زهقان ممكن بسبب او من غير مش عارف حاسس بخنقه وضيق تنفس من كتر الزهق حرفيا دماغي صدعت من زهق مبقتش عارف احنا عايشين ليه وليه مكملين وليه وليه..
حياه خربانه من كل الزوايا وحده وحده وحده حتى وسط الناس اللي مبقتش عارف تسمع صوتهم مجرد الصوت بقى صعب احساس اللي هو اسكتو بقي لحظه صمت بقى كفايه بقى كفايه موتو ممكن !
شغف ميت طاقه تحت الصفر امل معدوم تشائم بالعبيط ..
ليييه ؟! لييه حياتنا كدا مع ان حياه حد اصغر منك في بس بلد مناسبه احسن منك بكتتير تخيل مجرد مكان بس غير كل حاجه ..
الواحد مش عاوز يتمني الموت بس مش عارف اعبر عن كميه الاستياء والحزن الجوايا حقيقي كل القولته ولا واحد من مليون من النا حاسس بيه
انا كل العاوزه بس الواحد ينام بس نوووم نوم نوم وتبقي النهايه
السلام عليكم ورحمه الله وبركاته لا هو ده زهق احباط زهق نظره عامه انه كل الظروف في البلد اللي احنا عايشين فيها سيئه كل حاجه ما بتساعدش الواحد ان هو ينجح والاحلام والتمنيات اللي لها علاقه ببلاد اخرى فيها ظروف احسن او فيها شكل من اشكال الدعم الثاني افضل. ااا وتمنياتنا بانه لو كنا في بلد تانيه كان زماننا يعني عاملين حاجات احسن من كده بكثير. طبيعي جدا لما نفكر كده نشعر بالاحباط. وببص هناك على الصوره التانيه وبشوفش غير الاشياء الزائده ابصش على النقصان اللي هناك ده بيخليني طبعا في وضع احباط. خليني اذكرك بايه في القران ولا تمدن عينيك الى ما متعنا به غيرك ااا في ناس هتكون بتتمتع باشياء اخرى سواء بقى ناس عايشه معانا في نفس البلد او ناس في بلد ثانيه او نصف قاره اخرى احنا مش محتاجين نبص على اللي مع غير ان احنا م فاحسن حاجه في الظروف اللي زي دي هو ان الواحد يرجع ثاني. يتاكد ان هو حاسس بما يملكه بالنعم اللي عنده بالحاجات الكويسه اللي عنده اللي احسن من اي حد ثاني ما عندهوش نفس الحاجات اللي هو نبدا نوجه النظره بتاعتنا شويه للي موجود مش في اللي ناقص ونبدا نعمل توازن ونشوف اللي ناقص ده ازاي نقدر ان احنا نحسنه ازاي نقدر ان احنا نزوده ازاي نقدر ان احنا نجيبه وفي نفس الوقت برضه ازاي نحافظ على اللي موجود عندنا اصلا لان دي نقطه بنغفل عنها هو انا لو دلوقتي النور شغال عندي تمام وزي الفل وبقدر ادفع فاتوره الكهرباء ازاي انا افضل محافظ على المستوى ده وما يجيش عليا يوم ما اقدرش ادفع في فاتوره الكهرباء لانه لو جه عليا اليوم ده يبقى الحاجات اللي ناقصه عندي هتزيد واحد فاكيد انا مش عايز كده فهنا في مجهودين لازم في مجهود ان انا احافظ على اللي موجود عندي ومجهود ثاني ابذله في اني اشوف اللي ناقص واحاول ان انا اسعى ان انا اوصل اليه وان اكمله. ضروري جدا النظره متوازنه دي عشان تخرج من الحاله.حتاجين نخلينا في الدائره بتاعتنا الاول ونبذل فيها اقصى جهدا فالاولى قبل ما نحبط ونزهه نسال هل احنا بذلنا اقصى جهدنا اللي موجود معانا الحالي على قد ظروفنا الحاليه ولا احنا مقصرين واخدين الجهد ده وسايبينه وبنقول لا احنا مش هنطلع الجهد ده الا في ظروف كويسه هنا الشرطيه دي هي اللي بتخلي الانسان يروح للحاله الانعزاليه دي من غير ما يحس بنكون احنا حطينا لنفسنا حاله الوحده دي هل احنا؟ واحدين لا هو احنا في ناس حوالينه وفي ناس بتحبنا وكل حاجه ولكن الشرطيه اللي احنا حطيناها اللي هو احنا مش هنحس بالسعاده الا واحنا في ظروف احسن الا واحنا في بلد بتحترم الناس اللي فيها الا واحنا في بلد بتساعد الشباب الشرطيه اللي احنا عملناها هي اللي منعت مننا ان احنا نستمتع بما نملكه حاليا.
