انتى اول حاجه تحطيها فى بالك انتى مش فاشله انتى مشتته لسه ملقتيش المجال اللى تنجحى فيه وشاطره فيه يعنى مثلا الدكتور شاطر والسباك شاطر والمكانيكى شاطر لاكن كل واحد فيهم ناجح وشاطرفى مهنته مفيش واحد يقدر يفهم فى شغلانة التانى وتانى حاجه ايه يعنى مجبتيش درجه كويسه فى الثانويه مش مهم الثانويه مش نهايه الحياه اى حد نجح فى اى شئ فى الدنيا فشل كتير جدا جدا ولاكن الشخص الناجح مش بيحبط ولا ييأس وبيحاول تانى ومليون ويراجع خطته ويشوف ليه فشلت ويقوم من تانى لانه عارف كويس انه خسر جوله ولاكن مخسرش الماتش كان فيه واحد ناجح بيسألوه ازاى وصلت للنجاح ده كله قالهم قرارات قالولوا القرارات دى كانت على اساس ايه قالهم خبرات قالولوا الخبرات دى جبتها منين قالهم من الفشل وخليكى فاكره حاجه مهمه جدا (محدش بيحاول وبيجيب صفر ) حاجه كمان متسمعيش كلام حد سلبى او اى حد يقول كلام يضرك طول ما انتى عارفه انك بتحاولى وبتعملى اللى عليكى وبتجاهدى نفسك وبتجتهدى يبقى طنشى اى كلام ملوش لازمه غير انه يوقعك لاكن اى حد هيقول كلمه تفيدك او تاخدى منها طاقه ايجابيه اسمعيها كويس جدا واخر حاجه وتفهميها كويس الماضى لو فضلتى حزينه عليه لحد اخر عمرك مش هيرجع والمستقبل لو فضلتى تحلمى بيه بدون ما تصحى من النوم وتبدأى تحققى الحلم مش هيحصل و هيبقى مجرد حلم مش بأيدك غير الحاضر تعملى فيه اللى عليكى والنتايج على الله وادعى الله اللهم وفقنى لما تحب وترضى وافتكرى إن الله لا يغير ما بقوم حتى يغيروا ما بأنفسهم يعنى انتى اللى لازم التغير يبدأ من عندك ومن جواكى انتى وواحده هتبدأى فعلا تبقى الشخصيه الناجحة فى الدين والدنيا اللى الكل فخور بيها نصيحه اخيره فيه جروب على الفيس اسمه No Zero Days ادخليه هينفعك فى حاجات كتير جدا مش هقدر اوفى حقه لو اتكلمت عنه من هنا لبكره أتمنى اكون افدتك وانك فعلا تفكرى فى كلامى كويس وتبدأى تغيرى نفسك من دلوقتى
لا يشكر الله من لا يشكر الناس ف شكرا ،وهدعيلك بردو ،بأذن الله
تم النشر السبت، ٢١ يناير ٢٠٢٣
قولتلك الشكر لله وانا ادعيلى بس فى سرك بأى حاجه حلوه نفسك حد يدعيهالك واى مره احتجتى فيها اى حاجه ممكن تنزلى بوست هنا وتذكرى فيه اسمى انا اسمى سعيد أو على الجروب وانا إن شاء الله هرد عليكى على قد ما اقدر بإذن الله تعالى
تم النشر السبت، ٢١ يناير ٢٠٢٣
الحمد لله وخير أن شاء الله ،شكرا جدا ليك على نصيحك اللى بجد حلوه اوى
تم النشر السبت، ٢١ يناير ٢٠٢٣
ايوه كده انتى كويسه اهو الحمد لله فيه بردك جروبات وبوتات كتير حلوه بس المهم العمل كويس اللى يغير فينا بجد ويخلينا نتحول لشخص أفضل مما كان
تم النشر السبت، ٢١ يناير ٢٠٢٣
ايوه عرفاه انا ف الجروب من فتره و على التلجرام علبه جامد اوى بردو
تم النشر السبت، ٢١ يناير ٢٠٢٣
اه هو ده وكمان نسيت اقولك على جروب فرى كورسيز على الفيس حلو جدا بردك
تم النشر السبت، ٢١ يناير ٢٠٢٣
عايزه بس اسال على حاجه هى قنات التلجرام بتاعت No Zero Days عليها حوالى 54 الف صح
تم النشر السبت، ٢١ يناير ٢٠٢٣
الحمد لله وان شاء الله احقق واشارك اللى حققته هنا وهناك يا رب
تم النشر السبت، ٢١ يناير ٢٠٢٣
انا مش عايز والله منك اى شكر وخلى كل شكرك وحمدك لله رب العالمين واى حد تقدرى تساعدى لو بحرف ساعديه بس بنت زيك يعنى او مثلا عن طريق برنامج زى كده تكونى مجهوله وبالنسبه ليا انا ادعيلى بأى دعوات حلوه نفسك حد يدعيهالك وبإذن الله تعالى عايز اشوف ناجحات كتير ليكى سواء هنا او على الجروب حتى لو مكنتش اعرفك بس هبقى فرحان ان فيه انسانه نجحت وحققت حاجات كتير مهما كان النجاح صغير بس بردك اسمه نجاح
