السلام عليكم
انا ريم 18سنه المفروض اكون في تالته ثانوي عام بس حصل مشاكل مع اهلي وطلعت من أولى ثانوي وحاليا بقدم اولى تجاره
انا بحب ابن خالتي جدا هو ضابط عسكري بس من السعوديه وانا من مصر بنتكلم علطول ونهزر ونضحك مع بعض بيجيلي عرسان كتير بس برفض الموضوع لحد ما ماما عرفت انو بحبه وقالت لي ابعدي عنه لانك هتعبي وهو مش ليكي
كنت زعلانه جدا وخصوصا ماما موافقه انها تجوزني ابن خالي قولتله بس بطريقه صاحبتي بتحب شخص وكدا يعني عشان هو ماكنش يعرف اني بحبه لما لاحظ انو نفسيتي اتغيرت وتعبت حاسه بالموضوع سألني قولتله اني بحبه رد عليا وقالي انتي محترمه وجدعه وأحسن منك مفيش وزي القمر بس مش هينفع عشان انا ضابط عسكري والحكومه مش هتوافق
غيرت الموضوع وقعدت اهزر معاه وانا قلبي بيتقطع بمعنى اكلمه فضلنا نتكلم بعديها ويمكن اكتر من الاول بس طريقته اتغيرت في الكلام انتي مزه انتي حلوه وبقا يعاكس ويقولي انو بحبو
هو بيحب الهزار جدا وده اللي شدني ليه المهم انا مش بحب الكلام ده وقلت له بلاش هزار بالمعاكسه وكدا يقولي براحتك انتي خسرانه ويضحك ونهزر لحد ماما قالت لي ابعدي بقا عشان بقيتي مهوسه بيه والكل لاحظ كده قولتلها تمام وكبرت دماغي عشان مش بعرف ابعد عنه لحد ماما وخالتي زعلوا من بعض بسبب موضوع شخصي بينهم
وقالت لي ماتكلميش ابن خالتك تاني واعملي بلوك قدامي فعلا عملت كده وفي نفس يوم بعديها بشويه كلمته من اكونت تاني وقولتله امك وامي زعلانين من بعض وامي مش عاوزاني اكلمك تاني اصلا انا مش بخبي حاجه عنو وهو كذلك
المهم قالي هتعملي اي قولتله هكلمك من غير ماما تعرف بس ماكنتش مستريحه كلمته من غير ماما تعرف لمده يوم وبعديها قولت له لا مش هينفع نتكلم من ورا ماما عشان انا مش بخبي عنها حاجه هي اقرب حد ليا قالي تمام لما امك تقولك كلميني ابعتيلي وبقالنا 3ايام على الموضوع ده
النفسيه زفت مش عارفه اذاكر لي اخواتي صغيرين تعبانه وبرشام ضغط مش بيعمل حاجه كنت باخد كابوتن 25 وقلت للدكتورة علطول ضغط عالي وبرشام مش بيعمل حاجه قالت لي خدي نفس النوع بس 50 ومش عارفه ابعد ولا اكلمه ماما مش عاوزاني اكلمه خالص وانسي وانا مش عارفه اعمل كده وتعبت 🙂💔
السلام عليكم، واضح إن الموضوع مقفل من كذا ناحية وأنت نفسك شايفة كده. من ناحية مامتك مش موافقة غير إنه عشان مهنته مش هيقدر يتزوجك فدول سببين كافيين جدا إنك تطلعي الموضوع من دماغك خالص. غير كمان إن أسلوبه معك مش حلو خالص... يعني المفروض عرف بمشاعرك وعارف إن مفيش أمل في ارتباطكم كان المفروض احترم علاقتكم كأهل وخلى فيه حدود واللي كانت المفروض تكون موجودة بينكم من الأول. حتى لو ابن خالتك فمينفعش خالص في ديننا إن يكون في بينكم هزار بالطريقة دي مهما كنتم قريبين أو متربيين سوا. مينفعش يعاكسك ولو هزار زي ما بتقولي ولا يتجاوز حدود في الكلام معك. *** نصيحتي هتكون إنك تسمعي كلام مامتك وبلاش تغضبي ربنا وتغضبيها عشان التعلق اللي حاسة به. اقطعي كلام معه تماما ولو حصل تواصل عائلي بعد كده يكون في حدود الرسمية. ركزي لى دراستك أفضل لك من أي شيء تاني، اهتمي بنفسك وصحتك هم أهم من أي شخص تاني. التعلق ده هينتهي لما تشغلي نفسك بحاجات مهمة وهتكتشفي إنها كانت مجرد مشاعر هتاخد وقتها وتتنسي وإن شاء الله ربنا يرزقك بالشخص اللي يستحقك ويكون خير لكِ. بالتوفيق.
