مساء الخير لكل الموجودين هنا،
أنا بصراحة لجأت للتطبيق ده لأن حالتي النفسية بقت صعبة ومش عارفة أتحمل لوحدي.
أنا عايشة مع والدتي وأخي، بس للأسف أخويا بيعاني من اضطرابات نفسية، وسلوكه أوقات بيكون عنيف ومخيف. حصلت مشاكل كبيرة بينه وبين والدتي، بصوت عالي، وبكلام جارح جداً. ورغم إنه بيعتذر بعدها، إلا إن الموقف بيتكرر، وده بيخليني أعيش في خوف دائم.
وصل بيا التفكير لدرجة إني بقيت أتخيل إنه ممكن في لحظة غضب يعمل حاجة تؤذينا، وده بيخليني حاسة بعدم أمان في بيتي، ومش عارفة أجيب حد يبات معانا بسبب ظروفهم و انهم مش فاضيين طول الوقت
أنا مش طالبة غير دعمكم، كلام يطمني، أو حد مر بحاجة مشابهة يقول لي إزاي قدر يتجاوزها.
أنا محتاجة أحس إني مش لوحدي، وإن في أمل، وإن ربنا شايف وسامع.
خوفك من اخوك ده شيء طبيعي واحساسك ده عدم الامان طبيعي جدا جدا قبل اي حاجه انا لازم اقول لك ان اخوكي محتاج مساعده محتاج حد يتكلم معاه محتاج حد يقعد معاه لان اخوكي زي ما انت بتقولي عنده اضطرابات نفسيه. لازم حد يفرغ اللي جواه يعرف ايه المشاكل اللي عنده اخوكي محتاج علاج مش لازم علاج ادويه بس جلسات تخليه يعني يقدر يسيطر على غضبه وعلى افعاله عشان كده انت اخوك ده محتاج حد يقعد معاه ويتكلم معاه اما بالنسبه لعدم شعورك بالامان انت قوي نفسك وقربي من ربنا ادعي كثير واقرا قران قربي من امك وخليكوا انتوا الاتنين ايد واحده. خوفك من اخوك لازم اخوك تواجهوه وتقولوا له ان انتوا ازاي خايفين منه وقلقانين عشان كده بقول لك لازم حد يتكلم مع اخوكي ويساعده ااا الفكره ان انت لازم تشوفي لنفسك حياه ااا تقدري ان انت تكتشفي بيها نفسك تشوفي حالك بتحبي تعملي ايه انت لسه صغيره وفي ثانويه عامه يعني انت لسه قدامك المشوار طويل والثانويه عامه ده تحدي بالنسبه لك انك تثبتي نفسك وتقفي على رجلك فاوعي تستسلمي واوعي تضعفي واوعي تخافي خليكي ق
تم النشر الاثنين، ١٢ مايو ٢٠٢٥
السلام عليكم ورحمه الله وبركاته. بما إنك قلتِ إن سلوك أخوكِ بيكون أوقات عنيف ومخيف، فمحتاجين نعرف السلوكيات العنيفة دي والمخيفة واصلة لأنهي درجة، بتتكرر كل قد إيه، هل بيكون هو التصرفات دي لها حاجة بتستفزها أكتر يعني لما بيحصل كذا هو بتطلع منه التصرفات دي ولا لأ، ولا الموضوع ملوش حاجة مربوطة بها وفجأة بتطلع منه التصرفات دي أخوكِ خضع لأي علاج نفسي أو متابعة نفسية ولا لأ؟ لأن ده مهم جدًا يعني فيه رحلة ماشي فيها وهنستحمله الفترة دي ولا الموضوع متساب بدون أي علاج؟ يا ريت تجاوبيني على الحاجات دي عشان احاول ان انا اساعدك باكثر حاجة تفيدك إن شاء الله.
