تم حذف هذا السؤال
لو الحاجات الكتير اللي خانقاه انتي مش سبب فيها يبقى المفروض انتي تكوني اول حد تخففي عنه وتحاولي تسمعيه وتعرفي ايه الضغوط اللي عليه انما لو هو محسسك انك انتي السبب في كل دا وانتي مالكيش اي ذنب في دا وهو بيلومك انتي ديما يبقى دا تلكيك عشان عايز يبعد والصح انك تبعدي ودا الأفضل ليكي واعملي بلوكات زي ما هو عمل وانسي الموضوع دا وهو ربنا يصلح له حاله وانتي ربنا يعوضك بالاحسن وكفايه استنزاف في مشاعرك ِ
تم النشر الثلاثاء، ٢١ أبريل ٢٠٢٦
بصي يا بنت الناس العلاقات اللي برا الإطار الرسمي دي بتوجع القلب وبتغضب ربنا عشان كده ربنا قال "ولا متخذات أخدان" يعني الصح إن مفيش كلام ولا علاقة برا الجواز عشان تفضلي غالية في نظر نفسك ونظر اللي قدامك فإنتي دلوقتي قدامك حل من اتنين ملهومش تالت لو فعلا فيه نيه ..يعني حدتتو يوم يجي بطلبك من اهلك .. وهو شاري وعاوز يكمل يدخل البيت من بابه ويكلم أهلك وتكون علاقة رسمي قدام الناس كلها وده اللي يرضي ربنا ويحفظ كرامتك إنما لو الموضوع هيفضل كلام في التليفون وشوية زعل وشوية بلوكات يبقى الأحسن ليكي ولقلبك إنك تقطعي خالص وتتوبي عن اللي فات وتصلحي علاقتك بربنا وساعتها ربنا هيعوضك بالشخص اللي يستاهلك بجد ويحافظ عليكي ويتقي الله فيكي فاستهدي بالله كده وخدي خطوة لورا وخليكي دايما فاكرة إن من ترك شيئا لله عوضه الله خيرا منه وأهم حاجة صلاتك وقربك من ربنا هما اللي هيبردوا قلبك ويخلوكي تشوفي الصح فين من غير عواطف توجعك على الفاضي وجد والله ربنا يحفظك ويسعدك 🌷
تم النشر الثلاثاء، ٢١ أبريل ٢٠٢٦
يا حبيبتي، أول حاجة أشكرك إنك بتسمعي الآراء وبتقبليها، دي خطوة كويسة أوي. مشاعرك المتلغبطة دي طبيعية جدًا – الشفقة والحب والضيق كلهم بيختلطوا لما العلاقة بتوصل للخناقات دي. بس خليني أقولك حاجة مهمة: العلاقة اللي فيها غضب سريع وقسوة ولوم مستمر مش صحية، وده بيأثر على نفسيتك أكتر ما بتفيدك. إيه اللي تعمليه دلوقتي؟ خدي مسافة كاملة : قرارك إنك مش هتجري وراه ده ذكي جدًا. حظرك ده هدية من ربنا عشان تفكري بوضوح. متكلميش معاه ولا تحاولي تصلحي، اقطعي تماما. ركزي على نفسك : ابدئي روتين يومي يقويكِ – صلي، اقري قرآن، ومارسي هواية بتحبيها. كل يوم اكتبي 3 حاجات شاكرة عليها، ده هيغير شعورك تدريجيًا. فكري في المستقبل : هل ده الشريك اللي يناسبك؟ في الإسلام، العلاقة لازم تبقى مبنية على احترام ورحمة، مش توتر. لو عايزة تكملي، فكري في خطوة رسمية زي الخطوبة مع أهل، بس الأحسن تسيبيه وتدعي ربنا يرزقك الأفضل. أنتِ قوية ومجهودك واضح، بس اللي يحبك بجد مش هيجرحك كده. دوري في فدني على أسئلة مشابهة عن "علاقات سامة" هتلاقي آراء كتيرة، أو شوفي الخبراء هنا: https://www.fedni.net/experts – في متخصصين في العلاقات والنفسية هيساعدوكِ أكتر. ربنا يهدي قلبك ويختارلك الخير، يا رب 💕 إنتِ تستاهلي الأحسن!