تم النشر السبت، ٢١ يناير ٢٠٢٣
الجروب حلو اووى ما شاء الله تبارك الله
تم النشر السبت، ٢١ يناير ٢٠٢٣
ان شاء الله وانا هركز على انى احمد ربنا كتير بردو علشان استمر
تم النشر السبت، ٢١ يناير ٢٠٢٣
ايوه فعلا فيه كتير وهو عليه 653 الف تقريبا شوفته حلو اوى اوى بجد مش عارفه اقولك اى ،انا لقيت عليه مجموعه من صحابى بردو اعرفهم موجودين فيه ،هدعيلك كتير بجد ،والجروب جميل اوى وعليه حاجات حلو اوى وانا خدت خلفيه بسيطه بس هتعمق فيه اكتر علشان شكله جامد اوى ف شكرا ليك جدا بجد مش عارفه اقولك اى
تم النشر السبت، ٢١ يناير ٢٠٢٣
هتستمرى طول لما بتحاولى وبتدعى ومتوكله على الله وبتاخدى بالأسباب ومعاكى الصحبه الصالحه ومش بتحكى لحد على خطواتك للنجاح لان الرسول صلى الله عليه وسلم قال استعينوا على قضاء حوائجكم بالسر والكتمان
تم النشر السبت، ٢١ يناير ٢٠٢٣
خدى بالك إن الجروب ده فيه اكتر من ٦٠٠٠٠٠الف واحد علشان فيه كذا واحد بنفس الاسم وكمان البوستات هناك ممكن تاخد وقت على ما تنزل علشان لو كتبتى بوست ولسه منزلش متستغربيش علشان بياخدوا احلى حاجه والأسئلة اللى مش متكرره فممكن تسألى فى الاول كده لحد ما تفهمى النظام فى التعليقات على اى بوست على اى حاجه مش فاهمها وفيه كتير هيجاوبك وبردك ليهم قناه على التليجرام بنفس الاسم ممكن تبحثى عنها او تطلبى فى التعليقات حد ببعتلك الرابط بتاعها وهتلاقى بنات كتير هتقولك تعالى على الخاص تبعتهولك علشان ممنوع اللينكات او هتبعتهولك على طول ولما تستفادى بقى من الجروب زى ما انا متوقع تبقى ادعيلى فى سرك بأى دعوه كويسه
تم النشر السبت، ٢١ يناير ٢٠٢٣
عندك حق وهى ممكن فعلا من كتر خلهم علينا بيعملوا كده ف الحمد لله هما نعمه وانا بردو هحاول تانى بس يا رب استمر ولو على حاجه بسيطه
تم النشر السبت، ٢١ يناير ٢٠٢٣
علىى فكره امك مش بتكرهك ولا حاجه هى من كتر حبها ليكى نفسها تشوفك صح فى كل الأوقات ومن كل حاجه لاكن الصح ده ممكن يكون من وجه نظرها بس هى بتعمل معاكى كده من كتر ما بتحبك يعنى مثلا اخوات سيدنا يوسف مكنوش بيكروه لاكن من كتر حبهم الشديد لسيدنا يعقوب وكانوا انه بيحب سيدنا يوسف اكتر شويه الشيطان غواهم وافتكروا لما يعملوا كده هينسى سيدنا يوسف ويحبهم بقى اكتر من الاول بكتير وانا كمان وتقريبا معظم الناس كلها امهتها بتعمل معاها كده انا لسه امى عامله كده معايا الصبح مع انى كنت بساعدها ولاكن سكت ومردتش علشان هى امى واجبها عليا الطاعه وانى احاول اعمل نفسى مش واخد بالى من اى حاجه ممكن تكون سيئة منها واظهر ليها الحب والاهتمام فى الأوقات وفى كل الظروف وانى اول ما انجح فى اى شئ اول حاجه اعترف بفضل الله عليا واعترف بفضلها هى وابى لان لولا حبهم وانهم عايزين يشوفونى انسان جميل وناجح مكنش ده هيدفعنى انى انجح وقتها فعلا هيكونوا فخورين بيكى بجد وهتسمعى كلام ايجابى وحتى لو مسمعتيش فخليكى مصدر الدعم الاول ليكى وفخوره بنفسك وبكل محاوله بتعمليها تقربك للنجاح
تم النشر السبت، ٢١ يناير ٢٠٢٣
هى المشكله كمان أن الكلام السلبى ساعات بيجى من ماما نفسها ودى اكتر حاجه بتوجعنى علشان هى ماما ومش هقدر انى اعترض أو ارد عليها علشان هى ماما ،شكرا على النصيحه بجد وهدخل على الجروب وان شاء الله اتغير وابقى ف يوم من الايام حاجه وانا عندى كتب بردو وكنت عايزه اقرا عن علم النفس كمان بس المشكله انى بفكر ومش بنفذ وعندى كمان مشكله الاستمرارية
تم النشر السبت، ٢١ يناير ٢٠٢٣
لعرض الإجابة في فدني اضغط هنا