Said Elmasry

سلام عليكم ورحمه الله وبركاته بصى لو قولتلك نصايح كتير بدون تطبيق فعلى يبقى ملهاش لازمه لازم حاجتين الأولى تعملى عصف ذهنى اللى هو تكتبى كل اللى فى دماغك على الورق واكتبى كل حاجه نفسك تتعلميها سواء بقى كانت من أهدافك ولا لأ كده ايه انتى دماغك بقت فاضيه حددى بقى هدف معين وليكن مثلا تعلم التصميم عن طريق الموبايل ومعاه هدفين تانين وليكن هبطل مثلا اضيع فلوسى على حاجات تافهه او زايده عن حاجتى والهدف التالت مثلا انى هشرب مياه كتير وتبدأى تحطى لكل هدف فيهم وقت معين تكونى حققتى فيه الهدف او حققتى ٨٠ % من الهدف وكل اسبوع تراجعى هدفك والغلط اللى عملتى الاسبوع اللى فات تصلحيه ومتقعيش فيه الاسبوع اللى جى وهكذا بردك كل شهر بالطريقه دى انتى ماشيه بطريقه عمليه وصحيحه مع الأهداف تانى حاجه بقى محتاجه تدخلى نفسك وسط مجتمع ايجابى وكريتيف وعنده أهداف وحلو جدا وده هيكون جروب No Zero Days و Free Courses

انتى اول حاجه تحطيها فى بالك انتى مش فاشله انتى مشتته لسه ملقتيش المجال اللى تنجحى فيه وشاطره فيه يعنى مثلا الدكتور شاطر والسباك شاطر والمكانيكى شاطر لاكن كل واحد فيهم ناجح وشاطرفى مهنته مفيش واحد يقدر يفهم فى شغلانة التانى وتانى حاجه ايه يعنى مجبتيش درجه كويسه فى الثانويه مش مهم الثانويه مش نهايه الحياه اى حد نجح فى اى شئ فى الدنيا فشل كتير جدا جدا ولاكن الشخص الناجح مش بيحبط ولا ييأس وبيحاول تانى ومليون ويراجع خطته ويشوف ليه فشلت ويقوم من تانى لانه عارف كويس انه خسر جوله ولاكن مخسرش الماتش كان فيه واحد ناجح بيسألوه ازاى وصلت للنجاح ده كله قالهم قرارات قالولوا القرارات دى كانت على اساس ايه قالهم خبرات قالولوا الخبرات دى جبتها منين قالهم من الفشل وخليكى فاكره حاجه مهمه جدا (محدش بيحاول وبيجيب صفر ) حاجه كمان متسمعيش كلام حد سلبى او اى حد يقول كلام يضرك طول ما انتى عارفه انك بتحاولى وبتعملى اللى عليكى وبتجاهدى نفسك وبتجتهدى يبقى طنشى اى كلام ملوش لازمه غير انه يوقعك لاكن اى حد هيقول كلمه تفيدك او تاخدى منها طاقه ايجابيه اسمعيها كويس جدا واخر حاجه وتفهميها كويس الماضى لو فضلتى حزينه عليه لحد اخر عمرك مش هيرجع والمستقبل لو فضلتى تحلمى بيه بدون ما تصحى من النوم وتبدأى تحققى الحلم مش هيحصل و هيبقى مجرد حلم مش بأيدك غير الحاضر تعملى فيه اللى عليكى والنتايج على الله وادعى الله اللهم وفقنى لما تحب وترضى وافتكرى إن الله لا يغير ما بقوم حتى يغيروا ما بأنفسهم يعنى انتى اللى لازم التغير يبدأ من عندك ومن جواكى انتى وواحده هتبدأى فعلا تبقى الشخصيه الناجحة فى الدين والدنيا اللى الكل فخور بيها نصيحه اخيره فيه جروب على الفيس اسمه No Zero Days ادخليه هينفعك فى حاجات كتير جدا مش هقدر اوفى حقه لو اتكلمت عنه من هنا لبكره أتمنى اكون افدتك وانك فعلا تفكرى فى كلامى كويس وتبدأى تغيرى نفسك من دلوقتى

