لو سمحتم انا عندى 21 سنة وبعانى من السمنة وزنى 100 كيلو و طولى 174 بس المشكلة الكبيرة اللى عندى هي تراكم الدهون في منطقة الصدر تحديدا ومخلية الشكل كأنه تثدى ودا مضايقنى جدا ومش مخلينى عارف اتعامل مع الناس بشكل طبيعى بسبب وزنى
جربت كتير احاول اعمل دايت بس معرفتش اعمل ولا ازاى وفي نفس الوقت مقدرتش اروح لدكتور لان ظروفى المادية مش احسن حاجة
فلو فى حد يقدر يساعدنى او دكتور يقدر يدلنى ويتابع معايا ياريت والله
أعتقد إن ممكن أفيدك في حاجة زي كدا إن شاء اللّٰه أولًا فوق أي حاجة تقبل جسمك و شكلك لإنك مش هتقدر تتغير غير لما تتقبل الأمر و احمد ربنا ع نعمه الواسعة دا لصحتك النفسية و لو مش قادر ادعي ربنا بكدا؛ نيجي للفعل بقا أولًا إنت بعد كدا مش هقولك تقطع حاجة لا، عارف ليه ؟؟ لإنك هتيجي شوية و هتزهقك و هترجع لنقطة الصفر تاني كُلْ كل حاجة بس بكميات صغيرة يعني مثلًا في الوجبات الأساسية حاول تاكل أكل و تنوع بقدرالإمكان بروتين و نشويات ـ طبيعية ـ فاكهة و خضار و حاول متاكلش بين الوجبات الأساسية و طبعًا انت تكون حاسس بنفسك متفضلش تاكل لحد ما تشبع؛ (نحن قوم لا نأكل حتى نجوع، و إذا أكلنا لا نشبع) ؛ و اعمل تمارين في البيت و لو نص ساعة كل يوم حتى أو تنزل چيم ؛ هنيجي للأهم بقا و هوا الصيام عليك بقا بصيام الإتنين و الخميس و الثلاث أيام البيض من كل شهر هجري (اكتمال القمر)، العلماء اكتشفوا بالفعل إن الأيام دي الأكل اللي الجسم بياكله بيزيد وزن الجسم أكثر من الطبيعي؛ و حاجة كمان طلع صدقات و حتى لو حاجة بسيطة جدًّا بالذات لو هتجيب حاجة لحد قريب منك لو عندك اخت صغيرة مثلًا ممكن تجيبلها حاجة و انت راجع مثلًا، مامتك، بباك، حد غالي عليك ... ممكن يكون الموضوع غريب شوية بس انت لما تعمل دا بدافع جبر الخاطر، انت كمان ربنا هيجبر بخاطرك و يحقق مطلبك ... توكل على الله و واحدة واحدة و ربنا هيوفقك بإذنه
تم النشر الثلاثاء، ٥ مايو ٢٠٢٦
تحياتى لك اولا انا مثلك لدى دهون فى منطقة الصدر هناك سببين الاول تراكم الدهون فى منطقة الصدر وهذا يحتاج الى رياضة وضبط الطعام والشراب واكل اطعمة مفيدة ليس بالضرورة غالية الثمن لديك البيض و السودانى والفشار والبصل والترمس والسمك والتونة الجبنة القريش شربة الخضار الخضار بشكل عام هذا طبعاً بالاضافة للتقليل بشكل كبير من البيبسى والشيبسى والحلويات هذا كله مع الرياضة حتى اذا كانت تمارين ضغط فى المنزل السبب الثانى هو ان يكون عندك تثدى فعلى وتحتاج لعملية سحب للغدد التى فى منطقة الصدر وهذا تكلفته تقريبا ١٠ او ١٥ الف والحل للحصول على المبلغ التحويش او الجمعيات وفقك الله لكل الخير
تم النشر الخميس، ٣٠ أبريل ٢٠٢٦
السلام عليكم انا نفس مشكلتك تقريبا و مش بتابع مع دكتور و موضوع الدايت لو بدأت فيه بقوة هيبقي صعب انك تستمر لان الارادة الحديدية مش موجودة عند حد من البشر الحل العملي من وجهة نظري هي انك تخس بطريقة انت بتحبها متنسوش علي نفسك خس براحة ببطء بس متكونش قاسي علي نفسك عشان تقدر تكمل يعني مثلا مش شرط انك تبدأ بالأكل الاول ابدا بانك تمشي نص ساعة ف اليوم مش متوسط لسريع اشرب حوالي ٣ لتر ماية ده بينزل الوزن جدا و غالبا من وصف حضرتك اعتقد هيكون عندك مقاومة انسولين و دي مش اي نظام ينفع معايا انت ف الحالة دي عدوك الاول السكر و لازم نظامك الغذائي يبقي مبني ع البروتين بس كعادتنا المصريين كلنا مفيش مقدرة اني اكل نص فرخة صبح و ظهر و عشان ف ممكن الصبح بيضتين مسلوقين مع معلقة زيت زيتون صغيرة او زبدة و طبق سلطة كبير كنية عشان تشبع ... و جزء الدهون ده مهم عشان يخليك شبعان أطول وقت متهملهوش و الظهر وجبتك الأساسية من البروتين زي صدر الفرخة او لو مش متوفر بردو اربع بيضات و مع البروتين طبق سلطة كبير و نص رغيف عيش بلدي او ما يعامله من النشويات و النشويات بالذات متسرحش فيها كتير لانها كلها جلوكوز و ده هيزود وزنك اسرع واي كمية بسيطة منها هتفرق معاك بسبب مقاومة الأنسولين و العشا زي الفطار بالظبط مع فرق ٤ ساعات بين الوجبات و حاول تعمل الوجبات ف اسرع وقت عشان تقدر تستمر عليها كل يوم و متعطلكش و تاني باكد علي كمية الماية ٣ لتر يعني ٣ قزاير لان الماية هتنزل جدا و تقدر تغير ده النظام ده بما يعادله من البروتين زي لو يوم سمك او لو يوم لحم او عادي خالص فول لو مش موجود و زيه كتير من البقوليات ابحث عنه و دور او كمية النشويات القليلة ابعد عن الفاكهة في أول أيام النظام و ممكن يعد ٣ اسابيع تبدأ تاكل منها بس الفاكهة اللي فيها سكر ابعد عنها زي المانجا العنب البلح و الموز ليه واحدة بس ف اليوم حاول لو بتشرب شاي او قهوة تخليها من غير سكر او سكر خفيف ف الاول هتتعب بس مع الوقت هتحس بطعم الحاجة الأصلي و الرياضة ٣٠ دقيقة كل يوم ع الاقل ٥ مرات في الاسبوع لو عايزها مش مملة و تخليها بطريقة تحبها بحيث تقدر تستمر حاول تلعب زومبا نصاية ف اليوم مش هتحس انك متضايق هتنشطك اوي و متعة وانت بتعملها او شوف اي رياضة بتحبها و اعملها و حاول تشرب ماية كتير وانت بتعمل رياضة ده بيزيد الحرق لو وقعت في النظام عادي كمل مفيش حاجة اسمها مثالية في حاجة اسمها استمرارية و ده اللي بيجيب نتيجة مستعجله ٣ مرات بقولها حذاري... متقسش وزنك كل يوم! قيس كل أسبوع المفروض ع النظام ده تخس كيلو في الاسبوع ممكن مع الرياضة و اكل البروتين تلاقي وزنك اسبوع ثبت ده معناه إنك خسرت دهون و كسبت عضلات بس مش دايما و في أجهزة قياس بتحلل النسب دي ممكن تشوفها في تلموارع و تشتريها معتقدش غالية اوي متستعجلش تاني ارجوك و حاول تخلي الرحلة ممتعة بأكبر شكل ممكن لأنها طويلة و انت لازم تستمر لو من قلبك عاوز نتيجة يعني ٣٠ ساعة الرياضة متخليهاش حاجة تقيلة لا خليها مشي لو يوم روتيني وانت مش طايق نفسك او رياضة انت تحبها و تفرغ فيها طاقتك و تستمتع بيها ... و حاول تشوف للأكل الصحي طريقة بتحبها تطبخه بيها بالتقارير اللي قلنا عليها واعمل يوم فريي تاكل فيه كل اللي انت عايزه عشان تطلع الكبت و تقدر تكمل و متخفش اليوم الفري ده بيزود الحرق بس يوم واحد ووجبة واحدة في اليوم ده الكرش اخر حاجة بتخس ف متبصش عليها اول حاجة هتلاقيها هي وشك و رقبتك و كتافك و ممكن تلاقي هدومك طولت كمان بالتوفيق ان شاء الله توصل اصبر متستعجلش استمتع اشرب ماية اعمل يوم فري متاكلش سكريات او نشويات ... ابحث عن النشويات غشان تعرفها
تم النشر الخميس، ٣٠ أبريل ٢٠٢٦
انت نحتاج بس تخس من 20 ل26 كيلو شوف اول حاجة لازم تعرف حاجات مهمة وهي انك لو مخستش هتعاني كتير جدا و يمكن وزنك يزيد اكتر ويمكن كمان صحتك تدهور ده غير انك هيجي عليك وقت عايز تكون حياه واسرة هتعرف تكونها كدا مش هقولك مش نتعرف بس هقولك انك هتعاني جدا فحياتك حط كل اهدافك قدامك واولهم صحتك وابدا نظم اكلك العب رياضة كل أكل صحي حتى لو هتلعب كل يوم 10 دقائق وتزود كل يوم دقيقع مثلا المهم انك تبدأ وممكن تتابع مع حد اون لاين برضو ممكن تنزل تطبيقات تمارين ممكن تنزل جيم ويسلام لو شوفت حد ينزل معاك يشجعك المهم انك توصل لافضل حل من نفسك ولصحتك
تم النشر الجمعة، ١ مايو ٢٠٢٦
