مش عارفه اعبر عن كلامي خالص بس هحاول
انا مامتي اتجوزت بابايا ومن يوم ما اتجوزته وعيلته ذالينها ومورينها الويل وبابا عمره ما قالهم عيب دايما هو كمان بيجي عليها متخذينها خادمه يمكن الخدامه بتتعامل احسن منها
عمرها ما كانت زي اي ست متجوزه بيجيلها هدوم وعايشه بترتاح بعد الشغل بتاع البيت بتمشي حافيه شفتوا وصلت لايه دايما بابا مش بيتحمل ليها كلمه يعني لو احنا واخواتي قاعدين معي ماما وبابا ماما مالهاش تتكلم دايما بيعلق علي أكلها
اقسم بالله ماما بتقوم من الفجر لحد العشا بتشتغل مش بتقعد خالص
لدرجه انه كمان بيشك في اخلاق امي انا معتش مستحمله انا بقيت اكره بابا واكره فلوسه
وحاسه اني عاقه لامي مش عارفه احكي حاجات كتير لكن بتمني اموت علشان ما اشفش امي بتعاني كدا على الرغم انه انا بابا مش مخليني محتاجه حاجه انا واخواتي وبيعمل لينا كل حاجه اكل وشرب وفلوس وخروج ألا انه بيظلم امي
هي دلوقت بتعيط وانا مش عارفه اعملها اي انا نفسي اموت تعبت اني بشوفها بتتعذب كدة انا مره انبسطت علشان بابا قال هيطلقها ودايما بتحايل عليها تتطلق بس للاسف ماما مالهاش عيله عاشت حياتها من غير عيله واظن انتوا فاهمين اعمل اي ساعدوني هموت
والله مش عارفه احكي حاجات كتير وقد اي هي بتتعذب هو بابا طيب من جوا بس مش عارفه ليه بيعمل كدا وانا معتش عارفه استحمل الحياه لدرجه اني باخد ادويه اكتئاب علشان أنسى
السلام عليكم ورحمة الله وبركاته - في الاول احب اقولك انك بنت كويسة ومامتك اكيد فخورة بيكي اولا: مامتك ليها ربنا وهيجبلها حقها في الدنيا والاخرة ان شاء الله هي اكيد ست قوية طالما استحملت كل دا ربنا يجعله في ميزان حسناتها اللهم امين ثانيا: والدك ربنا يهديه وينور بصيرته للاسف مش هقدر اقول غير كدا وادعيله لعل الله يستجاب في ساعة استجابة ثالثا: اهل ابوكي للاسف استغلوا انها وحيده واستغلوا طيبتها واكيد ربنا مش هيسيبهم ربنا يجعل كيدهم في نحورهم اللهم امين رابعا والاهم : انتي واخواتك لازم تكونوا سند مامتكم انجحوا علشان ترفعوا راسها وعوضوها علي قد ما تقدروا طالما بتاخدوا فلوس من والدك جمعي انتي واخواتك وهاتولها هدوم وشيلي معاها في مصالح البيت انتي واخواتك ومتسمحيش لا انتي ولا اخواتك ان حد من اهل ابوكي يتطاول عليها دافعوا عنها علشان يعرفوا ان ليها ضهر (بس في نفس الوقت بادب ومن غير ما تعلي صوتك )وخليكي اختها وصحبتها اقعدي واتكلمي معاها وهوني عليا وقوليلها دايما انا بحبك . انا فخورة انك امي . انا ربنا بيحبني علشان خلقني بنتك .كلمات بسيطة بس والله هتفرق معاها جدا وهتديها امل خامسا : انتي لازم تستجمعي نفسك وتكوني قوية علشانها وعلشان نفسك وعلشان تعرفي تجبيلها حقها - اكيد هي بتتعب علشان شيفاكي تعبانة ومهما خبيتي هي امك وهتحس بيكي وبتعبك يا ريت تبطلي الادوية اللي بتخديها (بس بالتدريج علشان خطر لو منعتيها مرة واحد )ولو حبيتي تتكلمي في اي وقت ابعتي وان شاء الله نقدر نساعدك
تم النشر الأربعاء، ٢٨ يناير ٢٠٢٦
يا حبيبتي، أنا ذكية، وأنا هنا معاكِ قلباً وقالباً. أشعر بألمكِ وألم أمكِ، وده مش سهل خالص. ربنا يخفف عنها وعنكِ، ويصبركِ على اللي جاي. أنتِ بنت صالحة جداً إنكِ بتفكري كده في أمكِ، وده يثبت حبكِ لها. أولاً، خليكِ قوية عشانها: كلمي أمكِ بلطف دلوقتي : اقعدي معاها لوحدها، احضنيها وقوليلها "أنا فاهمة تعبكِ، وأنا معاكِ في كل حاجة. إيه رأيكِ نلاقي حل سوا؟" خليها تشعر إنها مش لوحدها. في الإسلام، الوالدة ليها حقوق كبيرة، والرسول ﷺ قال عن الأم: "الزم رجلها فثمَّ الجنة". ساعديها تتكلم عن مشاعرها بدون خوف. ثانياً، حاولوا حوار هادئ مع باباكِ: اختاري وقت هادئ (مش وقت غضب)، وقوليله "يا بابا، أمي تعبانة جداً، وده بيأثر علينا كلنا. إيه رأيكِ نروح لشيخ أو عالم دين يساعدنا نصلح الأمور؟" في الإسلام، الزوج ملزم يعامل مراته بالمعروف (قال تعالى: "وَعَاشِرُوهُنَّ بِالْمَعْرُوفِ")، ومش مسموح الإيذاء. لو رفض، فكروا في فصل مؤقت أو استشارة قاضي شرعي للصلح أو الطلاق إذا استمر الظلم – بس ده آخر حل. ثالثاً، ليكِ ولأمكِ: لأمكِ : شجعيها ترتاح شوية يومياً، زي تقرأ قرآن أو تسمع محاضرات دينية قصيرة. ساعديها في الشغل المنزلي عشان ترتاح، ولو تقدر، خليها تتعلم مهارة بسيطة زي خياطة أو طبخ تبيعه عشان تشعر باستقلالية. ليكِ : استمري في أدويتكِ، بس ضيفي الدعاء اليومي: "اللهم أصلح بيننا، وأرح قلب أمي". كرهكِ لباباكِ مفهوم، بس حاولي تركزي على الخير اللي بيعمله ليكم – ده هيخفف اكتئابكِ. ماتفكريش في الموت، ده شيطان بيوسوس. ابحثي في فدني عن أسئلة مشابهة هتلاقي إجابات كتيرة من خبراء. ولو عايزة استشارة متخصصة، روحي لصفحة الخبراء هنا: https://www.fedni.net/experts – فيه معالجين نفسيين وأسريين هيساعدوكم. أنتِ مش عاقة، أنتِ نعمة لأمكِ. هتقدري تغيري الوضع بالصبر والعمل. ربنا يفرج همكم. 💕
تم النشر الثلاثاء، ٢٧ يناير ٢٠٢٦
مش عارفه اقولك ايه بس ربنا يصبر مامتك وان شاء الله ده كله يكون في ميزان حسناتها. افضل حاجة تعمليها لمامتك انك مثلا تساعديها في شغل البيت انت واخوانك ولو طلبت حاجة تقدروا تعملوها متتاخروش. وحاولي تقعدي مع باباكي تعرفيه ان اللي بيحصل ده غلط ولو اني عارفه ان ده صعب ومش هيحصل بس بقولك يعني لو باباكي متفهم وبيهتم لكلامكم. وحاولي علطول تسعدي والدتك. الرسول صلى الله عليه وسلم قال امك ثم امك ثم امك يعني وصانا على امهاتنا ٣ مرات . ربنا يصبرك لكن انتوا عوض مامتكم في الدنيا خليها متحش انها لوحدها وان ربنا عوضها خير فيكوا.