سلام عليكم بصى انتى عندك حاجات حلوه جدا انتى الحمد لله ربنا خلاكى تسمعى الفيديوهات علشان تشيلى فكره الانتحار من دماغك وكمان انتى بتفكرى فى الاخره يعنى ضميرك لسه صاحى انتى ربنا اتكلم عن كل واحد فينا فى القرآن انتى حسب كلامك بتقولى عماله اقوم واقع ومش عارفه تقربى من ربنا معنى كده انك نفسك لوامه وربنا اقسم بيها فى اول سوره القيامه فى تانى ايه على طول نفسك اللوامه دى لو فضلتى تحاولى وتجاهدى نفسك على الخير هتوصلى فى يوم لنفس مطمئنه وده ليه لان ربنا قال والذين جاهدوا فينا لنهدينهم سبلنايعنى انتى دلوقتى مش قادره تصلى ومش حاسه بحاجه وانتى بتصلى لاكن لما تحاولى كتير وتقرأى عن الخشوع وتبدأى تقرأى سورمن القرآن وتبدأى تحفظى وتبدأى تسمعى عن الصلاه واهميتها هتبدأى وقتها تحسى بحلاوه الصلاه وكذلك فى كل عباده تمشى بالنظريه دى وكمان محتاجه تتوبى وانا محتاج اتوب وكلنا محتاجين التوبه اذا كان رسول الله صلى الله عليه وسلم كان يتوب فى اليوم أكثر من ١٠٠ مره فتخيلى احنا محتاجين نتوب قد ايه وكمان التوبه تمحو الكبائر تفتكرى مش هتمحى الصغائر وكمان لما بتوبى وتعملى الطاعات قلبك بيبدأ ينضف من الخنقه والضيق والجبل اللى عليه لان ربنا قال كلا بل ران على قلوبهم ما كانوا يكسبون والران هينضف بالتوبه وكمان ربنا بيحب التوابين ويحب المتطهرين انتى عارفه يعنى ايه ربنا يحبك وكمان التوبه من صفات الأنبياء كلها من اول سيدنا ادم عليه السلام حتى سيدنا محمد صلى الله عليه وسلم طيب ممكن تقعى اه ممكن جدا طيب تعملى ايه توبى تانى ومليون ده مش استهتار لاكن دى مجاهدة النفس اصلك ملكيش غير ربنا اسألى نفسك هتروحى لمين غير لله رب العالمين وخليكى دايما مع صحبه صالحه وده بردك مش كلامى ده كلام الله قال عز وجل فى سوره الكهف واصبر نفسك مع الذين يدعون ربهم بالغداوة والعشى ولا تعد عيناك عنهم تريد زينه الحياه الدنيا ولا تطع من اغفلنا قلبه عن ذكرنا واتبع هواه وكان امره فرطا الصحبه الصالحه حتى لو انتى مش صالحه هتبقى زيهم بعد كده لانهم كلهم بيشدوكى الصح واقفلى اى باب ممكن يرجعك لأى ذنب بحيث الشيطان ميدخلش ليكى منه كل ده اول نصيحه لسه بقى ناقص التانيه

لو احتجتى حاجه قولى وانا هجاوبك إن شاء الله وفكرى كويس فى كلامى ويارب تبدأى من دلوقتى تنفذى

انتى كده الحمد لله فهمتى الصح وهتوبى بإذن الله تعالى طيب الحل معاه بقى هتقوليلى يا ابن الناس ده رقم والدى او خالى او اى راجل من محارمك يعنى تقوليله جهز نفسك واول ما تكون مستعد وجاهز تعالى اطلبنى من اهلى فى بيتنا قوليله البدايه الذى لا ترضى الله ناهيتها لا ترضى صاحبها واعملى بلوكات ومسح اى حاجه مهما كانت ممكن توصلك ليه علشان تبقى قفلتى كل الأبواب اللى ممكن ترجعك للذنب ده وادعى وقولى يارب تركت هذا لأجلك يا ارحم الراحمين اغفر ليه واعملى اللى فيه الخير ادعى ربنا دايما يعملك اللى فيه الخير وأى حد يتقدم ليكى صلى استخاره قبل ما تقبليه واستخاره بعد الرؤيه الشرعيه واللى فيه الخير ربنا يقدمهولك وتأكدى لو ليكى نصيب معاه ربنا هيجبهولك ويجمعكم مع بعض فى الحلال ولو حد تانى انتى من نصيبه فاهتكونى ليه بإذن الله تعالى وقال الرسول صلى الله عليه وسلم يا غلام انى اعلمك كلمات احفظ الله يحفظك احفظ الله تجده تجاهك إذا سألت فسأل الله وإذا استعنت فاستعن بالله واعلم ان الأمه لو اجتمعت على أن ينفعوك بشيء لم ينفعوك بشيء إلا قد كتبه الله لك وإن اجتمعت على أن يضروك بشئ لم يضروك إلا بشئ قد كتبه الله عليك رفعت الأقلام وجفت الصحف

