انا في اولى كلية و عندي مشكلة صغننة فيها مع مادة الفيزياء ...دكتور الفيزياء شبه مدرس الرياضة اللي كنت باخد عنده برايفت في 3 ابتدائي و كان حصل أن في مسألة ف الواجب كل ما يشرحها و افهمها و بعد الحصة على طول آجي احلها مفهمهاش و كان السؤال مستويات عليا و قعدنا على الحال ده 3 اسابيع تقريبا مع السؤال ده بس ...
مع العلم اني كنت متفوقة و بفهم الدرس بسرعة و بحل الواجب كله صح بس السؤال ده وقف معايا بجد و في المره الرابعة زعق جامد و قالي اني غبية و مهملة و أني انادي امي عشان يمشي ودخلت اوضتي اعيط و ماما اقنعته يستنى وبجد من يومها بخاف اقول اني مش فاهمة حاجة و المشكلة أن دكتور الفيزياء شبهه جدا حتى في طريقة اللبس و بجد كل ما الدكتور ده يدخل ببقا بعيط بصمت و مخي مقفول مش قادرة افهم منه اي حاجة رغم أن شرحه ممتاز بس الذكرى لسه محفورة في دماغي
السلام عليكم محتاجة تعبرى عن الذكرى دى قدام مامتك بصوت عالى اولا محتاجة تفكرى نفسك ان رأي المدرس القديم يخصه هو ومش معنى كده انك تاخديه قانون ثابت هتسترجعى صورة المدرس وتفصليها عن صورة الدكتور ....عشان مخك يفرق بينهم انهم شخصين مش واحد هتروحى للدكتور الحالى وتسأليه في أي مسألة وتخليه يشرحهالك وده هيكون موقف يفرقلك بين الاتنين بردوا وان شاء الله هتلاقى الدكتور ألطف من المدرس الاهم هنا ...انك تتقبلى انك يكون عندك أجزاء صعبة تفهميها من اول مره وهتحتاج جهد ازيد ...وده مش غباء ...دى طبيعة اى انسان
تم النشر الاثنين، ١٣ أكتوبر ٢٠٢٥
أنتي عقلك مشغول و متشتت.. و أسلوب المدرس مش أحسن شيء أسلوبه فظ غليظ ثانيا انت كبرتي دلوقتي لازم تأهبي نفسك للدراسة و الحياة و التعامل مع الناس و مستقبلك و الأمور الهامة تعملي مراجعة سريعة للمادة قبل حضور المدرس و تنقي درس يكون فيه بنات و تكتبي كل شيء و تحاولي تفهمي اللي مفهمتيهوش من الشرح فيما بعد ممكن تستخدمي كمان تطبيقات الذكاء الصناعي لشرح جزئية معينة مش فاهماها.. و هكذا.. تركيز، منع التشتت ، تحضير للدرس، مدرس مناسب
تم النشر الاثنين، ٦ أكتوبر ٢٠٢٥
حبيبتي انا حاسة بيكي و بوجعك و إن فيه ناس معندهاش فهم ممكن تتريق و تقول كلام مش مظبوط بسبب جهلهم لكن انتي حقيقي تعبانة بسبب المشكلة النفسية دية انا بنصحك اولا و قبل كل شي صلي و ادعي ربنا ينسيكي الماضي و يديك القوة انك تركزي في الشرح و تعرفي تحليل بعد كدا لوحدك من غير ما تتعبي نفسيا بسبب الذكريات و الم الماضي ربنا لوحده قادر يشيل عنك تعبك و يبعد كل فكر بيتعبك تاني حاجة لو عندك قدرة مادية انك ممكن تروحي لمتخصص فاهم في المواضيع دية يساعدك خطوة بخطوة و يفهمك و يعرف ازاي حتى حتة نتخلص من اشباح الماضي و مع الوقت هتتحسني لكن انك متعمليش اي حاجة و لا تصلي و تدعي ربنا لأجل الموضوع و لا تروحي لدكتور هيفضل التعب دا و هيزيد بسبب انك لم تعالجيه و قبل ما تبدأ المحاضرة بتاعت الدكتور ادعي ربنا أنه يخليكي تركزي في الشرح و المحاضرة نفسها بدون افكار سلبية أو ذكريات مؤلمة مريتي بيها و ربنا معاكي و يخفف عنك يا حبيبتي و انتي لو مش معاكي مقدرة مادية أو معندكيش وقت تروحي لمتخصص ربنا لوحده كفاية
