انا بقالي شهر ونص حياتي متغيره من كل النواحي.. انا كنت كويسه بس فجأة ومن غير سبب محدد حياتي اتشقلبت كأني مبقتش اشوف ألوان خالص بقيت اشوف كل حاجه باهته..
الحاجات اللي كانت بتفرحني معدتش بتعمل حاجه مبقتش بحس بالفرحه زي الاول مبقاش عندي طاقه لأي حاجه حرفيا أكلي قل جدا عن الاول بقيت بنام كتير عمدا وبقيت بنام 8 الصبح..
دماغي مش بتسكت لدرجه اني لازم اشغل اي حاجه حتى لو مش بحبها علشان بس ادوخ نفسي وانام اسرع..
بقيت بجلد نفسي كتييير جدا وكل ما أقعد مع نفسي بحس اني عايزه اعيط.. مبقتش مهتمه بأي حاجه حتى انا، اكلي، علاجي، اسباب مشاكلي ولا اي حاجه مبقتش عايزه اصحي وبكمل يومي بالعافيه وهو هو بيتعاد.. لحد ما اكتشف ان ده عمري اللي بعيشه بالعافيه
وكل ده معاه صوت بيقلل من وجعي كل شويه وبينفيه.. حاليا يمكن ساعات قليله جدا بيجيلي أفكار انتحاريه بس اللي بيوقفني اني مش بعد كل الابتلاءات دي اموت كافره...
نفسي اروح لثرابيست بس ولا ظروفي المادية مساعده ولا المعنويه.. لو حد يقدر يساعدني بأي حاجه ياريت يكتبها.. شكرا للاستماع
سني 16 سنه
بنت
السلام عليكم، هو مش هتحصل من غير سبب، ممكن فيه سبب منتبهتيش له أو تراكمات، مش لازم تكوني حاسة بها لكن لاشعوريا نفسك كانت بتخزنها لحد ما وصلت لمرحلة إظهار الأعراض بالطريقة دي. *** إلا بقى لو أرجعنا الموضوع للحسد والسحر وكده، بس بما إن مفيش ما يثبت فاحنا ممكن نلتزم بأذكار الصباح والمساء والرقية الشرعية إن أمكن، وكمان سورة البقرة اقرأيها يوميا كل ده للحفظ وتحسبا لو فيه أي حاجة من دي. ** ونقعد مع نفسنا بقى نراجع الفترة اللي فاتت من حياتنا، هل مريتِ بأي ضغوط؟ ظروفك الحياتية والأسرية؟ دراستك؟ ممكن قوي تلاقي حاجات مكنتيش واخدة بالك من تأثيرها وتراكمت لحد ما وصلت لاحتراق نفسي ونفسك دلوقتي محتاجة وقت تتعافى. ** ممكن تاخدي يومين كده مش بتعملي حاجة ولا بتفكري في الوضع وقد إيه مؤسف اللي أنتِ فيه وتفاهمي مع نفسك وإنها دلوقتي عاوزة ترتاح شوية، بعد كده ابدئي بخطوات صغيرة، حتى لو مش لكِ نفس تعملي الحاجات اللي كنتِ بتحبيها وبتفرحك قبل كده ارجعي اعمليها، لو كنتِ بترسمي، ارجعي ارسمي ولو خمس دقائق بس، انزلي اتمشي وغيري جو، لو حتى هتنزلي مكان قريب من بيتكم ولا محل تشتري حاجة.. اقعدي في البلكونة مع نفسك بالليل وتأملي السماء. أي أنشطة بسيطة من دي، ** مارسي الكتابة للتشافي، ممكن تخصصي عشر دقائق بعد ما تصحي من النوم وتصلي وتشربي قهوة ولا حاجة بتحبيها وتقعدي في البلكونة مثلا وتكتبي صفحة أو ١٠ دقائق، اكتبي أي حاجة، يوميات، مشاعر، فضفضة. الكتابة بتساعد. ** امشي كده فترة مع الرقية وسورة البقرة ولو لقيتِ لسه فيه صعوبة ومحتاجة متابعة مع مختصة فممكن تبقي تدخلي هنا وتشوفي قائمة الخبراء في فدني وتختاري خبيرة منهم تتواصلي معها، فيه منهم بيعملوا جلسات بأسعار مناسبة لأعضاء فدني. وفيه كمان الخط الساخن للدعم النفسي الخاص بالأمان العامة للصحة النفسية وعلاج الإدمان ( ١٦٣٢٨ ) ده مجاني تماما، والمستشفيات الحكومية فيها أقسام برضه الكشف بسعر مناسب. وربنا يسهل وتتخطي الفترة دي على خير وترجعي أفضل. بالتوفيق.💚💚
تم النشر الأحد، ٩ أغسطس ٢٠٢٦
طيب ازاي من غير سبب محدد ؟ اكيد في سبب أو حتى اسباب متراكمة ادت انك تكوني بالشكل دا ، فممكن تقولي ونحاول نساعدك . وكمان الأفضل انك تتواصلي مع اخصائية نفسية كمان في هنا تقريبا ف يارب يساعدوكي .