وكمان حاجه هو ممكن يكون أخلاقه كويسه ولاكن واحده واحده ولا انتى هتكونى كويسه ولا هو هيكون كويس واحده واحده دى ممكن تكون بعد اسبوع شهر سنه لان ربنا قال لا تتبعوا خطوات الشيطان ودى اول خطوه من الشيطان هيبدأ بعد كده واحده واحده وهو عنده صبر كبير جدا عليكى علشان يوقع الإنسان فى المعصيه هو معندهوش شغلانة غير كده ولا عنده مدرسه بيروحها او كورس بياخده او اى حاجه تانيه لا هو بس قاعد علشان يوقعك فى المعصيه احنا بقى ربنا ادانا الحل إن إحنا نبعد عن الخطوات اللى تؤدى اصلا لطريق الشيطان ودى أفضل مجاهده وهى مجاهده النفس ولا تنسى أن الله يحب التوابين والشيطان جاب ناس كتير جدا قايلك انتى وهو وكانوا محترمين جدا ولاكن هو حريف عرف ازاى يوقعهم والقصص دى ماليه النت عن الناس اللى وقعت كتير جدا

هقولك نصيحتى هو فعلا ممكن يكون محترم وكويس وبيحبك فعلا ولاكن الشيطان بيلعب بدماغه انه ميبعدش عنك بحيث متروحيش لحد غيره او تتخطبى وهو بيحبك وعايزك انتى ونسى إن الجواز نصيب وممكن فعلا تكونوا من نصيب بعض وليه وليكى الخير مع بعض وممكن لا ربنا قال واتوا البيوت من أبوابها مش من الشباك او الفيس او الواتس او الكليه وهكذا وهو بيجهز نفسه تمام شئ جميل ربنا معاه وهيساعده بإذن الله تعالى لو هو فعلا فى نيته يعمل كده علشان يجمعكم بيت واحد فى الحلال طيب وايه الإثبات إن ربنا هيساعده لقد وعد الله سبحانه وتعالى الرسول صلى الله عليه وسلم ثلاثه حق على الله عونهم المجاهد فى سبيل الله والمكاتب الذى يريد الأداء والناكح الذى يريد العفاف اللى هو زى الشخص اللى بتحبيه وهو بيحبك ومشكله انه بيتعب وانك بتتعبى لما تبعدوا عن بعض لان الذنب لازم لما تبعد عنه بتحس بتعب والم لاكن بعد كده لما بتتغير وتتصلح اتقلب من الله بتلاقى نفسك حاسس بسعادة وفرح ومشاعر كتير حلوه صعب انك توصفيها لحد ولازم هو يجربها بنفسه علشان يحسها بنفسه و حاجه كمان خليكى فاكره إن من ترك شيئا لله عوضه الله خير منه يعنى ممكن ربنا يعوضك نفس الشخص ولاكن فى الحلال وتبقى انتى زوجه صالحه وهو كمان صالح وتعيشوا احلى حياه زوجيه مع بعض فى طاعه الله وممكن واحد تانى يجيلك حد أفضل منه ويكون هو ده الزوج الصالح اللى هتعيشى معاه احلى حياه و ياخد بايدك للجنه لان اللى بيحب هياخد بيد حبيبه للجنه مش النار وقت ما هتكونى كويسه ومتجوزه صح هيكون هو رفيقك للجنه وانتى رفيقته للجنه

الشكر لله ربنا يبارك فيكى ويحفظك

ايه الأفكار فعلا زى ما هو قالك علشان نعرف نحدد

قولتلك الشكر لله وانا ادعيلى بس فى سرك بأى حاجه حلوه نفسك حد يدعيهالك واى مره احتجتى فيها اى حاجه ممكن تنزلى بوست هنا وتذكرى فيه اسمى انا اسمى سعيد أو على الجروب وانا إن شاء الله هرد عليكى على قد ما اقدر بإذن الله تعالى

ايوه كده هو ده الكلام واكتر حاجه هتشكرى نفسك عليها هى الاستثمار فى نفسك واهم حاجه اوعى تزهقى من المحاوله انتى بتجاهدى نفسك على الصح

ايوه كده انتى كويسه اهو الحمد لله فيه بردك جروبات وبوتات كتير حلوه بس المهم العمل كويس اللى يغير فينا بجد ويخلينا نتحول لشخص أفضل مما كان

