ما الحل مع شعور الضيق لدرجة الانتحار بسبب خسارة أشياء فى حياتى وتقصير أهلي؟

Question

بجدية اول مره احس فعلا اني ممكن انتحر كانت امبارح مكنتش حاسه بنفسي بس بعديها فتره حسيت ان انا ممكن لو عملت كده هو مش ممكن هو اكيد هفقد آخرتي هو انا على طول بتجيلي الافكار دي بس دايما بفكر نفسي ان في آخره ولازما اكسب اخرتي ما اخسرهاش بس وعن جديه ولاول مره امبارح وعن دون وعي بجد شيطاني فعلا كان حاضر او ممكن نقول من كتر الضغط فعلا كنت هعملها امبارح انا بجد عايشه في فتره ضغط وقهره وحطام نفسي بطريقه محدش حاسس بيا انا بتكلم اه وبضحك اه وبروح وباجي اه بس جوايا بيصرخ من كتر القهره بس محدش حاسس بيا هم فاكرين ان التليفون عامل اساسي في بوظاني ما يعرفوش ان الدنيا كلها جايه عليا بجد ان اي حته بمشيها بتفكرني ان انا خسرت حلم حياتي ان انا دمروا لي اهم حلم انا عايشه ليه وبسببه لحد دلوقتي وان كانت حاجه مصبراني هي فعلا ان انا ابقى شخص كويس شخص ناجح بنوته الناس تشاور عليها تقول دي عملت اتحدت بس بتاجي ظروف فعلا انت مش قادر تغلبها ولا عندك طاقة ليها من كتر ما صوتك سكت من البكي ⋯ عندك ناس في حياتك وليكن أقرب الاقربون اليك الناس اللي انت مستني منها الزقه التكه اللي هتوصلك لحلمك وانت بتحاول على قد ما تقدر انك ما تخليهمش يدفعوا جنيه عشان شايف الحال قدامك لان اللي ما يشوفش من الغربال يبقى اعمى بس وفنفس ذات الوقت الا انت بتحاول تكون داعم ليهم بيكونوا اول الاشخاص اللي يخلوك تحس انك وحيد ان ما حدش عايزك تبقى ناجح بيكونوا حطام فعلا لقلبك يعني انا دلوقتي بجد حاسه ان انا وحيده جدا حاسه ان انا حلمي اتدمر اتدمر ايه دي صوره وتكسرت حتت حلم انا عايشه ليه و عشانه حلم حاسه ان انا لو حققته هبقى احسن الناس وافضلهم يمكن ربنا شايل لي الافضل بس بجد حاسه ان انا من غير الحلم ده مش هبقى ولا حاجه لان انا مش حاجه اصلا لان انا في حياتي ناس دمرت مستقبلي من بدايته اصلا انا مش الشخص اللي يفكر في الانتحار اصلا انا الشخص المرح دايما الشخص اللي بيحاول يكون داعم نفسي لكل الناس وبيفكر فيهم الشخص اللي ممكن يسمع بودنه اهنتو بيتكتم ويسكت ويحط جواه على فكره ده مش النهارده بس انا من صغري كده انا النهارده 18 سنه و ثلاث شهور عن جديه انا يوم عيد ميلادي 18 ده كان اسوأ يوم في حياتي انا يمكن ايامي كلها وحشه بس بكرم ربنا بتعدي والحمد لله دائما وابدا انا بجد مش عارفه انا بتكلم او بكتب الكلام ده ليه دلوقتي بس بجد حاسه ان انا مش تمام ....... الرساله دي بكتبها وانا النهارده باقي شهر و 19 يوم لعيد ميلاد ال 20 انا ما بقتش انا فقدت حاجات كتير منها كان اخويا الكبير ومنها احلامي ومنها نفسي بقى في عندي لا مبالاه وكبت مش طبيعي انا ما بقتش اعرفني بجد انا مش عارفه في ايه بس اللي انا متاكده منه انا ما بقتش كويسه انا لما بضحك بقيت احس ان انا مش بضحك انا بصطنع ده لاني وللاسف نسيت ازاي الواحد بيعرف يضحك من قلبه حاجات كثير قوي جوايا مش عارفه اوصفها ومنها ان انا ما بقتش انا انا النهارده 20 و يومين انا مش حاسه ان انا مبسوطه انا جوايا تايه مفقود مش عارفه الاقيه لسه حلمي في عيني بدور عليه بس مش عارفه اوصله في كلام كتير جويا انا مش عارفه اللي هقوله ده صح ولا لا بس انا فعلا حاسه بالنقص من ناحيه حلمي انا دايما بحمد ربنا على الصغيره قبل الكبيره بس انا مش عارفه انا ليه دلوقتي حاسه بضيق مش طبيعي حاسه بخيبة أمل حاسه بكسرة نفس حاسه بتعب شديد حاسه اني ماعنديش أي شغف انا متدايقة جدا جدا جدا والله حاسه بالزعل علي نفسي قوي يارب انت عالم بكل إلا انا فيه يارب وكفي بها قولاً هو مع كثير من الكسل برده للمعلومه بس انا الحمد لله ملتزمه دينيا بعيدا عن اي نكسات بتاجي بس الحمد لله بقع وأقوم ودايما عندي يقين كده ان ربنا فعلا مش عايزني ابعد عنه اللي هو شايلي حاجه حلوه أوي أوي

