بقالى شهرين قاعد من الشغل وخلصت كل الفلوس اللى كنت شايلها وحرفيا معيش ولا جنيه
المهم انى مش قادر انزل ادور ع شغل اغلب الايام بسهر عشان اصحى متاخر ياما انزل بدرى اقعد ع القهوة
وأغلب الأحيان بوصل لحد اى شركة اقعد قدامها شوية حتى لو المشوار بعيد ويعدى الساعة مواصلات بروح ومبقدرش ادخل اسال عن شغل وحرفيا محتاج انى اشتغل بس مش قادر لا اتكلم مع حد ولا حتى اوصل انى ادخل شركة اسأل عن شغل معنديش القدرة انى اتعامل مع حد جديد
بص… اللي انت فيه ده مش كسل زي ما انت فاكر ده غالبًا ضغط وخوف متراكم خلاك تقف مكانك انت مش مشكلتك الشغل مشكلتك خطوة البداية بس كونك بتنزل وتوصل لحد الشركة وتقف قدامها… ده معناه إنك عايز تشتغل فعلاً بس دماغك بتسحبك لورا في آخر لحظة ابدأ بحاجة بسيطة مش لازم تدخل شركة كبيرة خش أي مكان صغير واسأل وخلاص حتى لو اترفضت كل مرة هتسأل فيها… الرهبة هتقل لحد ما تبقى عادي وانت مش لوحدك ناس كتير بتمر بالمرحلة دي بس الفرق بين اللي بيعدي منها… واللي بيفضل فيها إن واحد خد الخطوة رغم الخوف انزل تاني… بس المرة دي متقفش ادخل واسأل وخلاص مهما حصل
تم النشر الاثنين، ٦ أبريل ٢٠٢٦
هل عايش مع اهلك .. أو فيه مصدر دخل غير شغلك بيدخل لك فلوس .. لانه في الحالة دي مش عندك سبب قوي يدفعك تشتغل لانك ضامن انه اكلك وسكنك موجود لازم يكون فيه سبب قوي وقهري بتشتغل علشان في البداية طالما انك واصل للمرحلة دي من الشعور
تم النشر الاثنين، ٦ أبريل ٢٠٢٦
أنا فاهمة تمامًا إيه اللي بيحصل معاك، ده وضع صعب جدًا وبتحس بالعجز، بس ده مش نهاية الطريق، وأنت قادر تتغلب عليه خطوة خطوة. ده زي "الخوف الاجتماعي" أو شوية إحباط من البطالة، وده بيحصل كتير، بس في حلول عملية نبدأ بيها دلوقتي. خطة سريعة وواقعية عشان تبدأ النهاردة: رتب نومك : خلص السهر، حدد موعد نوم ثابت زي الساعة 10 مساءً، وقوم لصلاة الفجر (هتديك طاقة وبركة). لو مش قادر تنام بدري، اقعد ساعة قبل النوم تقرأ قرآن أو تسمع تلاوة، هتريح عقلك. هدف يومي صغير : متنزلش تدور على 10 شركات، حدد واحدة بس كل يوم. روح قدامها، خد نفس عميق (هدي نفسك)، وادخل بس تقول: "السلام عليكم، محتاج أعرف لو في فرص شغل هنا؟" مارس الكلام ده قدام المرايا 5 دقايق كل صباح عشان الثقة تزيد. دور على شغل بدون مواجهة مباشرة أولًا : حمل تطبيقات زي "Wuzzuf" أو "Bayt"، ابعت CV أونلاين (لو مفيش، اعمل واحد بسيط في 10 دقايق). شوف في Fedni أسئلة مشابهة عن "فرص عمل"، هتلاقي نصايح كتير. ابدأ بمواضيع خفيفة زي توصيل طلبات (Talabat أو Uber) عشان الفلوس تيجي سريع وتبني ثقتك. قوة نفسية إسلامية : صلِّ الضحى يوميًا، وادعي ربنا بصدق: "اللهم ارزقني من حيث لا أحتسب". أنت مش لوحدك، كتير نجحوا بعد أسوأ من كده. ابدأ بالخطوة الأولى النهاردة، ولو عايز دعم أكتر أو استشارة متخصص في تطوير الذات أو مرشد نفسي، روح على https://www.fedni.net/experts هتلاقي خبراء هيساعدوك بشكل شخصي. قولي بعد أسبوع إيه اللي عملته، أنا معاك! 💪❤️
تم النشر الأحد، ٥ أبريل ٢٠٢٦
وارد جدا تكون الفتره اللي سبقت الشهرين دول كان فيها ضغط كبير عليك .. و صحيح أننا دايما محتاجين لوقت نفصل فيه تماما عن كل الضغوط وقت منعملش فيه كل اللي بنعمله يوميا في مفرمة الدنيا .. لكن لما بنسيب نفسنا كتير للفصلان ده جوه منطقة الراحه بتاعتنا بعيدا عن المواجه و الضغوطات الحياتيه اليومية (بنعطل) و نبتدي نفقد مهارات زي مهارات التواصل الاجتماعي و المرونه و الخبره العمليه .. و النفس اوقات كتير بتحتاج مننا زفه عشان ترجع تاني على تراك الحياه .. تذكر دوما قول الله عز و جل يا أيها الانسان انك كادح إلى ربك كدحا فملاقيه و أن يأكل الإنسان من عمل يديه فهذا عباده مالم تكن تعمل في عملا لا يرضاه الله .. أستعين بالله و تذكر أن الوقت مناسب عمره ما بيجي احنا اللي بنعمله
تم النشر الاثنين، ٦ أبريل ٢٠٢٦
الله يعينك يارب ويرزقك الرزق الواسع المبارك ويكرمك ب شغلة كويسة تلاقى نفسك فيها ..... حاول تثق فى نفسك أكتر وتاخد الجرأة وتخش الشركة وشركة غيرها وغيرها دا من مجمل السعى يخويا وبعدين طب ما تجرب ياخى انت خسران حاجة
تم النشر الاثنين، ٦ أبريل ٢٠٢٦
رينا يعينك ويساعدك وان شاء الله ربنا يوفقك وتبقا حياتك افضل ويكرمك بشغل جديد وحياه جديده تسعد قلبك ان شاء الله وربنا يعوضك. خير
تم النشر الأحد، ٥ أبريل ٢٠٢٦
اظن انك غير متقبل الرفض وخايف منو بس عايزك تحط في بالك ان ناس كتير بتحب تروح تقدم في شركات عشان تترفض... هتقولي ازاي هقولك لان هدفهم مش القبول هدفهم يعرفوا متطلبات السوق وياخد مهاره التحدث وخبره في الميتنج اه ده مش هدفك بس انت كمان حط في بالك ان اه هترفض وعادي يعني في مليون شخص قبلي اترفض وخش وبكل ثقه خلي بالك ان حتى لو اترفضت مفيش حد هيبصلي بنظره وحشه بل بالعكس دي خبره بكتسبها كل ما اترفض اكتر هكسب خبره اكتر
تم النشر الأحد، ٥ أبريل ٢٠٢٦
لعرض السؤال في فدني اضغط هنا