السلام عليكم ،
انا مخطوبة وعندي 21 سنة
خطيبي يبعتلي كل شهر فلوس رمزية اعمل باقة وبيديها لامه تدخلني وكتر خيره وساعات بيفتكرني وبيبعتلي اجيب حاجات ليا وكدا في العادي يعني ،بس حصل موقف من امه قبل ما تديني الفلوس وكانت بتقولي ابوكي مدكيش مصاريف تشحني او اي حاجة الشهر ده وبتضحك بس هي كانت بتتكلم بجد بمعنى خلي الشهر ده وفريهم وانا فهمت كدا واتحسست اوي
وبعدها رحت قلت لخطيبي انا مش زعلانة منها ومش عاوزة اكون عبء عليها او تقيلة لو عاوز ابعتلي حاجة ابعتلي ع محفظتي كاش او متبعتش انا معدتش واخدة منها ، رفض وزعل وقالي لا مش هينفع وبدأ يعايرني ويقولي محدش بيعمل كدا اصلا بيبعت باقة ..بس قلت عادي..
بعدها انا زعلت اوي انه مقدرش كلامي ولا فهمني وواخدها اني بشرط عليه يبعتلي انا مع اني قلتله انت لو حابب تبعت فعلى محفظتي احسن عشان ما أحس باي حاجة وحشة وهو مفكرني كدا بشرط عليه او نابذة امه وانا والله مش كدا خالص وهو قالي اعملي باقة او متعمليش مش فارق عندي انا هشحن باقة دولي واكلمك !!
كل ده عشان طلب مني بسيط لراحتي بس ،هو انا كدا غلطانة في حاجة ؟ واتصرف ازاي معاه بلأسلوب ده ؟
وعليكم السلام، هو خطيبك ومش زوجك، ما توخدي منو مصروف... ارفضيها بطريقة محترمة، وفيكي تجيبي هدية لأمه(كإنه بتردي المصروف بس بشكل لائق)
تم النشر الجمعة، ١٠ أكتوبر ٢٠٢٥
السلام عليكم و رحمه الله و بركاته ، هو في حاجه مفهمتهاش يعني بيبعتلك مصروف كل شهر ؟ هو في فتره الخطوبه مش ملزم إن يبعتلك المصروف يعني مش المفروض تطلبي منو يبعت حاجه و لو بعت متقبليش حاجه ذي كدا ، لإن هو لسه مش جوزك لو لقدر الله حصل انفصال هيتكلم على إنه صرف عليكي و مش هتبقا حاجه لطيفه ، هو أه ملزم إن لو خارجه معاه يدفعلك بس مش ملزم إن كل شهر يبعتلك مصروف أو باقه ، ارفضي حاجه ذي كدا عشان متتعرضيش لمواقف سيئه او بايخه من والدته أو منو هو شخصياً
تم النشر الجمعة، ١٠ أكتوبر ٢٠٢٥
اولاً متزعليش بس عايزة أقولك إن المفروض ميبعتش مصاريف ولا فلوس إنتي ملزومه من باباكي بس طول ما إنتم مخطوبين بتبقي ملزومه منه لما تكتبي كتابك بإذن الله على خير وربنا يتمم عليكم بخير بس إنه جابلك هديه ماشي والله باباكي ربنا يباركلك في عمره لو شحنلك باقه أو من مصروفك من باباكي كان بها مكنش خير عادي أما طريقه والدته معلش هيا طريقتها مش ألطف حاجه المفروض تتكلم مع إبنها هيا لو مش عاجبها الوضع وخير يا قمر 🌷
تم النشر الأحد، ١٢ أكتوبر ٢٠٢٥
وعليكم السلام ورحمة الله، أهلاً بك يا عزيزتي. أولاً، أحب أشكرك على شفافيتك ومشاركتك لموقفك، وهذا دليل على حرصك على العلاقة وصدق مشاعرك. طبعاً موقفك مفهوم ومؤلم، ويسبب شعور بالحزن والارتباك. دعيني ألخص لك الوضع: خطيبك يحرص على دعمك رمزيًا (الباقة والفلوس الرمزية)، وهذا جميل. والدته قالت كلامًا عن صعوبة في المصاريف بشكل ساخر، فحسيتِ إنها تقلل من قيمتك بطريقة غير مباشرة. أنت حاولت توضيح موقفك بطريقة هادئة وودودة بأنك لا تريدين عبء عليها، وفضلت أن تُرسل الفلوس على محفظتك وليس عنها. خطيبك فهم كلامك بشكل خاطئ، وزعل واعتبر كلامك “شروطًا” أو تقليلًا من دور والدته، وهذا زاد سوء الموقف. هل أنت مخطئة؟ لا أبداً، لم تخطئي في شيء. أنت طالبتِ بأمر بسيط وبأسلوب راق ومتفهم. لم تحملي أحداً مسؤولية بشكل سلبي، ولم تطلبي أكثر مما تستحقين. طالبتِ فقط بتنظيم الأمور بأسلوب يريحك ولا يوتر العلاقة مع والدته. كيف تتصرفين الآن؟ الصبر والهدوء : حاولي تريّث الأمور. أحياناً الانفعال يفاقم المشكلة. توضيح المشاعر بهدوء : بعد أن يهدأ طرفك وخطيبك، عبّري له عن مشاعرك بصراحة وحب. مثلاً: "أنا لم أقصد التقليل من أحد، لكن شعرت بالحزن عندما سمعت كلام والدتك، وأردت فقط أن أرتاح نفسيًا." التفاهم والاحترام المتبادل : طمني خطيبك أنك تستقبلين الدعم بمحبة، ولكن بطريقتك التي تشعرك بالراحة. كلام مع والدته يكون بنعومة (إذا سنحت فرصة): مجرد حوار بسيط، توضحين فيه احترامك لها وتحترمين وضعها، ومشاعرك أيضاً. تنظيم الأمور المالية حتى لا تتكرر : حاولي أن تجدوا طريقة ترضي الجميع في إدارة الدعم المادي، سواء عن طريق المحفظة أو بطريقة أخرى بسيطة. نصيحة إسلامية: التفاهم والحكمة أساس العلاقات، والزوج لا ينبغي أن يقسو على زوجته أو يجعلها تشعر بعدم الراحة. رسول الله ﷺ قال: "خيركم خيركم لأهله"، وهذا يعني أن اللطف والرفق في التعامل أمر ضروري. وأيضاً، عليكِ أن تحافظي على الاحترام لوالدة خطيبك، حتى لو وقع سوء فهم، فالنية الطيبة تزيل المشاكل بسرعة. إذا استمر الموقف أو زادت الخلافات، يمكنكِ البحث عن مستشارة أسرية أو خبيرة في العلاقات العاطفية عبر موقع فدني، حيث يوجد خبراء متخصصون يمكنهم مساعدتك أكثر. وإذا حبيتي، يمكنكِ تصفح الأسئلة الأخرى في فدني لمواقف مشابهة، وربما تجدين نصائح وأفكار تساعدك على التكيف بشكل أفضل. أنا هنا لدعمك متى ما احتجتِ، لا تترددي في سؤال أي شيء. دمتِ بخير يا عزيزتي ❤️ – ذكية
تم النشر الخميس، ٩ أكتوبر ٢٠٢٥
هو مش شرط يصرف عليكي من دلوقتي بس لازم تعملي حدود ف التعامل
تم النشر السبت، ١١ أكتوبر ٢٠٢٥
لعرض السؤال في فدني اضغط هنا