تم النشر الاثنين، ٢٥ أغسطس ٢٠٢٥
السلام عليكم ورحمه الله وبركاته. بصي طالما انت يعني مشدوده كده للصدفه من صفاته فانت شايفه انك تفضلي ماسكه في الصفه دي لحد ما هيظهر حد في نفس الصفه وهيكون متاح انك ترتبطي به ويتقدم لك يومك تركزي اوي اوي اوي في يومك في ايه محتاجه تنجزي ايه محتاجه تخلصي ايه كل ما تلاقي نفسك بتفكري فيه وبتفكري قد ايه يعني انت مفتقده انك تقعدي تتكلمي معايا اا قومي اغسلي وشك بميه ساقعه من الثلاجه من الثلاجه ما يسقع ساقعه اغسل وشك بيها هتلاقي جسمك بدا يتوجه لاحساس الميه الساقعه وهينسيك الفكره دي كرريها بس وادعيكيوساعتها هتلاقي نفسك خلاص مش فارق معاكي ابن خالتك ولا اي حاجه خالص يعني ومساله تعود وانت مصممه انك تفضلي مع الحاجه اللي هي مريحاكي وبتقضي وقت لطيف وبتهزره وبتضحكوا ومتجاهله كل العوامل اللي حوالين الموضوع متجاهلك كلام ماما يعني انصحك انك تعملي مجهود مع نفسك شويه عشان تبقي ماشيه في الطريق الصح يعني الطريق الصح ما بيبقاش بمجهود قليل خالص على فكره مفيش حد طريق انه يثبت نفسه عن طريق الصحه بيكون الموضوع سهل وبسيط ومن غير مجهود من غير ما يضغط على دماغه من غير ما ضغط ويعلق ده طبيعي وعشان كده ده ليه قدر كبير عند ربنا البني ادم بيعافر وبيجاهد عشان يفضل على الطريق الصح فهنا الطريق الصح انك تسمعي كلام مامتك ما تعمليش حاجه من وراها زي ما انت عملت كده برافو عليك جزاك الله خيرا وانك توقفي حاجه هي غلط وطريقها مقفول فاستمري على اللي انت بتعمليه هتهدي نفسك ازاي هتبدئي يعني تشتغلي على روتينك شخصي يومك
تم النشر الاثنين، ٢٥ أغسطس ٢٠٢٥
وعليكم السلام ورحمة الله يا ريم، أقدر جداً المشاعر اللي بتمرّي بيها وأعرف إن الموضوع ده صعب جداً عليك، خاصة لما يكون الحب من النوع اللي بيواجه عراقيل كبيرة من العائلة والظروف الاجتماعية. خليني أتكلم معك خطوة خطوة، علشان نساعدك ترتبي أفكارك وتاخدي قرار يكون صح لك ولحياتك: الثبات على القيم واحترام الوالدين: أولاً، الحب جميل وله مكانة كبيرة، ولكن في نفس الوقت، الإسلام ينعطينا أهمية كبيرة لرضى الوالدين وحسن التصرف في الأمور العاطفية. رفض أمك لا يعني إن مشاعرها ضد سعادتك، لكنها تحميك من مشاكل مستقبلية قد تواجهينها، خصوصاً مع وجود فروق ومشاكل عائلية مع خالك. الصداقة أو التعلق؟ واضح إن بينكم علاقة حب وعاطفة قوية، ولكن هناك فرق كبير بين الحب الحقيقي القائم على الاحترام والتفاهم وبين العشق الذي قد يكون غير واقعي أو نابع من التعلق الشديد. بما إن خالك هو ضابط عسكري في وطن مختلف، وفي نفس الوقت أصرت العائلة على عدم موافقة، فهذا يخلق بدون شك صعوبة كبيرة. الاعتناء بنفسك وجمالك النفسي: انتِ الآن بمرحلة مهمة جداً في حياتك تحتاجي تركزين فيها على دراستك وصحتك النفسية، خاصة مع ظروفك الصحية وضغط الدراسة. الحالة النفسية السيئة تؤثر على صحتك بشكل كبير، فلا تزلي في موقف التعب النفسي. حاولي أن تجدي نشاطات تساعدك على إخراج مشاعرك بطريقة صحية - مثل كتابة يوميات، أو دراسة شيء تحبيه. التواصل مع الأم: صحيح إنها صارمة وطلبت منك الابتعاد، لكنها تبقى أُمك، حاولى تستمرّي بالتواصل معها بطريقة تفاهمية، تشرحي لها مشاعرك وألمك، مع التأكيد على احترامها ورغبتك في نجاحك في هذه المرحلة. قرار قطع التواصل أو الاستمرار: من الصعب الاستمرار في التواصل مع خالك في ظل هذه الظروف، لأنه بيأثر عليك بالسلب، خصوصاً لما كلامه بدأ يميل للهزار بطريقة مزعجة أو مضطربة. أنصحك تختاري طريقتك في الابتعاد بشكل تدريجي، وتعطي لنفسك فرصة تلتئم وتركزي على أهدافك. طلب الدعم المناسب: حياتك تحتاج إلى دعم نفسي متواصل، وإذا شعرتِ بأن الأمور تزداد عليك أو الحاجة لمساعدة أكبر، يمكنك على منصة فدني البحث عن خبراء معتمدين في علم النفس أو الارشاد الأسري يمكنهم مساعدتك بجلسات خاصة تعاونك على تجاوز هذه الأزمة. نبذة روحية: تذكري أن الله هو الملجأ الأول، الدُعاء واللجوء إلى الله يعطينا راحة وطمأنينة للقلوب. "قل لن يصيبنا إلا ما كتب الله لنا" فاستسلمي بقلبك لله، واطلبي منه العون والهداية. ريم، أنت قوية أكثر مما تعتقدي، والمراحل الصعبة تمر، ولكن لا تتركي الحب أو أي شيء يؤثر على احترامك لنفسك وحياتك العامة. أعطي لنفسك فرصة تبدأ من جديد، وتحكمي بحياتك بطريقة تمنحك السعادة والطمأنينة. إذا أردتِ، يمكنني أن أساعدك في إيجاد خبراء نفسيين أو مستشارين على فدني لتقديم لك الدعم المطلوب. ولا تترددي في البحث عن أسئلة مشابهة هنا لأنك لن تكوني وحدك في هذا الموقف. أنا هنا معك دائماً، ولا تترددي في التحدث معي متى ما احتجتِ. قلبك يستحق الهدوء والسعادة، لنتعاون على إيجاد طريقها إن شاء الله. دمتِ بخير وعافية يا ريم 🌸.
تم النشر الأحد، ٢٤ أغسطس ٢٠٢٥
ياحبيبتي انت لسه صغيره واسمعي كلام مامتك والشخص دا مش محترم وبيلعب بيكي طالما مش هينفع يتجوزك بيعاكسك ويعلقك بيه ليه هو كدا نيته مش كويسه اعملي لنفسك كرامه واقفلي الباب وماتفتحيهوش تاني وادي فرصه للي بيدخلو البيت من بابه واشغلي نفسك بنفسك اتعلمي واقري واهتمي بنفسك وبس
تم النشر الثلاثاء، ٢٦ أغسطس ٢٠٢٥
صلى قيام وادعى ربنا . والصح انك متتعلقيش بيه وغلط انك بتكلميه اساسا خصوصا طريقه الكلام اللى وصلتوا ليها كدا الموضوع بقى باب فتنه وتعلق . لو ليكى نصيب فيه هيبقى ليكى . اهم حاجه الرضا دايما ومهم انك متتكلميش معاه تانى حتى لو امك وخالتك اتصالحو ونقطه التعلق بيه دى وانك مش مستحمله انك متكلمهوش دا غلط ادعى ربنا كتير خصوصا ف قيام الليل انك متفكريش فيه وتعيشي حياتك عادى ولو ليكى نصيب فيه هيجى ويتقدم ولو ملكيش هيجى احسن منو بإذن الله . خلى نظرتك أوسع
تم النشر الاثنين، ٢٥ أغسطس ٢٠٢٥
ان شاءلله
تم النشر الاثنين، ٢٥ أغسطس ٢٠٢٥
الحل بسيط اوي والله وهو انو هتسيبي الموضوع عل ربنا وتصلي استخارة في العريس دا وتشوفي النتيجة
تم النشر الأحد، ٢٤ أغسطس ٢٠٢٥
عارفه انو ماما معاها حق بس مش عارفه ابعد ولو بعت قولوا اي احنا قريبين من بعض جدا هو ممكن مش بيحبني لانو ماقليش ده قبل كده مش عارفه متلغبطه خصوصا انو امي ادتني فرصه افكر يااما اوافق علي عريس جالي من عمان وده يكون اخو جوز اختي او ابن خالي مش عارفه اعمل ايه بمعني كلمه
تم النشر الأحد، ٢٤ أغسطس ٢٠٢٥
الحب اجمل حاجة في الدنيا لكن لما نختار صح وانتي شايفة مامتك اهو مش موافقة ومع مشاكل مع مامتو أوقات هما بيبقو فاهمين اللي احنا مش فاهمينو قوليلها طول م انتو صحاب انتي شايفة الموضوع صعب لية ي ماما؟ولو لسة حبك لية بيزيد أدعي الأدعية بتغير..لكن انا برضوا لاحظت انو مش مصمم عليكي ويمكن بيعلقك بية وخلاص حاولي لو معرفتش تتخطي انك تتعاملي ع اصحاب زي م كنتو مش اكتر من كدا انا عارفة انو دا صعب لكن
تم النشر الأحد، ٢٤ أغسطس ٢٠٢٥
الحكومه تفرض عليه انو يتجوز من بلده
تم النشر الأحد، ٢٤ أغسطس ٢٠٢٥
طب سؤال؟لية مش هينفع ياخدك عشان الحكومة مش هتوافق إزاي اية الفكرة في عدم الموافقة؟
تم النشر الأحد، ٢٤ أغسطس ٢٠٢٥
لعرض السؤال في فدني اضغط هنا