محتاجه حد فاهم يقول هل دا طبيعي ولا لا دلوقتي انا شغاله اون لاين تمام شغاله اسستنت اون لاين ياخد عدد معين من الطلاب والطالبات وبرن عليهم مرتين في الأسبوع ولو مردوش ببعت واتس والعدد دا بيخلص خلال الاسبوع بيفضلوا معايا طول الشهر الطالب بتحاسب عليه ب6 طول الشهر ولو الطالب ابعتلي نص الشهر بتحاسب عليه 3جنيه
لو الطالب مردش برن علي ولي امره مرتين ولي الأمر مردش ببعت واتس برضو وهكذا طول الاسبوع الباقه هم إلا بيشحنوها بس انا ببعت واتس من عندي انا من الواي فاي المشكله كلها مش هنا المشكله دلوقتي معانا طلاب ازهر وهم بيمتحنوا خلاص
الاداره قالت إن الأزهر دا مش هنتحاسب عليه شهر كامل هنتحاسب 3 أسابيع بس مع اني هبعت لولي الأمر التقييم بتاعه ولو ولي الأمر معندوش واتس هرن يعني دا جهد اهو بس هم مش بيحاسبوا على دا بيحاسبوا على انك ترن بس
مرنتش مفيش حساب ولو معبتش التقيمات لولي الأمر واتس بيتخصم مني ولم سألته مانا عامله شغلي كامل ليه مخدش فلوسي كامله اتقالي لانك مرنتيش الاسبوع الربع طب مانا كلمت ولي الأمر اعمل اي مع أن الطلاب دول دافعين المنصه شهر كامل يعني انا المفروض آخد فلوسي كامله او لو هيتخصم يتخصم المكالمات بس مش كل الاسبوع وانا برضو شغاله فيه مكنتش قاعده
المفروض اعمل ودا حقي ولا لا لاني اول مره اشتغل اون لاين وحقيقي حاسه ان الموضوع بقا استغلال لان كان في شغل على الدعم حوله علينا حجة أن دا شغلكم وانا لما اتفقت مكنش شغلي وكمان كل اسبوع بصور ليهم المكالمات والشتات بتاع الواتس اسكرين فيديو وبلغت تقاريري شيت اكسل ومش فاهمه انا بعمل كل شغلي ليه يتخصم مني
يا حبيبتي، أنا ذكية، وأنا معاكي قلباً وقالباً في الموضوع ده. خليني أقولك رأيي بوضوح: دا حقك كامل، ومش طبيعي خالص إنهم يخصموا منك كده . أنتِ بتعملي جهد كبير (رنات، واتس، تقييمات، تقارير أسبوعية بصور وسكرين وإكسل)، والطلاب دافعين شهر كامل، فالمفروض أجركِ كامل زي ما اتفقتِ. الخصم على "الرن الأسبوع الرابع" لوحدة ده ظلم، خاصة لو كلمتِ ولي الأمر وما ردش – ده خارج عن إرادتكِ. إيه اللي تعمليه دلوقتي خطوة بخطوة (عملي وسريع): اجمعي دليلكِ كله : صور الرنات، الواتس لولي الأمر، التقييمات اللي بعتيها، والتقارير اللي بلغتيها. ده يثبت إنكِ عملتِ 100%. اكتبيلهم رسالة رسمية على الواتس أو الإيميل : قوليلهم بالضبط "أنا عملت كل اللي عليّ، بعت التقييمات، كلمت ولي الأمر، وده دليلي. الطلاب دافعين شهر كامل، فأنا أستحق أجري كامل. لو هتخصموا، يخصموا الرنة بس مش الأسبوع كله". أرفقي الدليل. لو مردوش أو استمروا : بلغي الإدارة العليا أو HR، وذكري إن ده استغلال ومش متفق عليه من الأول (خاصة إن الدعم كان موجود قبل كده). حقوقكِ قانونياً : في مصر، العقود الإلكترونية ملزمة، وأنتِ تستحقي مقابل الجهد اللي عملتيه. لو عايزة استشارة قانونية سريعة، روحي صفحة الخبراء على Fedni: https://www.fedni.net/experts وابحثي عن خبراء عمال أو قانونيين – هتلاقي حد يساعدكِ ببلاش أو بسيط. أنتِ جديدة في الشغل أونلاين، ودا عادي تحسي بالاستغلال، بس متخليش حد يضيع حقكِ. أنتِ قوية وقادرة، وده هيخليكِ أذكى في الشغل الجاي. قوليلي إيه اللي حصل بعد الرسالة، أنا هنا معاكي! 💪❤️
تم النشر الجمعة، ١٧ أبريل ٢٠٢٦
اظن ان الاغلب اتعرض للاستغلال في الوظيفه سواء اونلاين او في الواقع بس بنكتسب بعدها خبره ومحدش بيتعلم ببلاش وتذكري كلمتي دي بالله "وقت ما تكون في ايدك السلطه اياكي والانتقام من الابرياء اياكي تعامليهم بنفس التعامل الي عاملوكي بيه المستغلين في بدايتك" في يوم هيجي وهتمسكي حاجه كبيره او مسؤوليه كبيره وفي ناس الله يهديها بتبقا فاكره ان الاستغلال هو الطريقه الطبيعيه ومش بقول كده لانك كده بالعكس باين على حضرتك مجتهده بس بقولك كده نظرا عن هبلي في الماضي وسوء اداره اعمالي وتعاملي مع من يعمل معي وده كان ناتج عن الي كنت بشوفو من الناس الفشله الي تأثرت بيهم بس الحمد لله الذي عفانا
تم النشر السبت، ١٨ أبريل ٢٠٢٦
اتناقشت الشهر الفات واتقالي لانك مرنتيش الاسبوع الرابع ولم قولت بس عملت كذا وكذا وكذا وكذا دا لو معلتوش هيتخصم ليا اتقالي ماهو لازم يتخصم لانك معملتهوش فقولت طب يبقا اتحاسب عليه حقيقي سوحوني ومخدش عقاد نافع
تم النشر الجمعة، ١٧ أبريل ٢٠٢٦
بصى هو استغلال واضح لأنه الطالب بيدفع الشهر كامل مفيش طالب هيجى يقول للمنصة مثلا انا هدفع ٣ أسابيع أو اسبوعين ونص + انك مأدية شغلك على أكمل وجة ففيه استغلال فى الموضوع .... بس انتى خليكى ماشية زى ما انتى خدى خبرة أكتر وافهمى الدنيا ماشية ازاى وحاولى وانتى شغالة تشوفى مكان تانى أفضل بتكونى انتى فهمتى أكتر ايه اللى ليكى وايه اللى عليكى وأول ما تلاقى حاجة كويسة كنسلى دا ودا ميمنعش انك كمان اتناقشى معاهم فى حقك حاليا
تم النشر الجمعة، ١٧ أبريل ٢٠٢٦
ما قولتلك استغلال زى ما قولتلك فوق كملى عادى وخدى خبرة وافهمى الدنيا وفى نفس الوقت دورى على مكان تانى أول متتيقنى انك لقيتى مكان كويس والدنيا تمام كنسلى المستغلين دول ربنا يوفقك يارب
تم النشر الجمعة، ١٧ أبريل ٢٠٢٦
لعرض السؤال في فدني اضغط هنا