عندي 27 سنة وكل يوم بسأل نفسي هو أنا وصلت لإيه في حياتي وهفضل كده لحد امتى
مبكلمش حد ومليش صحاب ولا معارف أخرج معاهم أو حتى أحكيلهم أنا يومي كان عامل إزاي
بخلص شغلي وأنزل أقعد على القهوة لوحدي بالساعات وأفضل سرحان مع دماغي اللي مبتسكتش لحظة وبعدها أروح أنام عشان أصحى أعيد نفس اليوم من أوله
شغل وقهوة ونوم لا في خروجة مستنيها ولا مكالمة بفرح بيها ولا حد بيسأل أنا فين أو مالي ولا حتى حد أحس إني فارق معاه
أوقات ببص للي في سني وأشوف حياتهم مليانة ناس وخروجات وضحك وذكريات وأنا مش عارف حتى أعمل إيه في يومي ولا أبدأ منين عشان أغير حياتي
والله ما الوحدة إني تقعد لوحدك شوية بإرادتك الوحدة بجد إنك تبقى محتاج تتكلم ومش لاقي حد تكلمه وإن دماغك تفضل تاكلك من التفكير ومفيش حاجة تشغلك عنها وإنك تبقى وسط الناس وبرضه حاسس إنك لوحدك
أنا مش عايز حاجة كبيرة من الدنيا نفسي يبقى عندي صاحب أخرج معاه ونضحك من قلبنا ونتكلم في أي حاجة من غير تكلف نفسي يبقى عندي يوم فيه حاجة أستناها وناس وجودي يفرق معاهم وأحس إني عايش مش مجرد بقضي الأيام
27 سنة مش كبير في السن بس ساعات بحس إني ضيعت سنين كتير من غير ما أعيشها بجد ومش عارف أبدأ منين ولا أخرج نفسي من الدايرة دي إزاي
أصعب حاجة إنك تبقى نفسك تتغير وتعيش وتفرح بس مش عارف تبدأ منين
يمكن كل اللي ناقصني إني ألاقي طريقي وألاقي ناس شبهي وأحس إن لسه في حاجة حلوة مستنياني في الحياة
نفسي أعيش يوم مختلف عن اللي قبله ولو مرة واحدة بس
أخي، أول حاجة أحب أقولها لك إن شعورك ده مفهوم جدًا، ومش ضعف ولا حاجة غريبة. الوحدة اللي بتوصفها مش مجرد "قعدة لوحدك"، دي وحدة عميقة بتخلّي الإنسان يحس إنه بيمر بالأيام بدون ما يعيشها فعلاً. وإنك عندك 27 سنة وبتتمنى تغيير بسيط زي يوم مختلف أو صاحب يضحك معاه، ده طلب طبيعي ومش كبير زي ما بتقول. كتير من الرجالة في سنك بيحسوا بنفس الضغط ده، بس المهم إنك قادر تبدأ خطوات صغيرة تغير الدايرة دي. ابدأ بخطوات عملية بسيطة مش محتاجة تغيير جذري مرة واحدة. مثلاً، حاول تغير روتين القهوة شوية: روح مكان فيه ناس بتلعب ألعاب زي الطاولة أو الشطرنج، أو روح مسجد قريب منك في أوقات الصلاة وشارك في أي نشاط جماعي زي حلقات القرآن أو الدروس الدينية، دي بتكون فرصة طبيعية تتعرف على ناس شبهك بدون تكلف. كمان، لو عندك هواية أو اهتمام (حتى لو بسيط زي كرة القدم أو القراءة)، ابحث عن مجموعات محلية بتمارسها، أو ابدأ تسأل في شغلك عن أي مناسبات أو تجمعات. الهدف مش إنك تلاقي صاحب مثالي من أول يوم، لكن تبني عادة صغيرة تخرجك من العزلة تدريجيًا. كمان، حاول تحط هدف يومي صغير يخلّي يومك مختلف، زي إنك تكلم حد جديد حتى لو بجملة بسيطة، أو تروح مكان جديد مرة في الأسبوع. ده هيساعد دماغك يتوقف عن التفكير الزائد شوية لأنك هتكون مشغول بتجارب حقيقية. ولو حابب تشوف تجارب مشابهة، ابحث عن أسئلة مشابهة على فدني عشان تلاقي وجهات نظر إضافية من ناس مرت بنفس الشعور. أنت مش ضيعت سنين، أنت لسه في بداية مرحلة تقدر تبني فيها علاقات وذكريات. الخطوة الأولى دايمًا صعبة، بس كل مرة هتجرب فيها هتحس إنك أقرب لليوم المختلف اللي نفسك فيه. أنا هنا لو عايز تتكلم أكتر عن خطوات محددة تناسب ظروفك.
تم النشر السبت، ١٧ أكتوبر ٢٠٢٦
أنا عايز احاول افيد حضرتك، بس عندي سؤالين الأول لو جاوبت عليهم أصلاً ممكن متحتاجش آني ارد عليك أصلاً، هل أنت فعلا يومك بيتكرر؟ نفس الناس هما هما؟ نفس الأكل هوا هوا؟ نفس كل حاجة حرفياً؟ و هل في رأيك الناس اللي أنت بتشوفهم دول مبسوطين و فرحانين و بيحتفلوا و هما اصغر منك و في نفس عمرك مبسوطين فعلا ولا في شئ من تحت لتحت؟
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا