انا خلصت امتحانات اولى ثانوي من 10 ايام وحاسس إن انا بضيع وقت كبير وانا المفروض داخل مرحلة مهمة في حياتي وعايز اتعلم حاجة تفيدني أو أعمل اي حاجة مفيدة ليا
ممكن تقترحوا عليا يعني أنتم بتعملوا اية في الإجازة أو أي حاجة ممكن اعملها
السلام عليكم ممكن تستغل الاجازة انك تتعلم عن مهارات مهمه زى تنظيم الوقت واستغلاله تكتشف نوعية شخصيتك وتعرف نقاط القوة ونقاط الضعف تجرب تعرف معلومات عن مختلف المجالات اللى ممكن تحب توجه حياتك ناحيتها وتعرف تفاصيل عنها اتعلم مهارة التفكير النقدى اتعلم مهارة ادارة الاعمال اتعلم مهارة التعبير عن النفس والتحدث امام مجموعات حاجات هتفرق كتير لو عرفتها من بدرى قبل ما تكون محتاجها فى حياتك وتتلغبط
تم النشر الأحد، ٨ يونيو ٢٠٢٥
ابحث عن دورات للبشمهندس أيمن عبد الرحيم على اليوتيوب واختار دورة تسمعها وقسمها على أيام الاسبوع كل يوم تسمع شوية منها وابحث عن دورة لفقه العبادات لان فرض على كل مسلم تعلم فقه عبادات يومه وهذا هو الوقت المناسب لتعلم هذا المجال ممكن تستعين بمجموعة من الكتب في حسب المجال ال تحبه بقترح عليك كتاب للدكتور سلمان العودة اسمه مع أبى من التراب إلى التراب بيناقش قصة سيدنا آدم وكذلك بقترح عليك كتاب اسمه كيف ربى الأنبياء أبناءهم في عظة ومناقشة لمواقف أبناء الأنبياء والعبرة منها وممكن تنمى من موهبتك لو عندك موهبة مثل التصوير مثلا او الكتابة او الالقاء او اى كان الموهبة ممكن تنميها ممكن تساعد والدك فى عمله لو عمله حر وتقدر تتواجد فيه وممكن تصل رحمك وتزور اقاربك
تم النشر الأربعاء، ١١ يونيو ٢٠٢٥
اهلا، ممتاز انه صحيت على نفسك وما بدك تضيع وقتك... اكثر اشياء الي بتفيدك: ١. اعمل ورد قراءة قرآن شي ساعة باليوم، حافظ على اذكار الصباح والمساء. ٢. برنامج للرياضة مع مدرّب او بدون مدرّب حسب الامكانيات(وبتقدر توخد نفس النتائج عفكرة). ٣. ممكن تشتغل، شوف محل بحاجة لعامل بشغل مؤقت واشتغل، هيك بتتعلم المسؤولية اكثر. ٤. تطوع، مثلا مؤسسة للايتام... وهيك يعني واشي اضافي، عن نفسي بحب تربية الحيوانات والاسماك... اذا بتحب هيك اشي ممكن تبدأ تربي اسماك، بس تعلم عنها بالاول عشان ما تظلمها... كثير الاشي بغير نفسية وبعلّمك على المسؤولية... الأمر واسع بإذن الله
تم النشر السبت، ٧ يونيو ٢٠٢٥
ممكن تطور شخصيتك تشوف ڤيديوهات عن تطور الشخصية على اليوتيوب وكدا ٢ تحفظ قرءان وتتعلم علم شرعي وتصوم ٣ تبتدي تثقف نفسك زي انك تقرأ تاريخ وتتعلم حجات مفيدة ٤ تبتدي تقرأ كتب ابتدي بكتاب مثلا فاتتني صلاة أو لا تحزن او اي كتاب حلو في مجال مفيد انت بتحبه او اقرأ روايه وتكون محترمه وترضي ربنا لانك لازم قبل متقرأ تعرف اى اللي انت رايح تقرؤه الرواية تكون مثلا ٢٠ دقيقة في اليوم علشان تفصل شويه بس ٥ تشوف انت عاوز تعمل اى مثلا فيه ناس بتحب تبني جسمها في الاجازه زي انك تروح الجيم وتلعب رياضه ٦ تلعب كورة مفيده ومسليه ٧ تهتم بأهلك وتصل الرحم ٩ لو حافظ قرءان حفظ الناس قرءان ١٠ انتظم على الصلاة في المسجد ١١ بطل سكر وقلل كافيين
تم النشر الاثنين، ٩ يونيو ٢٠٢٥
جرب تتعلم لغة جديدة أو تتعلم كورس برمجة أو جرافيك، ممكن تروح أماكن تتعلم فيها حِرفة جديدة، حاول تعزز ثقتك بنفسك و تدير وقتك و تتعلم تتصرف ازاي تحت ضغط لان ده هيفيدك في السنين اللي جاية
تم النشر الاثنين، ٩ يونيو ٢٠٢٥
ممكن تقوي نفسك في اللغات لأنها مكمله معاك وهتفرق جدا معاك ممكن برضو تشتغل علي أساس يكون عندك خبره وتكتسب مهارات حياتية فيه مليون حاجه ممكن تعملها في الإجازة اقرأ قرآن قرب من ربنا وحافظ علي الصلوات ولو فيه ماده من أولي ثانوي مكنتش كويس فيها أبدا في تأسيس علي اليوتيوب هيفرق جدا معاك وهتلاقي نفسك وواحده واحده منظم وقتك وكمان مستفاد من الاجازه شوف انشطه تطوعيه هتفرق معاك جدا بعدين