هو انا مش عارف ابعت صورة الجروب بس هو الجروب اسمه كده بالظبط Free courses &Bockces وفيه ٦٠٠٠٠٠الف وشويه هو ده وسيبك من الباقى كله

اه هو ده وكمان نسيت اقولك على جروب فرى كورسيز على الفيس حلو جدا بردك

ده جروب مش كورسات بس جروب مفيد جدا ابحثى عنه بالاسم ده فى الفيس هيظهرلك على طول

كورسات ايه

الجروبين دول على الفيس واول واحد فيهم ليه قناه على التليجرام بنفس الاسم بينزل عليها التاسكات حلوين جدا وهيفدوكى جامد فى حاجات كتير جدا وبالنسبه للنوم انتى تظبطى نفسك إن اخرك فى النوم الساعه ١٠ او ١١ وانوى قبل ما تنامى تصحى الفجر وادعى ربنا انك تصحى الفجر مره ولا مره ربنا يعينك إن شاء الله حاولى متيأسيش حاولى كل يوم مهما وقعتى ومش عارفه تقومى هتيجى فى مره إن شاء الله وهتقومى ورى ربنا منك انك بتحاولى وصادقه فعلا وربنا هيعينك إن شاء الله وخليكى فاكره إن محدش بيحاول وبيجيب صفر

دلوقتى انتى توبتى الحمد لله نبدأ نستغل بقى الوقت الفارغ اللى عندك هتدخلى جروب على الفيس فيه اكتر من نص مليون اسمه No Zero Days وتتطلبى من التعليق على بوست لبنت لينك قناه التليجرام وتبدأى تدخلى عليها وتجيبى اول تاسك خالص وتبداى تنفذيه او تاخدى تاسك جديد مع قديم هتستفادى لدرجه كبيره جدا او ممكن تبحثى على القناه بتاعه التليجرام ممكن تلاقيها من غير ما تتطلبى من حد هتستفادى جدا وهتعرفى كلامى لما تجربى ابدأى روحى اى جامع او معهد تحفيظ قرآن هتطلعى بحاجتين احلى من بعض انك هتكون من اهل القرآن وكمان الصحبه الصالحه اللى هتعينك على الخير بس وكمان فيه حاجه حلوه جدا ممكن تنضمى لفريق كن ذا اثر فريق حلو جدا وبنات بس هتتعلمى منهم حاجات كتير حلوه وصحبه صالحه وتعملى خير بردك أو تنضمى لفريق احلى شباب بيكون بردك البنات لوحدهم والولاد لوحدهم تابعى صفحتهم على الفيس هيفتحوا قريب وكن ذا اثر بردك ممكن تكلميهم على الفيس وتتواصلى معاهم وتقوليلهم انك عايزه تكونى معاهم مش عارفه ممكن اديكى رقم بنت منهم وهى تديكى رقم اقرب مقر ليكى وكمان اشتركى فى دورات الشيخ علاء حامد هتفيدك جدا اسمعى بودكاست ايه المشكله ووعى هيفدوكى جامد بعد ما تعملى كل ده ابدأى ححدى مجالات عايزه تدخليها وتاخدى فيها كورسات وتشتغلى فيها وتبداى تجمعى مثلا الداتا اللى هتتعلمى منها التصميم وبعدين تعملى خطه ازاى هتذاكريهم كويس وتبداى وطبقى وهكذا انتى بس تاخدى خطوه خطوه زى ما كتبت لك كده هتلاقى كل أبواب الخير بتفتح قدامك واحده واحده وكل حاجه حلوه بتجيب الاحلى منها بعديها ولو صدقتى فعلا من جواكى فى التغير ربنا هيصدقك ويساعدك وافتكرى أن ربنا هيختبر صدق توبتك فى الذنوب اللى كنتى متعلقه بيها وده هتلاقيه موجود فى اول ٧ آيات من سوره العنكبوت ولو وقعتى الف مره قومى مليون مره إن الله لا يمل حتى تخلوا

