شكرا على توجيهك السؤال وإن شاء الله الاجابة تكون مفيدة. كل ده ممكن يكون له ابعاد نفسية كتير فمينفعش يتشخص السبب كده بدون جلسات. النقطة الثانية التغيير عشان الآخرين هتلاقي نفسك مع الوقت بتضحي بحاجات انتي مكنتيش متخيلة انك تضحي بيها. ولما تفوقي هتضايقي من نفسك لان محدش هيقدر التغيير ده. فالانسان مهم يكون هو ميتغيرش عشان حد. البنت طبيعي تفرح لما تحس ان في شباب كتير يتمنوا يكلموها.لكن ماذا بعد؟ طول ما التغيير او القرارات هوائية هتلاقي نفسك بتكلمي كل شوية حد. النقطة الأخيرة مفيش حب حقيقي قبل الجواز، الجواز اما يثبت الاعجاب او يحولو لمشاكل وعدم قبول وراحة. فمتتغريش بالكلام الحلو لانها وسيلة لاصطياد البنات اللي محتاجة اهتمام وحب. اهتمي بنفسك وحبي نفسك وخليكي نفسك وحطي اهدافك واشتغلي عليها لحد ما الرجل المناسب يجي.
عشان كده قولت فالاول ايه الابعاد النفسية وأسباب هذا التغيير. لكن حاولي تتناقشي مع هذا الاحتياج يعني لما يجيلك فكرة انك عاوزة تسمعي كلام حلو او ترتبطي بشخص معين بعيدا عن الزواج اتكلمي مع نفسك بالورقة والقلم وايه المكاسب والاضرار وانه حرام. ودوري ليه انتي محتاجه ده
تم النشر السبت، ٢ مايو ٢٠٢٦
انا فاهمه حضرتك لكن الطبعى اننا نحتاج كلام حلو زى ما حضرتك بتقول ازى بقى اسيطر على نفسى عموما يعنى انا بكون رايحه الجامعه مقرره انى مش هكلم حد معين وفجأة انسى كل ده وارجع تانى لنفس النقطة
تم النشر السبت، ٢ مايو ٢٠٢٦
لعرض الإجابة في فدني اضغط هنا