بصي يابنت الحلال الكلام ده ليكي ومصلحتك أهم من أي حاجة وعشان السنة دي تعدي على خير لازم تلمي الدور في موضوع النوم ده أول حاجة كدة ارمي أي منومات في الزبالة لأنك لسه صغيرة والمنومات دي بتلحس المخ وبتضيع التركيز خالص والقهوة متشربيهاش بعد العصر نهائي عشان جسمك يلحق يهدأ وتعرفي تسقطي بالليل وما تسهريش للفجر وأهم حاجة تشدي على نفسك وتصحي الصبح بدري في ميعاد ثابت حتى لو منمتيش غير ساعة واحدة عشان تيجي على بليل تلاقي نفسك جبتي جاز وتنامي غصب عنك وتظبطي ساعتك البيولوجية والسرير ده معمول للنوم بس مش للمذاكرة ولا للموبايل عشان مخك ميسرحش وتركيزك يفضل في الكتاب وبس استعيدي تركيزك عشان الثانوية محتاجة دماغ فايقة مش واحدة ماشية بتخبط في الحيط ... ركزي واهلكي نفسك طول اليوم عشان لما تحطي رأسك على المخده تنامي فورا ... موفقه باذن الله 🌷
جزاكي الله كل الخير
تم النشر الأحد، ١٠ مايو ٢٠٢٦
جزاك الله خيراً ، شكرا لحضرتك على المساعدة
تم النشر الأحد، ١٠ مايو ٢٠٢٦
طيب تمام في ذكر .. مهم النبي صلي الله عليه وسلم قالو لخالد بن الوليد لنا اشتكى من الأرق ... اللَّهُمَّ رَبَّ السَّمَوَاتِ السَّبْعِ وَمَا أَظَلَّتْ، وَرَبَّ الأَرَضِينَ وَمَا أَقَلَّتْ، وَرَبَّ الشَّيَاطِينِ وَمَا أَضَلَّتْ، كُنْ لِي جَارًا مِنْ شَرِّ خَلْقِكَ كُلِّهِمْ جَمِيعًا أَنْ يَفْرُطَ عَلَيَّ أَحَدٌ مِنْهُمْ أَوْ أَنْ يَبْغِيَ، عَزَّ جَارُكَ وَجَلَّ ثَنَاؤُكَ وَلا إِلَهَ غَيْرُكَ".... تمام وفي حل عملى وهو انك تصحي نفسك بالعافيه الصبح متناميش ولا دقيقه ... تمام وبالليل تذاكر لازم من بعد العشاء تفضلي تذاكري مع الإجهاد والتعب غصب عنك هتنامي ... يوم ولا يومين ووحده وحده هيتظبط النوم بس الدعاء ده تجربه شخصيه... فعال جدا 😊... لو جربيت ده ومنفعش ابعتي ...
تم النشر الأحد، ١٠ مايو ٢٠٢٦
اه الحمد لله بقرأها
تم النشر الأحد، ١٠ مايو ٢٠٢٦
تمام ده أرق قبل النوم تمام .... بتقرأي اذكار النوم ولا لاء ...؟؟
تم النشر الأحد، ١٠ مايو ٢٠٢٦
و لكن ده في الليل بس ، الصبح بنام بسرعة
تم النشر السبت، ٩ مايو ٢٠٢٦
قبل النوم ببقا عايزه انام بس لما بحاول انام مبنامش
تم النشر السبت، ٩ مايو ٢٠٢٦
جزاكي الله كل الخير... طيب حضرتك عندك ارق قبل النوم ... ؟؟؟
تم النشر السبت، ٩ مايو ٢٠٢٦
جزاك الله خيرا، انا بعمل كدا و بصحى بدري عشان اظبطه بس بنام حتى لو على المكتب ببقا الصبح بمعنى اصح زي مدمنة المخدرات مش فاهمه ولا شايفه حاجه لدرجه ان مره رجعت من على المكتب عشان مركنش عليه و انام ، روحت نمت بردو ونا قاعده ، كل ده غصب عني ، انا مش عارفه اخلي عقلي يتعود على النوم بليل جربت حلول كتيره و مفيش فايده و ده مأثر عليا جدا
تم النشر السبت، ٩ مايو ٢٠٢٦
لعرض الإجابة في فدني اضغط هنا