تم النشر الثلاثاء، ٢١ أبريل ٢٠٢٦
فاهمه والله العظيم ..أنا مش مجرد تعلق الفكره اني مش عارفه أشوف راجل غيره اقسم بالله لحد دلوقتي أنا اه لسه قدامي حياه بس الفكره أن ربنا زارع حبه في قلبي وبتمناه هو في الحلال وربنا رب المستحيل والدعاء بيغير القدر ف إن شاء الله ربنا يصلحه ويصلحني ونتجمع في الحلال ولو دا محصلش لا قدر الله عمري ما هفكر اتجوز غير لما هو يخرج من عقلي وقلبي تماما +مزعلتش من حد غير اللي قال فوق دا أنه شيئ محزن وحسسني اني مذنبه
تم النشر الثلاثاء، ٢١ أبريل ٢٠٢٦
أنا عمري ما هتجوز واحد وانا قلبي متعلق بغيره أنا مش هظلم حد أكيد.. وربنا يهدينا جميعا ويصلح الأحوال 🩷..وشكرا على نصائحك الجميله دي
تم النشر الثلاثاء، ٢١ أبريل ٢٠٢٦
هداك الله واضح انك فهمتي ونصيحه كشب وبعرف كتير من جيلي منهم الي يحكي مع بنات كتير ومنهم الصادق قليل جدا واحد الشب بين عمر 15 20 وطبعا يرجع للوعي بس حاليا بهاد المجتمع اكتريه ما بفكرو بشي اسمه زواج بفكر بس بالتسليه وبالمحاوله انو يعمل معك الحرام متل يسئلك شو لابسه في حدا عندكم بالبيت يحاول يبين انه انسان منيح كتير من شباب هيك نصيحه الشي بدايته ما ترضي الله نهايته لن ترضيك لسا عمرك صغير اهتمي في دراستك اذا من هلق عم يبلكك ما بعرف شو هاد مراهق مالك مصلحه فيه
تم النشر الثلاثاء، ٢١ أبريل ٢٠٢٦
ادعى ربنا يكرمك ب ابن الحلال اللى يصونك ربنا واسع الفضل ادعية وقربى منه ... لما بنعمل الحرام وعارفين انه حرام دا كدا تحدى وأنا عارف انك متقصديش انتى كويسة ربنا يعوضك ويصبرك ويجبرك بخاطرك ويرزقك ب ابن الحلال اللى تديلة كل المشاعر اللى عندك ويديكى كل المشاعر اللى عنده فى الحلال ويحفظك لية ويبعد عنك الشيطان اللهم آمين
تم النشر الثلاثاء، ٢١ أبريل ٢٠٢٦
من وجهه نظري لو هو بيحبك اصلا او ناوي ياخد خطوه فعليا مش هيضيع وقتو ويتكلم معاكي اصلا وهيفضل يشتغل ويشد عل نفسه عشان يكون جاهز في اسرع وقت... جربت حوار الارتباط ده انا وصغير مره كان قمه في المراهقه وكل ما اتذكر نفسي وقتها بحس ان مخي كان تافه وقتها بس ولله الحمد الي شغلني عن تضييع والوقت ده اني ورايا اهداف ورايا مشاريع لازم اخلصها وراه "حياه" .... ٩٩% من العلاقات دي فاشله اصلا نظرا انها في المقام الاول *حرام* وبتنتج بسبب الشهوه اساسا والانجذاب للطرف الاخر (حسبي الله في اللي صعبو الجواز) بس ده الواقع حاليا ولا يمكن تغييره ويجب التعايش معه والصبر فلو هتتجوزي متتجوزيش الا صالح لا شخص يضيع وقته في الشهوات لانه لن ولم يبني اسره والصالح ده عايز صالحه فاسعي انك تكوني صالحه وحتي لو رجع ٩٩% اللعبه الي كان ماسكها بعدك انتهت صلاحيتها فرجعلك بعد ما شحنتي والشيطان بقا لعبته انو يزينه ليكي وانو بريء وياختشي عسل ..... اياكي تفتحي الباب ده تاني باب مراهقين واثنين فاضيين عايزين يضيعو وقت ويثيرو شهواتهم.... وملاحظه بتكلم بدماغنا كشباب ومن واقع انا لا احكم عليه انو سيء يمكن تاب اصلا وخلع زي مانا خلعت وقتها من الهبل ده ومديتش فرصه للطرف التاني يبرر او ينطق عشان مفتحش باب للشيطان تاني