تم النشر الأحد، ٥ أكتوبر ٢٠٢٥
مرحبًا يا عزيزتي، اسمعي مني كلمة طمأنينة وحنان، أنا هنا معكِ، وفهمت تمامًا حجم الألم النفسي اللي عايشته بسبب تلك التجربة المؤلمة مع مدرس الابتدائية، وكيف أثرت عليكِ حتى الآن في الكلية، خصوصًا مع مادة الفيزياء ودكتورها الذي يشبهه كثيرًا. أولًا، يجب أن تعلمي أن هذا الموقف الذي تعرضتِ له - أن يُقال لكِ "غبية" و"مهملة" - هو موقف مؤلم جدًا وغير عادل تمامًا، ولا يعكس قيمتك ولا ذكائك بأي شكل من الأشكال. التفوق الذي كنتِ تحققيه سابقًا معناه أنكِ ذكية جدًا، وهذه المشكلة مع هذا السؤال تحديدًا شيء يمكن لأي شخص يعاني منه، ولا يدل على أنكِ أقل قدرًا أو غير مجتهدة. الآن دعينا نركز على كيفية التعامل مع هذه المعاناة الحالية والذاكرة السيئة التي تؤثر على دراستك: تقبلي أن تجربة الماضي مؤلمة لكنها ليست كل شيء: تذكري دائمًا أن الماضي لا يحدد مستقبلكِ. مخكِ يستطيع أن يتعلم ويتطور، وأنتِ بالفعل تفهمين الشرح، لكن مشاعر الخوف والقلق تمنعكِ من التركيز. التعامل مع الذكرى المؤلمة والتوتر داخل المحاضرة: حاولي قبل المحاضرة أن تهيئي نفسكِ بالتفكير بطريقة إيجابية، مثلاً قول لنفسك: "أنا ذكية وقادرة على الفهم، هذه المحاضرة فرصة جديدة." لا تجبري نفسك على الفهم الفوري، بل اتركي مساحة للتركيز والعودة للسؤال بعد المحاضرة بهدوء. إن شعرتِ بأن العاطفة تسيطر عليك أثناء الشرح، لا بأس بأن تأخذي نفسًا عميقًا (من دون تمارين تنفس رسمية، فقط حركة خفيفة) لتركيز ذهنك. تقسيم المادة إلى أجزاء صغيرة: إذا كان السؤال معقدًا أو يشكل عائقًا، لا تحاولي حله دفعة واحدة. رتبّي الموضوع خطوة خطوة، واطلبي المساعدة عبر البحث عن شرح بطرق أخرى (يوتيوب، كتب تبسيط، زميلات ذوات خبرة). الحديث مع الدكتور بجانب مثلث الاحترام: إذا شعرت أنكِ قادرة، حاولي أن تتحدثي مع الدكتور الفيزياء عن مشاعرك بشكل مختصر، في إطار "أحيانًا أسقط في بعض الأسئلة الصعبة، وأحتاج دعم أكثر أو توضيح". قد يتفهم ويقدم لكِ دعمًا أفضل. الحفاظ على ثقتك بنفسك: ذكري نفسك دائمًا بنجاحاتك السابقة والإنجازات التي حققتها. لا تدعي كلمات قديمة تؤثر على قدرتكِ. طلب الدعم من خبراء فدني: إذا استمر القلق أو الشعور بالخوف، يمكنك زيارة صفحة خبراء في المواد الدراسية أو الدعم النفسي في موقع فدني، حيث يمكن لخبراء مختصين أن يساعدوكِ بنصائح أكثر تحديدًا. أعلم أن الطريق ربما يبدو صعبًا الآن، ولكن بما أنكِ وصلتِ للكلية وأنتِ متفوقة سابقًا، فأكيد عندكِ طاقة وإمكانات عظيمة. ضعي هذا التحدي أمامك كفرصة لتجاوز مخاوف الماضي وتحقيق نجاح جديد يملأ قلبك فخرًا. إذا ترغبين، يمكننا التحدث عن طرق تنظيم وقت الدراسة أو تحضيرك بشكل أفضل للمواد، فقط أخبريني. أنا معكِ دومًا، لا تترددي بالسؤال أو مشاركة ما يمر عليكِ. — ذكية 🌸
تم النشر الأحد، ٥ أكتوبر ٢٠٢٥
لعرض السؤال في فدني اضغط هنا