سلام عليكم بصى انتى عندك حاجات حلوه جدا انتى الحمد لله ربنا خلاكى تسمعى الفيديوهات علشان تشيلى فكره الانتحار من دماغك وكمان انتى بتفكرى فى الاخره يعنى ضميرك لسه صاحى انتى ربنا اتكلم عن كل واحد فينا فى القرآن انتى حسب كلامك بتقولى عماله اقوم واقع ومش عارفه تقربى من ربنا معنى كده انك نفسك لوامه وربنا اقسم بيها فى اول سوره القيامه فى تانى ايه على طول نفسك اللوامه دى لو فضلتى تحاولى وتجاهدى نفسك على الخير هتوصلى فى يوم لنفس مطمئنه وده ليه لان ربنا قال والذين جاهدوا فينا لنهدينهم سبلنايعنى انتى دلوقتى مش قادره تصلى ومش حاسه بحاجه وانتى بتصلى لاكن لما تحاولى كتير وتقرأى عن الخشوع وتبدأى تقرأى سورمن القرآن وتبدأى تحفظى وتبدأى تسمعى عن الصلاه واهميتها هتبدأى وقتها تحسى بحلاوه الصلاه وكذلك فى كل عباده تمشى بالنظريه دى وكمان محتاجه تتوبى وانا محتاج اتوب وكلنا محتاجين التوبه اذا كان رسول الله صلى الله عليه وسلم كان يتوب فى اليوم أكثر من ١٠٠ مره فتخيلى احنا محتاجين نتوب قد ايه وكمان التوبه تمحو الكبائر تفتكرى مش هتمحى الصغائر وكمان لما بتوبى وتعملى الطاعات قلبك بيبدأ ينضف من الخنقه والضيق والجبل اللى عليه لان ربنا قال كلا بل ران على قلوبهم ما كانوا يكسبون والران هينضف بالتوبه وكمان ربنا بيحب التوابين ويحب المتطهرين انتى عارفه يعنى ايه ربنا يحبك وكمان التوبه من صفات الأنبياء كلها من اول سيدنا ادم عليه السلام حتى سيدنا محمد صلى الله عليه وسلم طيب ممكن تقعى اه ممكن جدا طيب تعملى ايه توبى تانى ومليون ده مش استهتار لاكن دى مجاهدة النفس اصلك ملكيش غير ربنا اسألى نفسك هتروحى لمين غير لله رب العالمين وخليكى دايما مع صحبه صالحه وده بردك مش كلامى ده كلام الله قال عز وجل فى سوره الكهف واصبر نفسك مع الذين يدعون ربهم بالغداوة والعشى ولا تعد عيناك عنهم تريد زينه الحياه الدنيا ولا تطع من اغفلنا قلبه عن ذكرنا واتبع هواه وكان امره فرطا الصحبه الصالحه حتى لو انتى مش صالحه هتبقى زيهم بعد كده لانهم كلهم بيشدوكى الصح واقفلى اى باب ممكن يرجعك لأى ذنب بحيث الشيطان ميدخلش ليكى منه كل ده اول نصيحه لسه بقى ناقص التانيه
ماشى حاضر 😂
تم النشر السبت، ٢١ يناير ٢٠٢٣
سيبك من كل الكلام ده لان طول ما انتى بتقولى الكلام ده عقلك بيستقبله ويحوله لواقع انتى تقولى لا انا كويسه وشاطره وناجحه انا وقعت اه وخسرت جوله لاكن لسه الماتش مستمر وانا وقعت مش مهم هقوم تانى واحسن من الاول واشوف الأسباب اللى وقعتتى واعالجها علشان مقعش تانى افضلى حاولى الناجح والشاطر اللى بيحاول ويحول الظروف السيئة لصالحه والفاشل اللى بتبقى كل حاجه مسعداه وهو ولا بيعمل حاجه ولا حتى حاول مره واحده وقولى لوالدتك انتى حبيبتى وانا حبيبتك وبنتك وكل حاجه لاكن بلاش تتكلمى على اى حاجه حلوه انا بعملها معاكى وقوليلها حديث الرسول صلى الله عليه وسلم اللى قولتهولك فوق وقوليلها انا مش عايزه حد يحسدنى علشان أفضل دايما احاول واجتهد وافضل اللى فخورة بيها بس بينا وبين بعض كده على القد 😄فى الغباسه يا حاجه
تم النشر السبت، ٢١ يناير ٢٠٢٣
