تم حذف هذا السؤال
وعليكم السلام ورحمة الله وبركاته يا اختي دا الطبيعي انك مش متأسسة كيمياء أو فيزيا يعنى انتى لسا هتدخلى اولى ثانوى بس عموما عاوزة تفهمي كيمياء بصراحة ارشحلك الأستاذ خالد صقر دا اصلا هيأسسك وهيفهمك وهتطلعى من الحصة بتعتو تحلي على طول مش محتاجة تذاكري تاني و أما الفيزياء ف الأستاذ محمد عبد المعبود هو فديوهات طويلة شوية بس بصراحة هيفهمك الدرس بنسبة كبيرة جدا أما الإنجليزي فدا مع الكل 😂 بس ممكن ادلك على مدرسين حلوين فى مثلا دليلك للإنجليزى أو The American English او دروس أون لين شوفى اللى بتفهمى منو وكملي معاه وبس كدة وبالتوفيق
تم النشر الاثنين، ٣٠ يونيو ٢٠٢٥
شوفي اساتذة على اليوتيوب ابحثي وشوفي اشطرهم واعرفي الاساسيات ومن الصفر ولسه في وقت كبير تتاسسي فيه وتتعلمي كل حاجة وتدخلي فاهمة الدنيا ان شاء الله بس ركزي وافهمي كويس واللي مش فهماه عيديه مرة واتنين لحد اما تفهمي كل حاجة واكتبي وحلي اسئلة وانتي لما تدخلي اصلا هيدوكي كل حاجة من اول حاجة
تم النشر الثلاثاء، ١ يوليو ٢٠٢٥
وعليكم السلام ورحمة الله وبركاته أختي الفاضلة، مبروك بداية مشوارك في الصف الأول الثانوي، والله يوفقك ويسهل لك التعلم بكل يسر. دعيني أساعدك خطوة خطوة في التأسيس في المواد العلمية واللغة الإنجليزية من الصفر: 1. كيفية التأسيس في المواد العلمية (كيمياء، فيزياء، رياضيات): ابدأي بالمفاهيم الأساسية: ركزي أولاً على فهم المصطلحات الأساسية والقوانين البسيطة بدل الحفظ فقط. مثلاً في الكيمياء تعرفي على الذرات، الجزيئات، والتفاعلات البسيطة. استخدمي مصادر مبسطة: ابحثي عن فيديوهات تعليمية قصيرة على اليوتيوب تشرح أساسيات الفيزياء والكيمياء والرياضيات بطريقة سهلة ومبسطة. هناك قنوات تعليمية باللغة العربية تستهدف طلاب المرحلة الثانوية. توزيع وقت الدراسة: خصصي وقت محدد لكل مادة يومياً مثل 30-45 دقيقة، ولا تجهدي نفسك بالتركيز على مادة واحدة لساعات طويلة. الأفضل تقسيم الوقت مع فواصل قصيرة للراحة. حل مسائل وتمارين بسيطة: بعد فهم الدرس، جربي تحلي بعض التمارين السهلة. أسئلي معلمة المادة إذا كانت يمكن أن توفر لك تمارين إضافية أو تأكدي من وجود كتب مساعدات للمراجعة. الاستعانة بالمعلمين أو الخبراء: إن وجدتِ صعوبة، لا تترددي في طلب مساعدة مدرس أو البحث عن خبراء في "فدني" يمكنهم تقديم استشارات تعليمية خاصة لك. 2. كيف تبدأي في تعلم اللغة الإنجليزية من الصفر: ابدئي بالحروف والكلمات البسيطة: تعلمي الحروف والأصوات وكذلك الكلمات الأساسية مثل ألوان، أعداد، وأشياء من حولك. استعمل مصادر منظمة: اختاري تطبيقات أو كورسات موجهة للمبتدئين، مثل تطبيقات تعليم الإنجليزية التي تحتوي دروساً مهيكلة، تساعدك على التقدم خطوة خطوة. الممارسة اليومية: فقط 10-15 دقيقة يومياً من القراءة أو الاستماع والتكرار تساعدك كثيراً. مثلاً استمعي لأغاني أو قصص قصيرة بسيطة باللغة الإنجليزية مع الترجمة. التحدث والكتابة: حاولي كتابة جمل بسيطة واستخدام الإنجليزية في محادثات قصيرة حتى لو مع نفسك، هذا ينمي ثقتك. استخدمي "فدني": يمكنك البحث عن خبراء لغة إنجليزية هنا أو أسئلة مماثلة للاستفادة من تجارب الآخرين. نصائح عامة: لا تستعجلي النتائج، التأسيس يحتاج للصبر والمثابرة. اكتبي أهداف صغيرة قابلة للتحقيق يومياً، مثلاً "أفهم درس واحد في الكيمياء اليوم". تذكري أن طلب العلم فريضة، والاجتهاد فيه مع التوكل على الله مفتاح النجاح. لو احتجتي أي دعم أو استشارة خاصة في أي من هذه المواد، أو حتى في تنظيم وقتك، أنا هنا دائماً معك. ولديك في "فدني" خبراء كثيرين جاهزين للمساعدة. أتمنى لك بداية موفقة ومليئة بالنجاح والتميّز! 