تم النشر الثلاثاء، ٢١ أبريل ٢٠٢٦
أنا مش بتحدى ربنا حاشا لله كل بني آدم خطاء وكلنا بنضعف ..الفكره زي ما قولت لحضرتك بس انا هحاول أبعد ومضغفش وادعي ربنا يقربه ليا في في الوقت الصح
تم النشر الثلاثاء، ٢١ أبريل ٢٠٢٦
الحب اللى فى دماغك دا حرام .. مفيش حاجة اسمها حب وواحد يكلم واحدة بيحبك يجى يتقدملك معندوش مقدرة يحفظ قلبك يا بنتى ويحفظك لحد لما يتقدم وانتى لازم تحافظى على نفسك يعنى إيه أنا اللى مكنتش بقدر تروحى تعصى ربنا وانتى عارفة انه حرام وتقولى أصل أنا عارفة انه مش حلال ممكن والله بسبب ذنب زى دا ربنا ينزع البركة من زواجك أو من حياتك .... هسهلهالك دلوقتى يا بنت الحلال لازم تبعدى عنه ومتكلميهوش إطلاقا نصيحة من أخ والله قوليلى وردى عليا إية ذنبة لو راجل جاهز واختارك انتى من وسط بنات العالم وراح اتقدملك وانتى حصلك قبول ليه ذنبة إية دا وانتى كنتى فى علاقة سابقة مع غيرة هتقوليله ايه لو سألك فاهمانى وممكن بسبب بعدك عن الحرام دا وخوفك على نفسك وعليه برضة من عذاب ربك ربنا يفتحها عليه ويجي يتقدملك وتبقى العلاقة فى النور ...... نصيحة ادعى ربنا ينزع حبة من قلبك واستنى نصيبك سواء هو أو غيرة حافظى على نفسك وعلى قلبك والأهم من دا كله خافى من الحرام خافى من انك تعصى ربك وبهدين تيجى تدعيه وتقولى يارب .. طب ينفع بالله عليكى أعصيه وأنا عارفة انى بعصية بس مش قادرة ازاى طيب انتى كدا بتتحديه ولو كل حد فينا قال انه مش قادر ميتكلمش مع الطرف الأخر وشاف دا مبرر الدنيا هتبوظ كلنا محتاجين طرف آخر فى حياتنا بس لازم نستحمل ونستنى النصيب طمعا فى الجنة وخوفا من عذابة عز وجل وأكيد والله لو بعدتى إرضاء لله عز وجل ربنا هيؤجرك على دا لأن عمر البعد عن أى شئ كان هين وأنا والله فاهمك وحاسس بيكى وعارف انك بتحتاجيلة ومحتاجة تتكلمى معاه بس ديه مش لوحدك دا ربنا خالقنا كدا بنحتاج ل ونس كلا الجنسين بيحتاج للأخر علشان كدا ربنا حطلنا قوانين وحلال وحرام فى تعامل كلا منا مع الآخر ف بالله عليكى ابعدى وحافظى على قلبك ونفسك واحفظى نفسك ل زوجك هو أولى بمشاعرك ديه هو أولى بإحساسك واهتمامك دا وقبل كل دا انتى ملكيش غير ربنا ب تلجأيله وتدعيلة ف متتحدهوش وتعصيه وانتى عارفه عفا الله عنا وعنكِ
تم النشر الثلاثاء، ٢١ أبريل ٢٠٢٦
بس الحب مش حرام وانا مش يبرر خالص والله ان علاقتنا حلال وعارفه إنه غلط وأهلنا عارفين اللي مانعنا للخطوه الرسميه أنه لسه صغيرين وهو قدي يعني لسه قدامه بيت وكمان ليه أخ اكبر منه وهو شغال اه بس الدهب غلي واكيد حضرتك فاهم أن الشباب بيتعبوا عشان يكونوا نفسهم ف تخيل أنه لسه اصلا قدامه أخوه ولسه بيدرس وكل دا ..بس انا والله ولا ببرر انها حلال ولا اي حاجه أنا بس بحبه وواثقه انه بيحبني وعلفكرا طلب مني كذا مره نبعد عشان ربنا وحلف ووعدني أنه هيجيلي أنا بس للأسف أنا اللي مكنتش بقدر
تم النشر الثلاثاء، ٢١ أبريل ٢٠٢٦