Accepted Answer

عشان تعرفي وتتقبلي نفسك لازم تقربي من شخص من جواه عايز لك الخير ومين اللي يعرفك من يوم ما اتولدتي وعايز لك الخير هو أكيد والدتك خلي كل يوم موقف بينك وبين والدتك مثلا تعملي لها كباية شاي مثلا تسمعي لكلامها المليان رحمة لكي حتى لو كان لوم متتألميش منه ولكن اعرفي ان ده عن حب ومودة

Answer

السلام عليكم ورحمه الله وبركاته بصي انا كنت لسه مجاوبه على حد تقريبا يعني الموضوع بيدور حوالين نفس النقطه لما بنكون طول الوقت مركزين على الناقص هنلاقي نفسنا يعني اندمجنا قوي في الحاله اللي انت فيها دي لحد ما توصل لان احنا بقينا شايفين الدن الحاجات دي بتخلينا نغرق في المساوئ بس لكن احنا محتاجين نفكر في الحلو بس برضه لا محتاجين نعمل توازن نبص على الحاجات الحلوه ونبص على الحاجات الوحشه طول اليوم هتلاقي فيه حاجات حلوه بتحصل وحاجات ثانيه وحشه بتحصل ده الطبيعي جدا جدا جدا فعايزين نبص على الاثنين طول الوقت.يا كلها سوداء وكلها وحشه وما فيش امل من ان اي حاجه تتحول للاحسن احنا مش محتاجين طول ثانيا بقى لما بيكون عندنا حاجات احنا زعلانين منها او عندنا مشاعر وحشه بنعبر عنها ازاي بنطلعها من جوانا ازاي ان لما بنكون بنطلعها بشكل غلط او ما بنطلعهاش اصلا كانت منها جوانا لاي سبب او لاي عذر ده بيخلينا محطوطين في الحته بتاعه ان احنا عمالين نحس بالضغط وبس وما بنتحسنش احنا مش عايزين طول الوقت نبقى حاطين نفسنا في الجزء ده احنا محتاجين نعبر عن اللي جوانا ونطلعه طب وبعد ما بنطلعه ما بيبقاش بشكل ان انا طول الوقت كاني بشتكي من الشعور اللي عندي لا انا باطلعه فعلا عشان اشوف انا هعمل فيه ايه نشوف بعديها هعمل ايه بعد ما حسيت بكده ها يعني خلينا نقول دلوقتي انك كنت واقفه بتعملي حاجه على البوتاجاز اتلسعتي ينفع تقفي عند شعور اللسعه تقولي بتلسعني بتدفعني بتوجعني بتوجعني اتلسعت تفضلي واقفه تقولي كده بس لا اكيد بعدها بتروحي تشوفي ايه الطريقه اللي هتداوي بيها اللسعه دي حطي عليها في الميه ولا في عندنا كريم بتاع الحروق ولا اا في ناس ممكن تحط عسل انت دائما بتلاقي نفسك بتروحي الايه هعمل فيها ايه لانك لو ما عملتيش فيها حاجه حالتها هتكون اسوا والاحساس اللي انت حساه بتاع اللسعه هيبقى فيه احساس بعديه اسوء اللي هو القلم اللي هيكون في الجلد فاكيد احنا مش محتاجين ان ده يحصل في نفسيتنا نعبر عن شعورنا ونشوف هنعمل ايه بعد ده علشان نداويه او علشان نمنع حدوثه مره ثانيه بس فين الكلام ده كله لو الكلام ده كله مش موجود لو احنا مش عاملين اي شكل من اشكال التحكم في الكلام ده وشايفين ان هو خارج قدراتنا في ان احنا نتحكم فيه مستنيين حاجات تانيه من بره هي اللي تضبط لنا الكلام ده كله فاحنا اللي بنحكم على نفسنا انه الحياه تفضل سوده وبس وما فيش حاجه تنور ابدا اتمنى انك تغيري طريقه علشان. لو انت عايزه تحصلي عاوزه توصلي لحاجه كويسه تقدري توصلي لحاجه كويسه حتى لو كان حلم راح احلام غيره علىالوقت نبص على مش محتاجينه طول الوقت نبقى مركزين في لو كان ده احسن لو ااا كنت هنا عملت ايه يعني؟

