هيكون بمثابة خروجك من الدايرة ديه، لان للاسف انتي قولتي انه قدامك ال 24 .. ومش عارفه هل بامكانك الحقيقة انك تبعدي ولا لا...؟ ولكن هفترض معاكي انه مينفعش تبعدي .. وهتفضلي في نفس المكان. اللعب هنا بقى هيكون على فكرك انتي .. ازاي؟ الشخص ده محتاجه انه يكون شخص قدامي عادي ولا بحبه ولا بكرهه .. ف دلوقت انتي محتاجه تقعدي مع نفسك كده وتكتبي مميزات الشخص ده وعيوبه .. طبعا انتي قولتي انه فيه عيوب مش قادرة تتحمليها .. وقفلتك. ف هنا لو احنا بنتكلم عن علاقة عاطفيه .. يبقى محتاجين نعرف ان الحب او مشاعر الاعجاب مش كل حاجه في الدنيا .. وان لازم الشخص اللي قدامك تكوني متقبلاه بعيوبه قبل مميزاته .. وتعرفي تتعاملي معاها. يبقى لازم تفكري نفسك انك كده انتي ماشية صح، وانك لو كنتي كملتي كنتي هتخسري اكتر بكتير .. اقنعي نفسك بالموضوع ده .. وعلى الصعيد الاخر بقى .. طبعا هو قدامك علطول لكن متحاوليش برضه انك تتعابعيه سواء عمل ايه او معملش ايه، سواء اكونتات بقى او غيره .. وابدأي اهتمي بنفسك رياضة- تطوع- نمي موهبة معينه- قراءة-شغل .. طوري من نفسك ومن علاقاتك واتعرفي ع ناس جديدة .. ولكن لو ديه علاقة عاطفية متدخليش علاقة بعدها غير لما تتعافي تماما. اتمنى ان الاجابة تكون افادتك بشئ ما.
العفو يا جميل وموفقة باذن الله ❤❤
تم النشر الأحد، ١١ يونيو ٢٠٢٣
هعمل كدا فعلا وشكرا مره تانيه حقيقي ❤️
تم النشر السبت، ١٠ يونيو ٢٠٢٣
العفو يا قمر، بصي هو للاسف لو هتفضلي في الدايرة ديه بتاعة السوشيال ميديا مش هتعرفي تتجاوزي الموضوع بسهولة .. اعملي بلوك من كل حته للشخص ده سواء صور بقى فون، سوشيال ميديا .. اي حاجه اخفي اي حاجه .. واشتغلي ع الحاجات ديه .. الموضوع اه رخم، وهياخد وقت شوية .. بس متسلميش بالسرعة ديه .. ادي لنفسك وقت وفرصة.
تم النشر السبت، ١٠ يونيو ٢٠٢٣
شكرا جدا بجد بحاول اعمل كدا بس الفكره اني حتا لو بعمل موڤ اون من الشخص مش قادره متابعوش مش قادره ابطل اشوف تفاصيل يومه كلها بحاول اشغل نفسي طول اليوم باني اعمل اي حاجا تلهيني عنه برجع ف اخر اليوم اكني مهزومه وبضور وراه اونلاين ولا لا نزل بوست ولا ستوري ولا لا بالرغم من اني مش يشوفه كتير الفتره دي الا ان عقلي مشغول بيه دايما فهماني
تم النشر السبت، ١٠ يونيو ٢٠٢٣
لعرض الإجابة في فدني اضغط هنا