تم النشر الأربعاء، ٧ مايو ٢٠٢٥
يا حبيبتي، عارفة إنك بتحبي أخوكي وعاوزة تحميه، بس برضه من حقك تكوني في بيت تحسي فيه بالأمان والراحة. مش لازم تحمّلي نفسك فوق طاقتك. لو أخوكي بيعاني، يبقى كلكم محتاجين تساعدوه صح… من غير ما حد يتأذى. اطمني إن خوفك مش غلط، ومش ضد أخوكي، ده دليل على إنك بني آدم ليكي حدود ونفس محتاجة أمان. خدي خطوة تساعدي فيها نفسك ومامتك وأخوكي، سواء بكلام هادي مع مامتك، أو استشارة حد يفهم في النفسية. ربنا دايمًا مع القلوب الطيبة اللي بتحاول، ومش هيضيّع تعبك أبداً. خليكِ قوية، بس بحنية على نفسك الأول. اخوكي مش ذنبه دي حاله عنده طيب حاولتوا توده لدكتور نفسي ولا لا؟ محتاجه اتكلم معاكي ممكن تبعتيلي علي اي تطبيق محتاجه اتواصل معاكي
تم النشر الثلاثاء، ٦ مايو ٢٠٢٥
مساء الخير يا أختي الغالية، أشعر بصدق بثقل ما تمرين به، وأقدر شجاعتك الكبيرة في مشاركتك هذه المشاعر والتحديات الصعبة التي تواجهينها في بيتك. أولاً، أود أن أطمئنك أن هناك أمل كبير في شعورك بالأمان النفسي من جديد، فالأمان نابع من عدة عوامل يمكن العمل عليها، وأنت اليوم تأخذين الخطوة الأولى المهمة وهي التواصل وطلب الدعم. وهذا بحد ذاته إنجاز كبير. بالنسبة للوضع مع أخيك، تعاملك مع شخص يعاني من اضطرابات نفسية وسلوكيات عنيفة أمر صعب جداً ويتطلب صبر وقوة، وأيضاً إجراءات لضمان سلامتك وسلامة والدتك. هنا بعض النقاط التي قد تساعدك: تأمين سلامتك وسلامة والدتك : إذا شعرتِ في أي وقت بالخطر، من المهم جداً أن يكون لديك خطة للهروب أو الإبلاغ عن الحالة. قد يكون من المفيد جداً التواصل مع جهات مختصة في المجتمع المحلي مثل الأخصائيين النفسيين، أو مراكز دعم الأسرة التي قد تساعد في التعامل مع أخيك بصورة أكثر أماناً. طلب المساعدة المهنية : اضطرابات أخيك تحتاج إلى متابعة طبية ونفسية مستمرة. حاولي أن تشجعي والدتك أو من تثقين بهم لإيصال أخيك لأخصائي نفسي أو طبيب نفسي لمتابعة الحالة بشكل مهني. العناية بنفسك نفسيًا : أنت أيضاً بجانب أنهم يعانون أنتِ عرضة للضغط النفسي، لذلك من المهم تجددي طاقتك وتحافظي على صحتك النفسية. يمكنك هنا في فدني العثور على خبراء نفسيين ومختصين يمكنهم تقديم دعم مستمر سواء عن طريق الاستشارات أو الجلسات الإلكترونية. التواصل والدعم : من المهم جداً أن لا تبقي مشاعرك مكبوتة. طالما تشعرين بحاجة للتحدث والتفريغ، يمكنك البحث في فدني عن الخبراء الذين يوفرون جلسات خاصة، وهذا يمكن أن يخفف عليك كثيراً. كما أنني هنا للاستماع والدعم أياً ما كانت مشاعرك. التوكل على الله والدعاء : لا تنسي أن الله رحيم سميع، وهو معك في كل لحظة. الدعاء والاستعانة به يمنحك طمأنينة وراحة نفسية كبيرة. تذكري دائما قوله تعالى: «… فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا» (الشرح: 5-6). وأنا معك هنا دائماً إذا أردتِ أن تفضفضي بشكل أسرع أو تطلبي مساعدة منظمة أكتر، أنصحك بالتوجه لأحد الخبراء النفسيين في فدني، وهم مستعدين ليسمعوا ويساعدوا بشكل محترف. وقسماً من الدعم النفسي الجيد هو أن تجدي من يسمعك ويقدرك. لو تحبي أساعدك في إيجاد خبراء مختصين أو أجيب لك نصائح وتجارب من ناس مروا بمواقف مشابهة، سأكون سعيدة جداً. لا تترددي بالسؤال أو طلب الدعم كلما شعرت بذلك. وأخيراً، أنتِ قوية، والله معك، وهذا الألم لن يستمر للأبد بإذن الله. خذي الأمور خطوة بخطوة واعتني بنفسك، فأنتِ تستحقين أن تعيشي في أمان وراحة. ذكية هنا دائماً معك وفي خدمتك، وأتمنى لك السلامة والطمأنينة من قلبي. 💕
تم النشر الثلاثاء، ٦ مايو ٢٠٢٥
اعتقد ان اخوكي يعاني من عقدة النقص فهو يصطنع الغضب ويختار ابشع الألفاظ لكي يوتر البيت ... وتفسيره ان صاحب عقدة النقص يشعر بأنه بلا قيمة غير مؤثر فيختار الطريق الأسهل لكي يرى تأثيره في من حوله فبكائكم وصراخكم وردكم وغضبكم دليل أنه استطاع التأثير عليكم وهذا يسعده لأنه اثبت انه مؤثر وله قيمة... الحل ببساطة ان احتفظي بالهدوء ولا تعطي اي ردة فعل له سيستغرب ويرتبك ويخاف من سكوتك في البداية بل سيحاول ان يزيد عليكي الأذى ليشعر بتأثيره ولاكن اصبري والصبر زين ولو طال إلى أن ييأس منكي .. حاولي في وسط هذه الفوضى ان تجمعي شتاتك وتعرفي أهدافك .. لا ترهقي نفسك في تفهيم والدتك بل التزمي الثقة والصموت وهي ستفهم مع الوقت ... وأخيرا احتسبي الأجر عند الله والله يصلح حالكم
تم النشر الأربعاء، ٧ مايو ٢٠٢٥
مينفعش نحكم غلي حد وقت الغضب
تم النشر الثلاثاء، ٦ مايو ٢٠٢٥
للاسف لا مفيش كلنا حاولنا لاكن وقت العصبيه دايما بيحصل مشاكل كبيره اوي و بيكون فيها عنيف
تم النشر الثلاثاء، ٦ مايو ٢٠٢٥
مفيش حد بيسمع منه او ليه تأثير عليه ممكن يفهمه انه يعدل من معاملته معاكم
تم النشر الثلاثاء، ٦ مايو ٢٠٢٥
لعرض السؤال في فدني اضغط هنا