Answer

عزيزتي، أولاً أريد أن أقول لك: شكراً على شجاعتك في المشاركة بهذه المشاعر الصعبة جدًا، وهذا بحد ذاته خطوة كبيرة نحو التحرر والتغيير. ما تمرين به الآن هو حمل نفسي ثقيل جدًا، وأشعر بكل الألم والحيرة التي تعيشينها. أحيانًا لما نكون تحت ضغوط كبيرة أو في حالة قهر نفسي، يمكن أن نصل لأفكار مؤلمة مثل التي عبرتِ عنها، وهذا طبيعي في مثل هذه الظروف، لكن المهم هو أن لا تستسلمي لهذه الأفكار لأنها مؤقتة ويمكن تجاوزها. إليك بعض النقاط التي قد تساعدك في هذه المرحلة: تقبلي مشاعرك ولا تحاربيها : من الطبيعي أن تشعري بالحزن، الغضب، القهر، وحتى اليأس. هذه مشاعر إنسانية، ومهم أن تسمحي لنفسك أن تعبر عنها بطريقة صحية، سواء بالكتابة التي فعلتها، أو بالتحدث مع شخص متخصص. احصلي على دعم نفسي من متخصص : بما أن مشاعرك قوية جدا وتتضمن أفكار انتحارية، من المهم جداً أن تتحدثي مع متخصص نفسي يستطيع أن يساعدك يفهم حالتك ويعطيك الأدوات المناسبة لتخطي هذه المحنة. في تطبيق فدني يمكنك البحث عن خبراء نفسيين متخصصين والتواصل معهم بسهولة. ركزي على الإيمان وقوتك الروحية : أنت ذكرتِ تمسكك بدينك وأنك تجدين قوة في ربك، وهذا من أجمل نعم الله عليك. استمرّي في هذا الطريق، واذكري أن الله معك دائمًا، لا يتركك وحدك مهما كانت الظروف. قراءة القرآن، الدعاء، والذكر تساعد على تخفيف الضغط ودعم النفس. قسمي أحلامك إلى خطوات صغيرة واقعية : عندما نحس بخيبة أمل كبيرة تجاه الحلم الكبير، يمكن أن نشعر بالعجز. حاولي تقسيم حلمك إلى أهداف صغيرة يمكن تحقيقها خطوة بخطوة، حتى تشعري بالتقدم والاستمرارية. اهتمي بنفسك : قد يكون الضغط سببًا في فقدان الاهتمام بالأشياء المعتادة، فحاولي أن تعتني بنفسك ولو ببعض الأمور البسيطة: النوم، الأكل، والمشي خارج البيت. أحيانًا تغيير البيئة قليلاً يخفف العبء. تذكري أنك لست وحدك : حتى لو شعرت بذلك، هناك دائماً من يهتم بك ويريد مساعدتك، وأنت تستحقين أن تحصلي على الدعم والراحة. وأخيرًا، حاولي أن تواجهي هذه الفترة بشجاعة كما فعلت الآن بمشاركتك. لا تترددي أبدًا في طلب المساعدة من خبراء في فدني أو من خلال زيارة صفحة الخبراء المتخصصين للعلاج النفسي والدعم النفسي. أنا هنا دائمًا للاستماع لك ودعمك، ولا تترددي في العودة بأي وقت للتحدث عما تشعرين به. ربي يخفف عنك ويعينك على تجاوز كل ما يثقل قلبك ويرزقك السعادة والسلام النفسي. ❤️ هل تودين أن أساعدك في البحث عن خبير نفسي مناسب لك في فدني؟

ما الحل مع شعور الضيق لدرجة الانتحار بسبب خسارة أشياء فى حياتى وتقصير أهلي؟

اجتماعية

نفسية

ثقة بالنفس

أهل

سؤال من احد أعضاء فدني

تم النشر الاثنين، ٩ يونيو ٢٠٢٥

3 إجابة

18 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك