و انا في تالته ثانوي كنت باخد درس مع مدرس مشهور بدون ذكر اسماء و بعدين كنت روحت أتصور معاه علشان السنه كانت قربت تخلص فكنت بديه الموبايل علشان نتصور انا و صحابي معاه سيلفي فمسك ايدي و انا ساعتها مكنتش عارفه اعمل ايه و متكلمتش بس هو بجد المدرس ده مشهور اوي و سمعته حلوه و كل الناس بتحبه و بيقولوا عليه محترم و هو بيقعد يشير حاجات دينيه و ادعيه فأنا جه فبالي اكيد الي حصل ده بالغلط و بعد فترة كنت نسيت الي حصل و روحت أتصور معاه تاني و حصل نفس الشئ برضو و مسك ايدي و انا طبعا بشد ايدي على طول و بيبقى حاولينا زحمه و محدش خد باله و انا دلوقتي خلاص فات كذا سنه على الموضوع ده بس كل ما بفتكره بتضايق اني مختش حقي و متكلمتش ساعتها و كمان في بنات كتير بياخده معاه درس لسه لحد دلوقتي و هو شغال عادي و سمعته حلوة فهل في حاجه اقدر اعملها دلوقتي
و برضو المدرس ده ال following list بتاعته كلها بنات حوالي 7000 بنت و اغلبهم لبسهم مش حلو
تقدري تبلغي الجهات المختصة لتقديم شكوى علي الخط الساخن لمكافحة العنف ضد المرأة في مصر: 15115 أو التواصل مع خط نجدة الطفل 16000 https://nccm.gov.eg/خط-نجدة-الطفل/
تم النشر السبت، ١٤ يونيو ٢٠٢٥
طبعا ممكن نقول ان الموضوع مش مقصود منه وممكن يكون اه كويس ومحترم بس بيتهاون فى التلامس وممكن يكون فى غيرك حصل معاه نفس الموقف وممكن لا انا متفهمه زعلك انك ما اخدتيش رد فعل بس بما ان الاحتمالات كتيره وصعب تاكدى حاجة منهم فانا من رأيى الشخصى مفيش داعى تعملى اى حاجة ممكن بس تعملى توعيه جوه الجروبات بتاعت ثانوى بالموقف دون ذكر اسم المدرس
تم النشر السبت، ١٤ يونيو ٢٠٢٥
مبدايا كده اول ما عرفت ال following list بتاعته خفت من احترامه الزايد 😅 عموما طالما موضوع ماسكه الايد اتكررت اكيد مش صدفه او بالغلط فمبدأيا كده خدي حذرك قبل اي حاجه المستر ده ممكن يكون محترم قدام الناس لكن من جواه حاجه تانيه ومش كل حد بينزل بوستات دينيه يبقى محترم ممكن جدا حد يكون امام جامع وبيحفظ قرآن وكده لكن ممكن يكون مصدر رزقه ربا مثلا ممكن اي حد يكون حاطت قيمه لنفسه في المجتمع لكن لو بصيتي عليه هوا شخصيا ممكن ميكونش محترم نهائيا بما انك خلصتي ثانوي انصحك تبعدي عنه خلاص لان في حاجه غلط في الموضوع عارف مكونتش مفيد بس حاولت افيد على قد ما اقدر 😁✌🏻
تم النشر السبت، ١٤ يونيو ٢٠٢٥
أختي العزيزة، أشكرك على ثقتك بمشاركتك هذا الموقف الصعب والمؤلم معي. أولاً، أنا هنا لأدعمك وأشد على يدك بكل رحمة وتفهم، وأريدك تعرفي أنك لم تكوني وحدك في هذا الموقف، وأن مشاعرك كاملة ومبررة تماماً. لنبدأ بالرد على سؤالك: "هل في حاجة تقدرِ تعمليها دلوقتي؟" بالطبع، في خطوات مهمة يمكن القيام بها مهما طال الزمن، لأن حقك لا يضيع: حماية نفسك الآن: ابتعدي قدر الإمكان عن التواصل مع هذا المدرس سواء إلكترونياً أو في الحقيقة. لا تجبتي على أي رسائل أو طلبات اتصال من جانبه أو من أشخاص مرتبطين به. التوثيق والتسجيل: إذا كنتِ قادرة، دوّني كل شيء تتذكرينه من مواقف أو تفاصيل، حتى لو كانت صغيرة، لتكون مرجعاً إن قررتِ اتخاذ خطوة رسمية أو إعلامية. التحدث إلى الجهات المختصة: رغم مرور وقت، لكن يمكن التوجه إلى الجهات الشرطية أو الجهات المختصة بحماية الطفولة والشباب، لأن ما حصل هو تحرش وليس تصرف عادي. يمكنك أيضاً التوجه إلى جهات دعم الضحايا أو مراكز استشارية نفسية وقانونية، وهناك يمكن تقديم شكوى أو تقديم استشارة. الدعم النفسي: من المهم جداً أن تتلقي دعم نفسي تساعدك على تجاوز هذه الذكريات المؤلمة. يمكن استشارة خبير نفسي أهل للسيرة طيبة كي يساعدك في التعامل مع مشاعرك ويعزز ثقتك بنفسك. يمكنك أيضاً الاستفادة من التواصل مع خبراء في منصة فدني للعلاج النفسي والمشورة. كلام في النفس والروح: تذكري أن هذا التصرف خاطئ تماماً وليس لك ذنب أبداً. استعيني بالله في التخلص من الألم، واطلبي منه العون والطمأنينة. قولي في قلبك: "أنا أستحق الاحترام والأمان، والله معي ولن يضيع حقي أبداً." التوعية والمنع: مشاركتك للقصة هذه خطوة كبيرة ومهمة، لأنها توضح حجم المشكلة وتساعد في التوعية لمن حولك. إذا شعرتِ بالقدر الكافي من القوة، يمكنك أن تفكري في إعلام البنات الأخريات وتنبيههن للخطر حفاظاً على سلامتهن. نقطة مهمة عن انطباع الآخرون والسمعة ليس من النادر أن يكون لدى الأشخاص أحياناً سمعة جيدة ظاهرياً وفي الواقع يخالفون ذلك. كلمة الناس وأحياناً التظاهر بالدين لا تعني أماناً. لذلك، عليك الاعتماد على حدسك واحترام نفسك قبل كل شيء. أخيراً، أود أن أقول لك: أنت قوية وشجاعة لأنك شاركتِ هذه القصة، وهذا أول خطوة للتعافي. لا تترددي في طلب المساعدة والحماية، ولا تدعي خوف السمعة أو غياب الإجراءات يمنع حقك. يمكنك زيارة صفحة الخبراء في موقع فدني والبحث عن متخصصات في الدعم النفسي والقانوني عبر الرابط: https://www.fedni.net/experts وإن شاء الله، مع الدعم الصحيح، ستجدين السلام الداخلي والقوة لحماية نفسك ولمن حولك. هل ترغبين أن أساعدك في إيجاد استشارات نفسية أو قانونية مناسبة على فدني الآن؟ ذكية هنا معك دائماً ❤️
تم النشر السبت، ١٤ يونيو ٢٠٢٥
لعرض السؤال في فدني اضغط هنا