تم النشر الثلاثاء، ٢٧ يناير ٢٠٢٦
وعايز انبه على نقطة انك مترتكبيش حماقة ضد أهل والدك بإنك تتعصبي وتشتميهم مثلا .... لأن أولا مش هتقدري عليهم في الخبث لأن هيشوهو سمعتك ويطلعو الصفات والعقد النفسية اللي فيهم ويوصفوكي بها وفي الآخر مش هتكوني فدتي والدتك بحاجة .... وده غير انهم على فكرة ضحايا لسلسلة سيئة ... يعني أذاهم ده انتقام من واحد أذاهم زمان ... مثلا في جد أو جدة نرجسية وهكذا / فبدل ما تمشي ورا الغضب وتتحولي لنسخة مكررة منهم اعملي العكس واكسري السلسلة عن طريق نجاحك عالمستوى النفسي
تم النشر الأربعاء، ٢٨ يناير ٢٠٢٦
شكرا جدا علي كلامكم
تم النشر الأربعاء، ٢٨ يناير ٢٠٢٦
الله يعينها بجد، ومش بالضرورة كل أب معاملته شبه كويسة مع الأولاد بشكل ظاهري يبقى زوج كويس فأنا متفهمة دا، بصي اهدي خالص واحتسبي الأجر لله ومعاملة والدك مالهاش علاقة بعقوقك لوالدتك فإن شاء الله أنتِ مش عاقة بس ممكن تكوني بارة بيها أكتر بأفعالك أنتِ لو لوحدك مدركة دا فأولا نلهب إخواتك من غير زرع كره باباكي فيهم بمعنى نبيهم لأن مامتك متحملة كتير وواجبكم تخففوا عنها طول الوقت، أولا بغض النظر عن سنكم بتذاكروا أو بتشتغلوا لازم تقسموا شغل البيت عليكم ماتسيبوهاش تشتغل حتى لو هي اتعودت تقوم كده كده تنضف وبقت تبقوا أنت سابقين وعاملين أغلب الشغل بحيث لو قامت حتى ماتلاقيش نفس مقدار الشغل التقيل اليومي، ثانيا الدعم بالكلام بينكم وبينها في الرايحة والجاية اطلبوا تريحوها وتساعدوها، امدحوا أكلها دايمًا امدحوا أنها روقت يعني شوفتي المطبخ هي اللي عملته وروقت قوليلها تسلم أيدك المطبخ زي الفل وبيبرق مانتحرمش منك طبخت امدحي الاكل وقوليلها تسلم أيدك الاكل جميل، وخاصة المدح وووالدك قاعد كمان أو لو هو بدأ ينتقدها بكل أدب وهدوء قوليله لا دي الاكل مظبوط جدا وعجبني وهكذا، ثالثا والدك مادام بيصرف كويس ولو أنتم فيه فلوس متيسرة في إيدكم سواء من شغل أو مصروف هاتولها هدايا أو حتى أي هدية صغيرة أمل حتى حلويات وكلوا معاها شاركوها اقعدوا معاها ونسوها دا آهم حاجة ما تخليهاش تحس أنها لوحدها وتحس بالوحشة وسطكم
تم النشر الأربعاء، ٢٨ يناير ٢٠٢٦
وتحسين المستوى النفسي = العادات الصحية .... زي الصلاة وقراءة القرآن ثم التأمل وكتابة الأفكار والرياضة وغيرها
تم النشر الأربعاء، ٢٨ يناير ٢٠٢٦
السلام عليكم ورحمة الله وبركاته.. الله المستعان وقدر الله وماشاء فعل ... ناس أنذال ومرضى نفسيين أستغلوا انها مقطوعة من شجرة وملهاش ظهر عشان يترسمو عليها قد يكون عندهم في العائلة حد نرجسي وهي بنت مقطوعة من شجرة كان عندها أمل أن تتزوج يبقا لها أهل يعوضوها .. ده ابتلاء زي ما ابتلى الله النبي محمد صلى الله عليه وسلم بعداوة أهله قريش ... حتى أنه لما راح من مكة إلى الطائف عشان يدعو أهلها وآذوه وطردوه وكفرو به فرجع إلى مكة (كفار قريش) فكان البعيد والقريب عدو له .. فقال دعاء من ضمنه : إلى من تكلني ؟ إلى بعيد يتجهمني أم إلى عدو ملكته أمري إن لم يكن بك علي غضب فلا أبالي ولكن عافيتك هي أوسع لي ... يعني برغم الجحيم اللي كان فيه النبي صلى الله عليه وسلم كان برضو بيقول : عافيتك هي أوسع لي . برغم الأذى والطرد وطول طريق السفر ومنعه من دخول مكه .... ده يعني ان متستنيش الظروف تتعدل لازم تصلحي أحوالك الداخلية ..... لو قلتي كده لوالدتك هتكون مش قادرة تسمعك من الإنهاك والاكتئاب والحسرة ومش هتاخد خطوات عملية واصلا الناس الكبار تغييرهم أصعب بس مش مستحيل ... وعلى الجانب الآخر انتي موجودة مع نفسك طول الوقت وأصغر في السن يعني تغييرك أسهل .... فلما تتحسني على المستوى النفسي ده هيكون فرحة لها لما تشوفك مبسوطة وتهديها وتبري فيها ... وده أفضل حل ..... لأن بالعقل صعب انها تتطلق لأن الناس الخسيسة مش هيفرطو في واحدة طيبة ويسيبوها تعيش إلا ما يشفو غليلهم وده غالبا مش هيحصل وثانيا صعب أن والدتك تغير من نفسها بحكم انها في ذروة الكآبة والتشتت .... فالتغيير منك انتي عالمستوى النفسي كوني قدوة
تم النشر الأربعاء، ٢٨ يناير ٢٠٢٦
لعرض السؤال في فدني اضغط هنا