انتى انسانه فيكى خير ربنا يحفظك انا سألتى وجاوبتى على نفسك انتى غلطتى ماشى كلنا بنغلط الغلط بيتبعه توبه توبى إلى الله ربنا قال واتبع السئيه الحسنه تمحوها وربنا قال الم يأن للذين آمنوا أن تخشع قلوبهم لذكر الله قوليلى الم يأن انك تتوبى لله رب العالمين الم يأن ترجعى لله الرحمن الرحيم وتكونى من التوابين الم يأن ان الله يحبك لان الله يحب التوابين ويحب المتطهرين كل التوهه دى ملهاش غير حاجه واحده ربنا قال عليها ومن اتبع هداى فلا يضل ولا يشقى ومن اعرض عن ذكرى فإن له معيشه ضنكا يعنى لو بعدتى عن طريق الله هتلاقى الغم وعدم التوفيق وعدم البركه وكل شئ وحش طريق الله فيه كل شئ جميل لانه رب الخير والرحمه والمغفره والكرم فتفتكرى عطاءه هيكون ايه ربنا بيفرح بتوبه العبد ربنا بيحب اللى يجرى عليه لانه قال وسارعوا إلى مغفره من ربكم وجنه عرضها السموات والأرض اعدت للمتقين لمين يارب الجنه دى للمتقين مش نفسك تكونى من المتقين مزهقتيش من الخنقه والتعب والضيق اللى انتى فيه قوليها الان توبت لك يارب وندمت على ما فعلت وقومى وصلى ركعتين توبه وابدأى صفحه جديده خالص مع ربنا الله غفر لقاتل ال١٠٠نفس وعلى الصحابه ٣ اللى تخلفوا عن الغزوه وتاب الله على جميع الأنبياء عليهم السلام اجمعين والله حول ناس كانت فى قمه الفساد لقمه النجاح او ناس كانت تايهه ولما بقيت فى طريق الله نجحت فعلا ولقيت نفسها وده هتلاقيه كتير جدا فى قصص الصحابه والسلف حتى فى كتير من الشيوخ الان او الناس الكويسه يبقى كده اول حاجه هتوبى وابواب الذنوب اللى فاتت هتقفليها خالص مهما كانت هى ايه من غير ما تبصى كده ترزعى الباب وتبدأى من جديد

انا مش عايز والله منك اى شكر وخلى كل شكرك وحمدك لله رب العالمين واى حد تقدرى تساعدى لو بحرف ساعديه بس بنت زيك يعنى او مثلا عن طريق برنامج زى كده تكونى مجهوله وبالنسبه ليا انا ادعيلى بأى دعوات حلوه نفسك حد يدعيهالك وبإذن الله تعالى عايز اشوف ناجحات كتير ليكى سواء هنا او على الجروب حتى لو مكنتش اعرفك بس هبقى فرحان ان فيه انسانه نجحت وحققت حاجات كتير مهما كان النجاح صغير بس بردك اسمه نجاح

سيبك من كل الكلام ده لان طول ما انتى بتقولى الكلام ده عقلك بيستقبله ويحوله لواقع انتى تقولى لا انا كويسه وشاطره وناجحه انا وقعت اه وخسرت جوله لاكن لسه الماتش مستمر وانا وقعت مش مهم هقوم تانى واحسن من الاول واشوف الأسباب اللى وقعتتى واعالجها علشان مقعش تانى افضلى حاولى الناجح والشاطر اللى بيحاول ويحول الظروف السيئة لصالحه والفاشل اللى بتبقى كل حاجه مسعداه وهو ولا بيعمل حاجه ولا حتى حاول مره واحده وقولى لوالدتك انتى حبيبتى وانا حبيبتك وبنتك وكل حاجه لاكن بلاش تتكلمى على اى حاجه حلوه انا بعملها معاكى وقوليلها حديث الرسول صلى الله عليه وسلم اللى قولتهولك فوق وقوليلها انا مش عايزه حد يحسدنى علشان أفضل دايما احاول واجتهد وافضل اللى فخورة بيها بس بينا وبين بعض كده على القد 😄فى الغباسه يا حاجه

هتستمرى طول لما بتحاولى وبتدعى ومتوكله على الله وبتاخدى بالأسباب ومعاكى الصحبه الصالحه ومش بتحكى لحد على خطواتك للنجاح لان الرسول صلى الله عليه وسلم قال استعينوا على قضاء حوائجكم بالسر والكتمان

خدى بالك إن الجروب ده فيه اكتر من ٦٠٠٠٠٠الف واحد علشان فيه كذا واحد بنفس الاسم وكمان البوستات هناك ممكن تاخد وقت على ما تنزل علشان لو كتبتى بوست ولسه منزلش متستغربيش علشان بياخدوا احلى حاجه والأسئلة اللى مش متكرره فممكن تسألى فى الاول كده لحد ما تفهمى النظام فى التعليقات على اى بوست على اى حاجه مش فاهمها وفيه كتير هيجاوبك وبردك ليهم قناه على التليجرام بنفس الاسم ممكن تبحثى عنها او تطلبى فى التعليقات حد ببعتلك الرابط بتاعها وهتلاقى بنات كتير هتقولك تعالى على الخاص تبعتهولك علشان ممنوع اللينكات او هتبعتهولك على طول ولما تستفادى بقى من الجروب زى ما انا متوقع تبقى ادعيلى فى سرك بأى دعوه كويسه