لا هو كدا طبيعى لما بنبقى ف علاقة وعايزين نطلع منها بشياكة بعد ما وعدنا واهتمينا وعيشنا اللى قدامنا فى قصة حب بنيجى عايزين نخلع ف نعمل إية بقى بنحاول نتغير فى المعاملة بحيث نزهق اللى قدامنا وفى الأخر هى مبتستحملش كل دا ف الفراق بيجى من عندها هى يبقى الشاب كدا خلع بس بشياكة ويعمل بلوك وغالبا بيبقى شاف حاجة تانية بس ما علينا اللى حصل دا طبيعى جدا وهو كان عايز يخلع من الأول ولو حاولتى تتواصلى معاه تانى هيبلكك تانى .... هى حالة واحدة اللى ممكن يرجعلك فيها تانى لما يحتاج يتسلى تانى أو يكون محتاج حاجة سواء كلام أو اهتمام أو حاحات تانية لا داعى لذكرها ...... لكن انا عايز أسألك انتى .. ممكن تفهمينى يعنى إيه بنحب بعض ؟ أصل عندنا علمونا أنا وهو مخطوبين .. أنا وهو متجوزين ف مش عارف يعنى إية أنا وهو بنحب بعض ممكن معلش تفهمينى ؟ وإية مفهوم الحب عندك ؟
تم النشر الثلاثاء، ٢١ أبريل ٢٠٢٦
دا بدل ما تدعي إن ربنا يجمعني بيه بالحلال تقولي احتمال كبير ميكونش هو 🙂عموما أن شاء الله خير ربنا يصلح الاحوال واديني باعده اصلا اهو
تم النشر الثلاثاء، ٢١ أبريل ٢٠٢٦
النفس البشريه بطبيعتها لها احتياج للشعور بالحب زي أي احتياج لحاجه تانيه ولو بحثتي في أي موقع أو كتاب هتلاقي إن الكلام ده صحيح ١٠٠% وعليه أدلة .فأنتي بتحبي الشعور اللي بتحسيه في وجود الشخص وليس الشخص نفسه ، فإنتي لازم تسيبيه علشان ربنا ما يغضبش منك وعلشان نفسك اللي هتتبهدل لو التعلق بقا أعمق من كده وعلشان زوجك المستقبلي اللي في احتمال كبير انه ما يكونش هو ،، ذنبه إيه إن مشاعرك المفروض تكون ليه تديها لواحد غيره، + إنتي مش هتستمتعي دلوقتي لإنه حرام ولا بعدين بالحلال علشان قلبك هيكون أرهق .. ابعدي عنه والحمدلله إن ربنا سببلك سبب انه يبعد علشان كنتي هتتعبي في اقناعه انكم تبطلوا ، وبعد ما تبعدي اعتبريه حاجه قديمه وانتهت . و نصيبك هييجي بدون أدنى مجهود منك ادعي بالخير ليكي.
تم النشر الثلاثاء، ٢١ أبريل ٢٠٢٦
ربنا يوفقك ويكرمك + حاولى تقولى لوالدك انك عايزاه لعل وعسى ... وأيا كان انتى هتعملى إيه حافظى على الحلال واوعى تعملى الحرام وحافظى على قلبك يا بنت الناس انتى غالية مترخصيهاش ربنا يريح قلبك ويرزقك ختم القرآن عن قريب إن شاء الله
تم النشر الثلاثاء، ٢١ أبريل ٢٠٢٦
والله انا ما بنتقدك ولا قصدى أجى عليكى بالكلام بس والله حالات كتير بتبقى كدا وبيصعب عليا ان احنا بنستهلك مشاعرنا ووقتنا فى مكان مش فى محلة للأسف دا الواقع اللى احنا بنعيشة وروحى اسألى وابحثى هل صح انى أدعى بشخص واحد بس والله غلط وتعلق هيأذيكى بعدين انتى شكلك كويس ومن بيت كويس ف متاخديش الكلام دا بزعل سواء منى أو من غيرى اعتبريها رسالة لعل ربنا يجعل فى كلمة حد فينا هدايتك وبعدك عن الحرام ربنا يوفقك فى حياتك ويرزقك ب ابن الحلال اللى يصونك أيا كان هو مين مش هنتعلق بشخص واحد وهنسيبها على ربنا هو أعلم بالخير والأفضل لينا مننا 🤍
تم النشر الثلاثاء، ٢١ أبريل ٢٠٢٦