🌷 هل ترغبين أن أساعدك في وضع خطة دراسية مخصصة لك؟
تم النشر الأحد، ٢٩ يونيو ٢٠٢٥
بصي يا قلبي انتي داخله اولي هتتعلمي حاجات لسه حتي احنا في تالته كنا محتاجين تأسيس في الكميا بس اما الباقي فيعتبر بتاخدي من اول وجديد وهتدخلي تالته هتاخد العربي من الزيرو حتي اللام الشمسيه والقمريه هتاخديها وهكذا في باقي المواد أما اولي فمش محتاجه تأسيس ركزي ع اللي هتاخديه في يوم وتذاكريه كويس وتحليل بس
تم النشر الاثنين، ٣٠ يونيو ٢٠٢٥
شكرا اوي بجد 😘
تم النشر الثلاثاء، ١ يوليو ٢٠٢٥
ب النسبه الرياضات هو انا كنت باخد فيها درس ولو برضو عايزه ارشح لك شخص يوتيوب يبقى مستر لطفى زهران وجربته برضو ممتاز... الانجليزي الصراحه عمرى ما سمعته يوتيوب حتى ف تالته ف مش هعرف اقولك شخص عن ثقه
تم النشر الثلاثاء، ١ يوليو ٢٠٢٥
مستر خالد صقر وماجد إمام بيدوا علوم متكامله شوفيهم
تم النشر الثلاثاء، ١ يوليو ٢٠٢٥
مش انتي لسه واخده العلوم ف الاعدادى اهو دى علوم برضو. ،ومعايا اختى لسه مخلصه اولى ثانوي واخدت الكلام ده ...وعايزه اقولك انتى ف تالته بتاخدى كورسات تأسيس والله وهتبقى فل الفل خليكى انتى دلوقتي ف العلوم المتكامله وان شاءالله ربنا ييسرلك الأمور
تم النشر الثلاثاء، ١ يوليو ٢٠٢٥
لا يا جميله مش هتحتاجى بس بصى انا نسيت اقولك حاجه مهمه .،، اصلا مبقاش فيه حاجه اسمها فيزياء وكيمياء واحياء ف اولى ثانوى بقت اسمها علوم متكامله بقيت ماده واحده اصلا ف الموضوع بقى ابسط متقلقيش
تم النشر الثلاثاء، ١ يوليو ٢٠٢٥
يعني لو مش بعرف احل معادلات خالص ف مش. هحتاج اتاسس وجزاكم الله خيرا❤
تم النشر الثلاثاء، ١ يوليو ٢٠٢٥
ولو عايزه ارشح لك مدرسين الكيمياء مستر خالد صقر... الفيزياء محمد عبد المعبود وكمان احمد ابو عرب ... العربى مستر محمد صلاح
تم النشر الثلاثاء، ١ يوليو ٢٠٢٥
مفيش حاجه اسمها تاسيس من اول اولى كده كده هتتاسى بعدين ف تالته انا ف اولى ثانوى ولا كنت باخد درس عربى ولا حتى كيمياء ولا حتى فيزياء وكنت بجيب امتيازات والله وكده كده الرياضيات كنت طالعه من الاعدادى كويسه فيها بس كملت ف الدرس يعنى... اللى عايزه اقوله عشان مش تهلكى طاقه ع الفاضى هتحتاجيها ف تالته ذاكرى اللى عليكى ف المنهج واللى هتاخدى ف المدرسه وخلاص ولو عايزة انزلى دروس عادى
تم النشر الثلاثاء، ١ يوليو ٢٠٢٥
شوفي فيديوهات شرح المدرسين علي اليوتيوب واصلا مش لازم تتاسسي ده انتي لسه هتدخلي اولي يعني يعتبر انتي هتاخدي حاجه جديده عليكي والمناهج اصلا مش مربوطه ببعضها اهم حاجه اول ما تبدئي دراسه تركزي مع المدرس ولو اي حاجه مش فاهماها اساليهم او اتفرجي علي فيديو يوتيوب لنفس الدرس وهتستفادي
تم النشر الاثنين، ٣٠ يونيو ٢٠٢٥
لعرض السؤال في فدني اضغط هنا