طول الوقت خايفه ان اللى حواليا يبعدوا عنى ، ميجوش فرحى مع انى مش مخطوبه اصلا😅محدش يسقفلى ف حفله التخرج طول الوقت خايفه وبدى مشاعر بزياده وببقى وقت الزعل معاهم خطوه بخطوه بس انا لما عيطت النهارده قدامهم منهم عمل نفسه مش واخد باله وتلاته بس طبطبوا عليا ومقعدوش استنونى حتى ابقى كويسه واروح معاهم ..وانا مروحه لقيتهم قاعدين فى الجاردن عادى!!! محدش سأل عليا
السؤال بقا هو انا من حقى أزعل واعاتب ولا اطنش واتعامل معاهم كزملاء وخلاص
ملحوظه انا بتكلم على صحابى فى الجامعه
انصحونى اتعامل ازاى معاهم
بس دول ماينفعش ابدا تطلقي عليهم (صحاب) زمايل كفاية اوي عليهم. والصحاب مش بالكترة ولا بالعدد .. انتي لو عندك واحدة وكويسة جدا كفاية اوي احسن من مليون واحدة... لا يمكنك الاعتماد عليهم او يبقوا فعلا جدعان. واعرفي ان كمان المواقف اللي زي ديه بتبين كويس اوي مين اللي قلبه عليكي ومين اللي مش حاطك اساسا في المكانة اللي انتي عملاها له. ولا تعاتبي ولا تعملي اي حاجه .. اتعاملي معاهم ك زملاء وخلاص .. وهاي باي... بس كده واعملي صصحاب بجد كويسين وجدعان .... واطلعي من الكمفورت زون بتاع الجامعة شوية .. وروحي انشطة طلابية وتطوع .. ولو فيه رياضة عايزة تلعبيها اعمل كده ... الحياة مش هتقف على حد.
تم النشر الجمعة، ١٢ مايو ٢٠٢٣
مش يمكن اختيارك لاصحابك غلط أقتدي مع نفسك وعيدي حياتك هتلتقي اختيارك غلط وربي يسعدك بقي♥️
تم النشر الأربعاء، ١٠ مايو ٢٠٢٣
متتوقعيش ان الكل يبقي جانبك انتي اللس هتداوي نفسك وتطبطبي عليها... تتعاملي مع الكل كزملاء قليل اللي يبقي صاحب ولازم قبل نلتقرري انه الشخص ده بقي صاحب لازم يبقي فيه مواقف اثبتت ده.... الشخص القوي هو اللي دعمه وسانده نابع من جواه بيداوي بيه جروحه والباقي بيوزعه صدقة ع خلقة... فاهماني
تم النشر الأربعاء، ١٠ مايو ٢٠٢٣
تمام ، شكراً لمساعدتك
تم النشر الأربعاء، ١٠ مايو ٢٠٢٣
اولا لازم يكون عندك اقتناع تام ب الاكتفاء الذاتي ومتستنيش مقابل من حد ، ثانياً زمايلك اللي عرفو انك فمحنه وطنشو متبقيش معاهم طول الوقت اتصاحبي علي مجموعه غيرهم وحسسيهم بقيمتك بغيه انك تلاقي ناس افضل منهم مش انك تندميهم ، ثالثا متبصيش ان لازم فرحك يبقا مليان ناس يكفي اهلك وعيلتك وكام صحبه ليكي وعيلت عريسك وصحابه هيملو المكان وبعدها هتعدي الليله وتتنسي ، وبالتوفيق
تم النشر الأربعاء، ١٠ مايو ٢٠٢٣
انا يعتبر شبهك كده وكنت فاكر إن الناس اللي عرفتهم في الكليه صحابي وحبايبي بس اكتشفت انهم مجرد زمايل مش اكتر متتعشميش في الناس علشان متتوجعيش واتعملي مع كل الناس اللي في الكليه علي انهم زمايل مش اكتر ولو حد طلب منك مساعده متساعديهوش
تم النشر الخميس، ١١ مايو ٢٠٢٣
الشكر لله
تم النشر الأربعاء، ١٠ مايو ٢٠٢٣
ردي عادي وبشكل طبيعي
تم النشر الأربعاء، ١٠ مايو ٢٠٢٣
اوك ..اما اروح ارد على المسدجس اللى باعتينهالى بقا😂 اصل كنت معلقاهم
تم النشر الأربعاء، ١٠ مايو ٢٠٢٣
خلاص خليكي وسطهم ومتبديش ضعفك قدامهم ومتشتكيش ليهم ولو واحده منهم عيطت متدوريش ليها علي حل طبطبي عليها وقوليلها معلش ازمه وهتعدي بس واياكي تبالغي فمساعدتك ليهم
تم النشر الأربعاء، ١٠ مايو ٢٠٢٣
عمتا انا هتعامل معاهم عادى هديهم اهتمام نفس القدر اللى بيدوه ليا ولو بالغت غصب عنى فمش مهم الاهم انى محتاجاهم حاليا ...بالنسبه لشله تانيه دى فالبنات الل. اعرفها ونفسى نقرب اكتر وكده مواعيد محاضراتهم غيرى فبيصاحبوا بنات تانيه ..فحاسه انى لوحدى ، مليش صاحبه واحده حتى فاهم!!
تم النشر الأربعاء، ١٠ مايو ٢٠٢٣
ما للأسف القسم كله يعتبر شله واحده بس ، لو اتصاحبت على حد غيرهم هيطنشونى وانا محتاجاهم عشان لو احتاجت معلومه او حاجه فاهم
تم النشر الأربعاء، ١٠ مايو ٢٠٢٣
أهتم ولا أطنش؟
تم النشر الأربعاء، ١٠ مايو ٢٠٢٣
حد يقولى أتعامل مع الناس عمتا ازاى ؟؟
تم النشر الأربعاء، ١٠ مايو ٢٠٢٣
..
تم النشر الأربعاء، ١٠ مايو ٢٠٢٣
..
تم النشر الأربعاء، ١٠ مايو ٢٠٢٣
سؤال تانى يا جماعه فى بنت بتساعد الكل لو محتاجين اى معلومه ..البنت دى بقى كانت زعلانه امبارح وانا مسبتهاش يعتبر ...لما انا عيطت النهارده والكلام وصلها عملت نفسها عبيطه ومش شايفه اتعامل مع البنت دى ازاى برضه ..زميله بتساعدنى وخلاص ولا اعاتب؟ وبعد كده لما البنت دى تبقى واقعه فى مشكله اتعامل معاها ازاى وقتها ؟ زى ما عاملتنى ولا اهتم بيها عشان تساعدنى؟؟
تم النشر الأربعاء، ١٠ مايو ٢٠٢٣
لعرض السؤال في فدني اضغط هنا