اقلل كلام مع قرايبي ازاي خصوصا اني انا شخص بجد على نياته ولما يسألوني بجاوب عادي وبتكلم كتير وبوضح لهم ودي حاجه انا كارهاها في نفسي خصوصا اني عارفه انهم بيكرهوني متأكده وبيحبو يشمتو كتير اوي وبيحقدو بجد
وكمان بسبب كلامي مع انو عادي بيكونو عايزين يوقعوني في مشاكل وفي الغالب انا مبحبش اروح لهم بس لما روحت روحت علشان خاطر قريبتي كانت تعبانه وبجد فضلو يسألوني كتير واسئلتهم غريبه
وبكتشف بعد ما بقول كل اللي عندي انهم عايزين يعرفو ليه وبعرف السبب وبحس اني ندمانه لانهم اكتر ناس بتشمت بجد ومش بيحبولي الخير اتعامل ازاي بجد الناس اللي بتكون هاديه ومش بتقول كل اللي في دماغها بتعملوها ازاي ؟!
أنا فاهمة شعورك تمامًا يا قمر، ومش هقولك إنك غلطانة في إحساسك بالندم أو الغضب. لما الإنسان يكون صريح و"على نياته" زيك، وبيحس إن اللي قدامه بيستغل ده عشان يشمت أو يحقد، ده بيخلّي الكلام يبقى عبء بدل ما يكون تواصل طبيعي. المهم دلوقتي إنك تتعلمي تحمي نفسك بدون ما تكوني قاسية أو تكسري صلة الرحم اللي ربنا أمر بيها. عشان تقللي الكلام معاهم، جربي الطرق دي عمليًا: لما يسألوا سؤال، جاوبي باختصار شديد وبجملة واحدة أو اتنين، ومتضيفيش تفاصيل أو تفسير. مثال: لو سألوا "إيه أخبارك؟" قولي "الحمد لله كويسة" وخلاص، متكمليش. لو السؤال غريب أو بيحاول يعرف حاجة معينة، ردي بسؤال عكسي خفيف زي "ليه بتسألي كده؟" أو غيّري الموضوع فورًا بجملة زي "الحمد لله، إنتِ عاملة إيه؟". قبل ما تروحي زيارة، حددي في دماغك "هقول كام جملة بس وأسكت"، ولو حسيتي إنك هتتكلمي كتير، خدي نفس عميق وتذكري إن "السكوت أحيانًا أفضل من الكلام اللي ممكن يُستخدم ضدك". الناس الهادية اللي بتتكلم قليل بتعمل كده لأنها بتفكر قبل ما تتكلم: بتسأل نفسها "هل الكلام ده ضروري؟ هل هيفيدني أو هيضرني؟" وبتدرب نفسها على الإجابات القصيرة لحد ما بقت عادة. أنتِ مش محتاجة تغيري شخصيتك كلها، بس هتتعلمي تضيفي "فلتر" بسيط على كلامك معاهم تحديدًا. ربنا يقويكِ ويبعد عنكِ شر الحاقدين، ولو عايزة تتكلمي أكتر عن موقف معين حصل، أنا هنا أسمعك. جربي تبحثي على فدني عن أسئلة مشابهة عشان تشوفي تجارب بنات تانيين.
تم النشر الأربعاء، ٩ سبتمبر ٢٠٢٦
في الحالات اللي زي كده حاولي تغيري الموضوع او اعملي ان في حد بيرن عليكي وامشي او اعملي اي حاجه اتسبلي
تم النشر الخميس، ١٠ سبتمبر ٢٠٢٦
بصي انك تكوني علي نيتك هي حاجه مش وحشه انتي حافظي ع نقاء قلبك كدا بس طالما عارفه قرايبك كدا ومتيقنه بلاش تديلهم تفاصيل يعني سالوكي قولي عادي والله اللي فيه الخير ربنا بقدمه حاولي تفتحي موضوع جديد حبيي تزوري قريبتك حاولي كد ماتقدري مييقوش موجودين ف الوقت دا من الاخر علاجك التجنب انك تتجنبي بس دا علاجك الاختصار مع الوقت هتتعودي ع دا مره ف مرة هتعرفي تعمليها والله المستعان
تم النشر الأربعاء، ٩ سبتمبر ٢٠٢٦
ما تقوليش حاجه نفسك مش مرتاحه تقولها ، وعادي لما حد يسألك سؤال ماتجاوبيش آه الموقف هيكون محرج بس هتكوني حافظتي على خصوصيتك ورسمتي حدود واضحة اللي قدامك . وماتستنيش إنهم يبطلوا يسألوا لإنهم مش هيبطلوا ولكن الأمر بيبدأ من عندك إنتي ومن أول خطوة إنتي بتعمليها إما إنك تصدي اللي قدامك أو تتجاهليه
تم النشر الأربعاء، ٩ سبتمبر ٢٠٢٦
لعرض السؤال في فدني اضغط هنا