أخي العزيز، أشعر بإحباطك تمامًا، وده طبيعي جدًا في سن ٢١ زيك، خاصة مع الضغط اللي بيحصل من الشكل الخارجي. وزنك ١٠٠ كجم على طول ١٧٤ سم يعني مؤشر كتلة جسم حوالي ٣٣ (سمنة متوسطة)، والدهون في الصدر (اللي غالبًا "تثدي مزيف" بسبب الدهون مش هرمونات) هيخف مع خسارة الوزن العامة. مش هتقدر تخسسها لوحدها، بس مع خطة بسيطة هتغير حياتك. أنا مش بديل لدكتور، بس هقولك خطوات عملية مجانية تمامًا، وهتابع معاك لو عايز. ١. الدايت البسيط (ابدأ النهارده): هدف أولي: خسارة ٠.٥-١ كجم أسبوعيًا. قلل سعراتك لـ٢٠٠٠-٢٢٠٠ يوميًا (حسب حركتك). قاعدة ذهبية: أكل ٣ وجبات رئيسية + وجبتين خفيفة، بدون سكريات أو مشروبات غازية. إفطار: بيضتان مسلوقتين + خيار/طماطم + شوفان مع لبن قليل الدسم. غدا: دجاج/سمك مشوي (١٠٠-١٥٠جم) + خضار كتير (سلطة) + أرز بني نص كوب. عشا: زبادي مع فواكه + حفنة مكسرات (لوز غير محمص). سناك: تفاحة أو جزر. نصيحة إسلامية: استغل الصيام النوافل أو يومين أسبوعيًا (زي الاثنين/خميس) للسيطرة على الشهية، وركز على "كلوا واشربوا ولا تسرفوا" (الأعراف:٣١). تطبيق مجاني: MyFitnessPal لحساب السعرات. ٢. التمارين (٣٠-٤٥ دقيقة يوميًا، بدون جيم): كارديو للحرق العام: مشي سريع ٣٠ دقيقة يوميًا (أو ركض خفيف)، زد تدريجيًا. للصدر تحديدًا (٣ أيام أسبوعيًا): | تمرين | تكرارات | مجموعات | |--------|----------|----------| | بوش أبس (push-ups) | ١٠-١٥ | ٣ | | دمبلز فلي (لو مفيش دمبلز، استخدم زجاجات مياه) | ١٠-١٢ | ٣ | | بلانك | ٣٠ ثانية | ٣ | ابدأ ببطء، وشوف يوتيوب "تمارين صدر منزلية للمبتدئين". ٣. نصائح يومية للالتزام: اشرب ٣-٤ لتر مياه يوميًا. نام ٧-٨ ساعات، وصلِّ النوافل للطاقة الروحية. تابع وزنك أسبوعيًا، وصوّر جسمك كل أسبوعين لترى الفرق. لو حسيت إحباط، قول "بسم الله" وابدأ من جديد – الاستمرارية مفتاحك. هتخسر ١٠ كجم في ٣ شهور لو ملتزم، والصدر هيختفي تدريجيًا. لو عايز دكتور أو مدرب يتابعك مجانًا أو بتكلفة قليلة، روح على صفحة الخبراء في فدني: https://www.fedni.net/experts – في خبراء تغذية وصحة رياضية هيساعدوك. ابحث كمان في فدني عن "سمنة ودهون صدر" هتلاقي إجابات تانية. أنت قوي وقادر، يا بطل! رد عليّ بعد أسبوع وقولي إيه اللي عملته، هكون معاك خطوة بخطوة. 💪 الله يعينك ويوفقك! 😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٣٠ أبريل ٢٠٢٦
صيام متقطع ومشي يومياً حوالي 2 كيلوا مشي فقط بس بسرعه قليلاً.. قليلاً فقط ... يعني تمد وانت بتمشي ...بعد شهرين بالظبط إن شاء الله هكون خسيت أقل حاجة 20 كيلوا ... بالعزيمة والإنضباط ممكن أكتر من كدة بكتير وفي مدة أقل من كدة كمان ... وحاول تعمل تمارين رياضيه بس خفيفة يعني مش لازم أول ما تبدأ ... لأبعد مثلاً أول ما تخس 10 15 كيلوا .. إبدأ إعمل التمارين أي تمارين ابحث عالنت تمارين للتخسيس وحرق الدهون هتلاقي تمارين كتير جداً...... يبقي كدة نرتب ... صيام متقطع يعني ثلاث وجبات أو وجبتين وما بينهم صيام يعني ما تدوقش أي حاجة إلا الماية ... كتر من شرب الماء مفيدة جداً... مشي كتير ... وجبات بدون دهون وسعرات حرارية كتير يعني لو هتاكل حاجة فيها دهون يبقي تضاعف المشي في اليوم ده بدل ما هتمشي اتنين كيلوا خليهم 4 وعلي هذا المنوال وربنا يوفقك ويحققلك ما تتمني إن شاء الله
تم النشر الجمعة، ١ مايو ٢٠٢٦
هي احسن حاجة الصيام المتقطع ولازم يكون عندك ارادة وعزيمة انك تخس عشان من غيرهم مش هتخس كيلو واحد
تم النشر الجمعة، ١ مايو ٢٠٢٦
لعرض السؤال في فدني اضغط هنا