تم النشر الاثنين، ٩ يونيو ٢٠٢٥
السلام عليكم يا محمد، أولاً، من الرائع إنك حاسس بمسؤوليتك تجاه وقتك وعايز تستغله بشكل مفيد، وده بحد ذاته خطوة مهمة جداً في رحلة النمو والتطور. الإجازة فرصة ذهبية لتجرب حاجات جديدة وتتعلم مهارات تفيدك مش بس في دراستك، لكن في حياتك كلها. هنا شوية أفكار واقتراحات تساعدك تستغل وقت الإجازة بشكل مفيد: تطوير مهارة جديدة جرب تتعلم مهارات تقنية زي البرمجة (مواقع زي freecodecamp أو كورسات على يوتيوب بالعربي أو الإنجليزي). تعلم مهارات إدارية أو تنظيم الوقت. تعلم لغة جديدة أو حتى تحسين مهاراتك في اللغة الإنجليزية بشكل بسيط. القراءة المفيدة اختار كتب تنمي مهاراتك الشخصية أو كتب في مجالات تهمك، زي التنمية الذاتية أو علوم نفسية أو حتى قصص نجاح. لو مش بتحب القراءة الورقية، جرب الكتب الصوتية. ممارسة الهوايات أو اكتشاف هواية جديدة ممكن ترسم، تكتب، تمارس رياضة معينة، أو حتى تزور أماكن جديدة لو الوضع يسمح. الهوايات بتساعد على تقليل التوتر وزيادة الإبداع. تطوع في خدمة المجتمع ممكن تشارك في أنشطة تطوعية بسيطة في منطقتك، حتى لو أونلاين. التطوع بيعلمك مهارات جديدة وبيعزز روح المسؤولية. تحديد أهداف قصيرة وكويسة حدد هدف واحد على الأقل تحاول تحققه خلال الإجازة، سواء تعلم مهارة أو إنهاء مشروع صغير. دايمًا قسم هدفك لأجزاء صغيرة علشان تكون متتبع تقدمك وتشعر بالإنجاز. نصيحة أخيرة: خلي عندك جدول بسيط ينظم وقتك بين التعلم والراحة والترفيه، عشان متحسش إنك بتضيع وقت، وفي نفس الوقت ما تحسش بالتعب أو الضغط. وأكيد لو حابب، تقدر تدور على خبراء في فدني يقدموا لك استشارات تخص تنظيم الوقت، أو تنمية المهارات، هتلاقيهم هنا: https://www.fedni.net/experts وأيضاً ممكن تطلع على أسئلة مشابهة هنا في فدني عشان تستفيد من تجارب ناس تانية. لو حابب أساعدك في تنظيم خطة محددة حسب اهتماماتك، قول لي وحنبدأ مع بعض خطوة بخطوة. بالتوفيق يا محمد، ذكية دايمًا موجودة معاك! 😊
تم النشر السبت، ٧ يونيو ٢٠٢٥
ممكن تنزل تشتغل أو تقرأ كتب حط لنفسك روتين ثابت مواعيد نوم منتظمه صلى دايما فى المسجد متقضيش اليوم كله على التليفون حدد عدد ساعات معين لاستخدام التليفون انزل الجيم أو اى رياضه اسمع محتوى لتنظيم الوقت أو ابحث عن قنوات يوتيوب بتقدم محتوى تعليمى وثقافى فى حاجات كتير ممكن تعملها
تم النشر الأحد، ٨ يونيو ٢٠٢٥
ممكن تتعلم مجال من مجالات الفريلانس زي المونتاج أو البرمجة أو الجرافيك وتشتغل بيه من البيت وتبني لنفسك مصدر دخل ووظيفة وتقدر تحضر حاجات مع مركز كرياتيفا في محافظتك ده تبع وزارة الاتصالات وبيقدموا برامج مجانية ممتازة وقوية في مجالات التكنولوجيا زي دول والعمل الحر وريادة الاعمال وهيفيدوك جدا وممكن تشترك في مبادرة أشبال مصر الرقمية تبع وزارة الاتصالات ومجانية تتعلم فيها مجال كويس تشتغل بيه بعد كده واليوتيوب مليان برضو لو حابب تتعلم مع نفسك
تم النشر الأحد، ٨ يونيو ٢٠٢٥
اشتغل علي نفسك اتعلم حاجات تفيدك أو اشتغل في أي حاجة التعاملات اليومية في سوق العمل هتكسبك خبرات هتفيدك جدا وهتتعلم حاجات هتنفعك في حياتك اليومية
تم النشر الأحد، ٨ يونيو ٢٠٢٥
ممكن تتعلم لغه جديده او تحسن مستواك في لغه حضرتك حاسس ان مستواك مش احسن حاجه فيها وتقرأ لو بتحب القراءة عن اي نوع كتب حضرتك بتحبها او تحفظ قرآن
تم النشر الاثنين، ٩ يونيو ٢٠٢٥
لعرض السؤال في فدني اضغط هنا