أنا كنت متأكد ب نسبة ١٠٠ % إن والدك مش عارف رغم تأكيدك ان اهلك عارفين بالعلاقة ديه لأن الرجال أعلم بالرجال ومفيش راجل هيقبل ب بنتة تكلم شخص حتى لو شيخ جامع فى علاقة فى الضلمه مش ظاهرة للناس فى النور + انتى يا بنتى كدا هتعلقى نفسك بية حرام عليكى نفسك وقلبك حرام عليكى الراجل اللى هيتجوزك لو مكانش هو يقول ابن القيم فى كتابة الداء والدواء من تعلق ب غير الله عذب به أنصحك روحى اسمعى شرح كتاب الداء والدواء هيفيدك جدا فى اللى انتى عايزاه هدانا الله وإياكى 🤍
تم النشر الثلاثاء، ٢١ أبريل ٢٠٢٦
لا أهلي محافظين وبابا مش عارف واسفه بس طريقتك مش احسن حاجه اي اللي محزن في اني بقول فاضلي سور واختم القرآن هو حضرتك عمرك ما غلطت مثلا وبتعمل بكل حرف في ال٣٠ جزء في القران مثلا ؟؟ الدعاء بيغير الأقدار وان شاء الله هيكون من نصيبي
تم النشر الثلاثاء، ٢١ أبريل ٢٠٢٦
اما انتي رايتيه بل حلال ازا هاد شخص نصيبك فا اعلمي لو شو ما صار رح يتزوجك اما ازا كان مو نصيبك فا اعلمي لو شو ما سويتي مارح تتزوجيه فا ارضي بلي الله كاتبه لك واتركيه واساسا هوا حظرك فسهلك موضوع
تم النشر الثلاثاء، ٢١ أبريل ٢٠٢٦
@مفيد . اسفه بس انت كدا عشمتها وخلعت واكيد هي ملهاش ذنب يعني كان ع الاقل تبعد عنها باحترام بدل ما تسيبها كدا لدماغها.. ثانيا أنا والله ماليش في الكلام ولا الاختلاط دا ولا هو ليه ف كدا اقسم بالله ولا بيكلم بنات ولا عمره دخل حياته بنت غيري الفكره اني عايزاه هو في الحلال والله ومش شايفه غيره
تم النشر الثلاثاء، ٢١ أبريل ٢٠٢٦
بس أنا بحبه وعايزاه يبقى معايا ووالله العظيم أنا فاضلي سور بسيطه خالص واختم قرآني ومتربيه واهلي محافظين يعني ماليش في كل دا وهو الوحيد اللي حبيته وكلمته فعلا كدا ونفسي يبقى معايا بالحلال حتى لو هبعد فعلا خالص
تم النشر الثلاثاء، ٢١ أبريل ٢٠٢٦
والله أنا مش بنتقدك إطلاقا أنا بس عايزك تفهمى ان ديه علاقة أيا كانت مسمياتها حرام وانتى يا بنتى غالية ف لية تقللى من نفسك كدا وبعدين لو هو بيحبك فعلا والله هيخاف عليكى من الحرام وهيقولك احنا منتكلمش علشان حرام وأول ما أكون نفسى هجيلك وتبقى العلاقة فى النور غير كدا أذى نفسى ليكى وتعلق على أوهام وعصيان لله عز وجل ف حافظى على قلبك ل ابن الحلال اللى هيجيلك سواء هو أو غيرة
تم النشر الثلاثاء، ٢١ أبريل ٢٠٢٦
بناء على علاقات كتير بناء على طبيعة العلاقات عموما وأنا محكمتش عليه أنا قولتلك طبيعة الشاب فى علاقتة مع البنت ... لكن سؤال ب غض النظر ان مفيش حاجة اسمها بنحب بعض عادى دى ديه مش موجودة لا فى دين ولا فى عرف أو عادة وفى الأول والأخر انا مجرد بنصح أو بقول رأى بس سؤالى هنا لو الأهل عارفين والدك ووالدة ليه مفيش خطوة رسمية و لو لسة صغيرين هل يا بنتى بمجرد ان الأهل عارفين يبقى كدا العلاقة حلال ؟
تم النشر الثلاثاء، ٢١ أبريل ٢٠٢٦
هو حضرتك بتحكم دلوقتي أنه بيخلع بناء على اي أو أنه عايز حاجات تانيه لا داعي لذكرها منين هل انت تعرفه ؟ وبنحب بعض يعني بنحب بعض عادي بس لسه صغيرين على أننا ناخد خطوه رسميه وأهلنا عارفين وعلاقتنا واضحه جدا بعيدا عن الظروف اللي حصلت الاخر
تم النشر الثلاثاء، ٢١ أبريل ٢٠٢٦
لعرض السؤال في فدني اضغط هنا