تم النشر السبت، ٩ أغسطس ٢٠٢٥
مقدر احساسك ومدي استيائك لكن اسمحلي اقول لك ربنا لو شايف إن أنت أو حياتك ملهاش لازمة ربنا سبحانه وتعالى ماكنش هيخلقك من الأول وعشان ربنا شايفك ممكن تفيد البشرية او حتى شايفك ممكن تفيد حتى لو عدد قليل من الناس الله اعلم هو خلقك اهم حاجه تعملها عشان تعرف انت ليه موجود (اقرأ) كتب تحفزك علي حب الحياه والعمل وخليها كتب سلسه وكمان العب رياضه حتي لو هتجري أو تمشي حتى بعد ما تصحي لمدة عشر دقائق واعمل لنفسك هدف صغير تقدر تعمله كل اسبوع زي إنك تقرأ كتاب وتخلصه بعد اسبوع من القراءة واكتب انت بتستفيد ايه من اللي قرأته الحياة ابسط من كده يا صاحبي
تم النشر الثلاثاء، ١٢ أغسطس ٢٠٢٥
وبعد ما تنام نوم النهايه ايه اللي هيحصل هتصحى على ملكين بيرجعوا علقه جامده علشان خاطر تعرف انت ليه يقسام من الحياه؟ فلو بتقطع في الصلاه صلي. ولو تعبان. يعني ابسط نفسك الحياه ابسط من كده بكثير قوي؟ يعني بني ادم بيبقى عبيط قوي واتفرجت على حاجه انت بتحبها لو قمت صليت ركعتين لله يعني شوف نفسيتك بتنتمي لايه واعمله مش شرط ان احنا نقعد نتفرج على الناس وننتقدهم ونلخص الحياه دي نلاقي الحياه دي ملهاش لازمه فالواحد يموت احسن. طب ما تعمل الحاجه اللي لها لازمه في حياتك شوف انت بتحب ايه واعمله؟ شوف بتفرح ازاي وفرح نفسك هو انت محتاج انت عايز تقعد يعني كده على كرسي والناس تيجي تخدمك وتفرحك وتبسطك لا يا بابا مفيش الكلام ده. شوف انت عايز ايه واعمله دي كفايه لوحدها تبسط؟ يعني راحت البال جميله. ما تنام مش لازم تنام ما تقومش يعني ممكن تنام عادي وتصحى الصبح صباح الخير يعني الناس اللي موجودين معايا مش اموات واكمل حياتي عادي نعمل كوبايه شاي اضحك واهزر هلاقي ناس بتضحكوا تهزر معايا ما بقاش دايما مكشر ومقفله ومنكد وعايزه الحياه تبقى بمبه.لما يكون فاكر ان انا الخنقه دي وايه الزهق دي وايه الناس دي انا عايزه الحياه تتلاشى يعني بجد يعني. حاجه بسيطه جدا لو عملت كوبايه قهوه.
تم النشر الأحد، ١٠ أغسطس ٢٠٢٥
عزيزي، أشعر بكل كلمة كتبتها، وأتفهم تماما كم هو الوضع صعب ومؤلم لما تحس بهذا الخنق والضيق الداخلي، وكأن الحياة فقدت معناها وكل شيء حولك ينضغط عليك وكأنك محاصر في دوامة من الحزن والفراغ. هذه المشاعر التي تمر بها ليست غريبة، بل هي إنسانية جدًا، خاصة في ظل ظروف الحياة التي قد تشعرنا أحيانًا بعدم الأمان أو بعدم القدرة على التغيير. الشعور بالضيق والزهق وعدم وجود أمل قد يُثقل القلب ويشعرنا بالانعزال حتى وسط الناس. لكن من المهم تعرف أن هذه المرحلة التي تمر بها ليست نهاية المطاف، وهي مرحلة يُمكن أن تمر، وتحتاج إلى خطوات بسيطة لكنها مهمة لكي تبدأ تستعيد فيها توازنك: اعترف بما تشعر به : الاعتراف بالحزن والضيق هو بداية العلاج، وليس بالضرورة أن تخفي مشاعرك أو تتجاهلها. ابحث عن من يسمعك : حتى لو شعرت أن الناس لا يفهمونك، هناك دائمًا شخص أو جهة متخصصة يمكنها أن تستمع إليك دون حكم. ارجع لربك واحتضن روحك بالدعاء : الصلاة والذكر لهما أثر كبير في تخفيف النفس وبث الهدوء. جرب أن تغير روتينك اليومي شيئًا فشيئًا ، حتى لو بخطوات بسيطة؛ مثل المشي في مكان جديد، أو قراءة شيء تحبه، أو كتابة شعورك على الورق. لا تترك هذه الأفكار تسيطر عليك بمعزل عن الآخرين ، إذا وجدت نفسك تغرق في هذه الحالة، من المهم جداً أن تطلب استشارة من طبيب نفسي أو مستشار متخصص. أنا هنا معك وأفهمك، وأتمنى لك أن تجد طريقًا للخروج من هذه الحالة. وإذا أردت، يمكنني مساعدتك في البحث عن خبراء نفسيين في تطبيق فدني يقدمون دعمًا مباشرًا، لأن طلب المساعدة هو بداية القوة، وليس ضعف. هل تحب أن أوجهك لكيفية التواصل مع أحد الخبراء أو أجيب لك المزيد من الأسئلة التي قد تساعدك؟ أنت لست وحدك، وأحيانًا الحاجة فقط لسماع صوت يساعدك على التغيير.
تم النشر السبت، ٩ أغسطس ٢٠٢٥
طلع كل المشاعر اللي عندك شخبط اطلع اجري ألعب حجز كوره السباحه حلوه بس بلاش يكون فيه احباط ونوم وخلاص لأن بعد النوم ايه عملت حاجه في الدنيا أو الاخره خليك طموح وغير من الشباب علشان تبقي زيهم الحياة سعي أنا ممكن لو مخنوق ابكي مين قال البكاء للبنات بس فيه بحث حول علاقة البكاء ونزول الدموع بالراحه النفسية
تم النشر السبت، ١٦ أغسطس ٢٠٢٥
ازاي علاقتك بأهلك هل في نوع من احترام الآخر ولا كله سخرية أو اهمال ؟
تم النشر الاثنين، ١١ أغسطس ٢٠٢٥
لعرض السؤال في فدني اضغط هنا