مبدئيا كدة الشخص اللي أنت على علاقة به وما زال مستمر في العلاقة حتى بعد ما اتخطبت وفرحك فاضل عليه ٤ شهور ولسة بيعمل حاجات غلط معاك إنسان نذل (وهذه أقل صفة يمكن وصفه بها) ولا يجب أن تراعي له أي مشاعر أو خاطر لأنه لو كان محترم كان ابتعد عنك بمجرد خطوبتك وتوقف عن الحرام .. للأسف أنت اللي دخلتي نفسك في المشكلة دي لما تعديتي حدود الله وخليتي واحد يستولي على مشاعرك ويعلقك به فلما جالك واحد ابن حلال ومحترم ملقاش مكان في قلبك لأن قلبك كان مشغول بواحد عمال يمتع نفسه بيك ببلاش والحل بالنسبة لك هو التوبة! بمعنى إنك تقطعي علاقتك بالشخص النذل اللي مش حاطط أي حساب لدين أو أعراف وعمال يستمتع بواحدة المفروض فرحها بعد ٤ شهور - ودة بغض النظر عن الخطوبة دي هتكمل أو لا .. يعني تتوبي من أجل ألا تسقطي من عين الله وإذا صلحت توبتك فالأمور بعدها هتوضح بالنسبة لك إن شاء الله وهتلاقي صدرك انشرح لما فيه الخير والقلوب بيد الرحمن يقلبها كيف يشاء لكن قبل التوبة قلبك هيظل منشغل بالشخص النذل ونفسك هتفضل مشتتة بين الشخصين ودة هيأثر على قرارك بشكل كبير أو حياتك الزوجية إذا تم أمر الزواج.
ربنا يقدرني على فعل الصواب وما هو اصلح
تم النشر الجمعة، ٢٣ يونيو ٢٠٢٣
خلي بالك مش كل الأحاسيس بتبقى أحاسيس صادقة - وبعضها من الشيطان مثلا المدمن على التدخين بيجي له إحساس باستحالة الإقلاع عنها رغم أن فيه ملايين أقلعوا عن التدخين وعايشين حياتهم عادي!
تم النشر الجمعة، ٢٣ يونيو ٢٠٢٣
ربنا يهديني ويهدي جميع المسلمين والمسلمات 💔
تم النشر الجمعة، ٢٣ يونيو ٢٠٢٣
حاليا حاسه اني بفوق وكل ما افوق احس اني ببعد عن حاجه صعب ابعد عنها ومش هاين عليا ابعد عنها
تم النشر الجمعة، ٢٣ يونيو ٢٠٢٣
تمام شكرا لحضرتك
تم النشر الجمعة، ٢٣ يونيو ٢٠٢٣
النبي عليه الصلاة والسلام كان يدعو (اللهمَّ أعِزَّ الإسلامَ بأحبِّ هذين الرجُلين إليك بأبي جهلٍ أو بعمرَ بنِ الخطابِ) فكان أحبُّهما إلى اللهِ عمرَ بنَ الخطابِ!
تم النشر الجمعة، ٢٣ يونيو ٢٠٢٣
بعتذر عن السؤال دا بس انا ناويه ادعي ربنا باللي انا عايزاه وان ربنا يكتبلي الخير مع الشخص اللي بتمناه ويرزقني بيه على خير فهل استمر او لا؟
تم النشر الجمعة، ٢٣ يونيو ٢٠٢٣
ربما لأنك لم تتخلصي تماما من بقايا خدوش الولد العابث من قلبك فظل قلبك مشغولا به! قلبك محتاج عملية ترميم ليحسن استقبال الزائر الجديد كما تفعل أي فتاة تنتظر فارس أحلامها .. وأمامك يوم عرفة فأكثري فيه من الدعاء!
تم النشر الجمعة، ٢٣ يونيو ٢٠٢٣
مهو انا فضلت معاه كتير وانا كنت وقتها منفصله عن اللي بحبه بس برضه مقدرتش اتقبل خطيبي مع اني شايفاه حد مناسب جدا وبدعيله والله ان ربنا يعوضه ويسامحني فحقه
تم النشر الجمعة، ٢٣ يونيو ٢٠٢٣
ارجو منك الدعاء💔
تم النشر الجمعة، ٢٣ يونيو ٢٠٢٣
طيب أهو قدامك .. حبيه بالحلال! وعلاقتك بالولد الصغير لو أنت شايفة أنها علاقة محكوم عليها بالفشل (يعني يستحيل أهلك يقبلوا به) لو لم تكوني مخطوبة فانسيها الآن بإرادتك قبل ما تنسيها بمزيد من الألم.
تم النشر الجمعة، ٢٣ يونيو ٢٠٢٣
شكرا تاني لحضرتك..
تم النشر الجمعة، ٢٣ يونيو ٢٠٢٣
بنسبة كبيره اه كنت هحبه
تم النشر الجمعة، ٢٣ يونيو ٢٠٢٣
واضح من كلامك فعلا أنك من النوع اللي عايز يضحي بكل شيء من أجل الشخص اللي بيحبه لأنك عمالة تختلقي الأعذار له وخايفة تجرحي مشاعره لو سبتيه .. ودة اللي عامل لك أزمة نفسية لأنك حاسة أن خطوبتك لواحد تاني دي خيانة ولما تسيبي الولد اللي معلقك بيه هيقعد يغني ظلموه! لكن مرة أخرى إحساسك المثالي والرومانسي بزيادة مع الشخص النذل هو إحساس واحدة تمادت في علاقة محرمة مش لاقية سكة معقولة توصل بيها لشط الأمان وبالمناسبة لو تبدلت الأدوار وكانت علاقتك الرومانسية بالشخص الآخر وكان خطيبك هو الولد الصغير كنت ستفعلين نفس الشيء غالبا مع الشخص الآخر .. كنت ستشعرين بالندم مع هذا الإنسان لأنك أعطيتيه مهجة نفسك - ولو بالحرام! الحل هو التوبة كما قلت لك ولا تراعي مشاعر ولد مراهق اتسلى بيك وقضى له يومين ولو مكنتيش قطعت معاه ربما كان فضل يتسلى بيك لحد ليلة فرحك! قفي مع نفسك واسأليها سؤال واحد هيحسم لك أمور كثيرة: لو مكانش فيه حد في حياتك والرجل اللي خطبك اتقدم لك كنت هتحبيه وتعطيه مهجة نفسك كمل فعلتي مع الولد العابث أم لا؟
تم النشر الجمعة، ٢٣ يونيو ٢٠٢٣
وانا فعلا قطعت معاه بقالي فتره على امل من ربنا انه يجمعنا على خير
تم النشر الجمعة، ٢٣ يونيو ٢٠٢٣
بس شكرا جدا لكلام حضرتك
تم النشر الجمعة، ٢٣ يونيو ٢٠٢٣
حضرتك هو لسه صغير فانا اللي غلطانه مش هو لإن انا اللي سمحت بحاجه زي كدا للأسف
تم النشر الجمعة، ٢٣ يونيو ٢٠٢٣
لعرض الإجابة في فدني اضغط هنا