علىى فكره امك مش بتكرهك ولا حاجه هى من كتر حبها ليكى نفسها تشوفك صح فى كل الأوقات ومن كل حاجه لاكن الصح ده ممكن يكون من وجه نظرها بس هى بتعمل معاكى كده من كتر ما بتحبك يعنى مثلا اخوات سيدنا يوسف مكنوش بيكروه لاكن من كتر حبهم الشديد لسيدنا يعقوب وكانوا انه بيحب سيدنا يوسف اكتر شويه الشيطان غواهم وافتكروا لما يعملوا كده هينسى سيدنا يوسف ويحبهم بقى اكتر من الاول بكتير وانا كمان وتقريبا معظم الناس كلها امهتها بتعمل معاها كده انا لسه امى عامله كده معايا الصبح مع انى كنت بساعدها ولاكن سكت ومردتش علشان هى امى واجبها عليا الطاعه وانى احاول اعمل نفسى مش واخد بالى من اى حاجه ممكن تكون سيئة منها واظهر ليها الحب والاهتمام فى الأوقات وفى كل الظروف وانى اول ما انجح فى اى شئ اول حاجه اعترف بفضل الله عليا واعترف بفضلها هى وابى لان لولا حبهم وانهم عايزين يشوفونى انسان جميل وناجح مكنش ده هيدفعنى انى انجح وقتها فعلا هيكونوا فخورين بيكى بجد وهتسمعى كلام ايجابى وحتى لو مسمعتيش فخليكى مصدر الدعم الاول ليكى وفخوره بنفسك وبكل محاوله بتعمليها تقربك للنجاح

وتحاولى متتكلميش عن الطاعات او تحاولى ولدتك متتكلمش عن طعاتك قصاد الناس حتى لا يكون رياء وتكون خالصه لله وحتى متتحسديش وتنتكسى

الحمد لله انتى عندك اهو صحاب كويسين الحمد لله معندكيش حد مش كويس والحمد لله بردك انك هتحاولى دايما وبالنسبه لفكره التفكير فى الموت كلنا محتاجين دايما نفكر فيها ونفكر فى الدنيا وده يبقى دافع لينا إن إحنا نعمل لاخرتنا كأننا هنموت الان ونعمل لدنيانا كأننا هنعيش ابدا وسيدنا ذكريا عليه السلام لما كان بيدعى ربنا هو وزوجته كانوا بيدعوا رغبه عايزين ورهبه خايفين والايه بالظبط هتلاقيها فى سوره مريم احنا كمان المفروض اه يبقى عندنا لاكن بردك عندنا رغبه ربنا تكلم عن الجنه والنار مش النار بس وتكلم عن الموت والحياه مش الموت بس وده كله لازم يديكى الدافع للتغير من نفسك وزى ما قولتلك لازم التغير الصح يجى من جواكى انتى وتحاولى ولا تيأسى من رحمه الله وافتكرى دايما إن رب الخير لا يأتى إلا بالخير

ولو هو فعلا عايزاها وتركها لله هيتحقق عليه القول من ترك شيئا لله عوضه الله خير منه ومفيش احلى من الحب ومفيش حب فعلا بجد غير فى الحلال بين زوج وزوجه صالحين

انتى كده طبيعيه جدا وصاينه نفسك ربنا يرزقك بالزوج الصالح اللى فعلا تعيشى معاه الحب اللى بجد ده كله مش حب ده ممكن يكون اعجاب او مراهقه او شهوة او عنده او عندها مشكله نفسيه فعايز حد او هى عايزه حد يحتويها او استغلال للطرف الآخر او ممكن يكون فعلا حبها لاكن مش جاهز ليها ومش عارف هيعمل ايه فبقى معاها وقال زى ما تيجى تيجى او ممكن يكون تسليه اتنين بيتسلوا ببعض او حد منهم بيتسلى بالتانى وكل ده بتبقى ناهيته كسر قلب الاتنين او أحدهما باختلاف بقى القصه ازاى بس دى بتكون النهايه لان البدايه الذى لا ترضى الله ناهيتها لا ترضى صاحبها