ماما من كتر حبها فيا وتعليقها بيا ف بتكلم كتير عنى والكلام بيوصلى من الناس نفسها أن قد اى ماما بتحبنى وكده وكل الناس شايفه أن يا بخت أهلى بيا ولدرجه أن خالتو قالت لماما خلى بالك منها علشان الناس بره بيحسدوكى عليها بس الحمد لله وانا مش شايفه نفسى انى ااتحب للدرجه دى أو انى كويسه للدرجه دى شايفه نفسى عاديه جدا جدا فوق ما تتخيل ويمكن اكتر حاجه بتميزنى فعلا كتر محاولاتى عمر ما حد هيتخيل انا بحاول قد اى لدرجه ماما مره قلتلى أنها مشفتش حد بيحاول زى ما انا بحاول كده وانى مش بيأس بس خوفى المره دى انى حسه انى مستسلمه للأمر الواقع وشكه انى فتره قليله وهبدا ايأس وانا مش عايزه ده يحصل ،انا بتكلم وبفكر وبس بجد مش بنفذ ولا بتقدم خطوه قدام وانا كده من سنه بفكر ومش بنفذ ولو نفذت ف يوم يومين وبرجع تانى والمره دى طولت اوى
تم النشر السبت، ٢١ يناير ٢٠٢٣
وتحاولى متتكلميش عن الطاعات او تحاولى ولدتك متتكلمش عن طعاتك قصاد الناس حتى لا يكون رياء وتكون خالصه لله وحتى متتحسديش وتنتكسى
تم النشر السبت، ٢١ يناير ٢٠٢٣
الحمد لله انتى عندك اهو صحاب كويسين الحمد لله معندكيش حد مش كويس والحمد لله بردك انك هتحاولى دايما وبالنسبه لفكره التفكير فى الموت كلنا محتاجين دايما نفكر فيها ونفكر فى الدنيا وده يبقى دافع لينا إن إحنا نعمل لاخرتنا كأننا هنموت الان ونعمل لدنيانا كأننا هنعيش ابدا وسيدنا ذكريا عليه السلام لما كان بيدعى ربنا هو وزوجته كانوا بيدعوا رغبه عايزين ورهبه خايفين والايه بالظبط هتلاقيها فى سوره مريم احنا كمان المفروض اه يبقى عندنا لاكن بردك عندنا رغبه ربنا تكلم عن الجنه والنار مش النار بس وتكلم عن الموت والحياه مش الموت بس وده كله لازم يديكى الدافع للتغير من نفسك وزى ما قولتلك لازم التغير الصح يجى من جواكى انتى وتحاولى ولا تيأسى من رحمه الله وافتكرى دايما إن رب الخير لا يأتى إلا بالخير
تم النشر السبت، ٢١ يناير ٢٠٢٣
وعليكم السلام لو هنتكلم عن الصلاه ف انا زمان كنت بحس أنى فعلا بكلم ربنا وربنا سمعنى كانت الصلاه من امتع الحاجات اللى كنت بعملها ف يومى كنت اول ما اسمع الاذان أجرى اصلى وماما كانت ديما تتكلم عليا مع اى حد على قد اى انا متدينه ومحترمه ومطيعه وكويسه فجاه اتحولت مبقتش احس ب متعه الصلاه ف للاسف حاليا مش منتظمه خالص بحاول ديما وبحاول كتير اوى وبقع والفكره انى حسه أن ده ذنب كبير أنى اعمل الغلط وانا عارفه أنه غلط بس هحاول تانى علشان انا فعلا مليش غير ربنا ،لو اتكلمنا بقى عن الصحبه الصالحه ف انا اصحابى مش وحشين وانا مصاحبه ناس كويسه جدا وكمان انا لما كنت بحاول اقرب من ربنا ف محاولاتى للتوبه كنت ببقى ف الكليه وانزل اصلى واخد صحابى معايا يصلو وكانو ديما يقولو عليا انى صحبه صالحه لدرجه ان وحده صحبتى منشنتلى على بوست على الفيس بوك أن انا صحبه صالحه وأنها بتحبنى وكده بس انا هفضل احاول لحد اخر نفس لانى معرفش خايفه ليه من الموت اوى بطريقه فظيعه ومش جهزاله خالص معرفش ليه تفكيرى ديما ف الموت كتير اوى اخر فتره وانا مكنتش بفكر ف الموت كده وخايفه منه للدرجه دى ،الفكره انى بفكر كتير اوى وف مكانى مش يتحرك ومش بقوم خالص
تم النشر السبت، ٢١ يناير ٢٠٢٣
لعرض الإجابة في فدني اضغط هنا