تم النشر الأحد، ٩ أغسطس ٢٠٢٦
أنا آسفة جدًا إنك بتمري بهذا الشعور الثقيل، وأقدر إنك بتوصفي اللي بيحصل معاكِ بصراحة وشجاعة. اللي بتصفيه يشبه أعراض الاكتئاب الشديد، حيث يفقد الإنسان القدرة على الاستمتاع بالحياة، ويصير كل شيء باهتًا، مع نقص الطاقة والنوم الزائد والأفكار السلبية اللي بتجلد الذات. ده مش ضعف منكِ، ومش "عمرك اللي بتعيشيه بالعافية" فقط، بل حالة نفسية حقيقية تحتاج دعمًا، وكتير من الفتيات في سنك بيمررن بمثل هذا بسبب تغيرات هرمونية أو ضغوط أو حتى بدون سبب واضح في البداية. من منظور إسلامي، أنتِ قوية لأنكِ بتتمسكي بإيمانكِ وبتخافي من الوقوع في الكفر، وهذا دليل على قلبكِ الطيب. حاولي الاستعانة بالله من خلال الصلاة ولو قصيرة، وقراءة آيات تطمئن القلب مثل "ألا بذكر الله تطمئن القلوب"، أو الدعاء البسيط "اللهم إني أشكو إليك ضعف قوتي"، فهذا يعطي راحة روحية تدريجية. كمان، حاولي خطوات صغيرة عملية: ابدئي بتناول وجبة خفيفة يوميًا حتى لو صغيرة، أو الخروج للهواء النقي لدقائق، أو كتابة ثلاث نعم بسيطة في يومكِ (حتى لو كانت مجرد وجودكِ). هذه الخطوات تساعد على استعادة السيطرة تدريجيًا دون إرهاق. بخصوص الأفكار الانتحارية، أرجوكِ لا تستمعي لها أبدًا؛ حياتكِ أمانة من الله، وهناك أمل كبير في التعافي مع الوقت والدعم المناسب. بما إن الظروف المادية والمعنوية صعبة، ابحثي عن شخص موثوق في العائلة أو المدرسة (مثل معلمة أو أخت كبيرة) لتشاركيها جزءًا مما تشعرين به، أو استشيري طبيبًا نفسيًا في عيادة مجانية أو حكومية إن أمكن لاحقًا. يمكنكِ أيضًا البحث عن أسئلة مشابهة على فدني للحصول على وجهات نظر إضافية من فتيات مررن بتجارب مشابهة. أنا هنا لأستمع إليكِ وأدعمكِ في أي وقت، وأنتِ لستِ وحدكِ. خذي خطوة صغيرة اليوم، وستتحسن الأمور بإذن الله.
تم النشر الأحد، ٩ أغسطس ٢٠٢٦
اللي انت فيه مرحلة من مراحل الحياة مرحلة إن سقف توقعاتك كان في حته وبدأتي تكبري وتعرفي إن الواقع في حته تانية خالص هيهون عليك المرحلة دي لحد ما تستقري أنك تعملي الآتي : ١)استعن بالله ولا تعجز أي تغيير من حال لحال بقوة الله وده المعنى المختصر لكلمة لا حول ولا قوة إلا بالله فأكثري من ذكر الله. ٢)وبتكمل النقطة الأولى وهي الشيطان يعدكم الفقر ويؤمركم بالفحشاء والله يعدكم مغفرة منه وفضلا. الشيطان وظيفته أنه قاعد لك في أي طريق كما قال الرسول صلى الله عليه وسلم إن الشيطان قعد لإبن آدم بأطرقه . فهو قاعد لك في أي طريق يفيدك سواء دين أو دنيا . ٣) وهي مدخل كبير ويمكن سبب مشكلتك الرئيسي وهي إنك بتشوفي حاجات كتيير مش حقيقية وبتتوهمي إنها حقيقية ،على سبيل المثال بنت حطه فلتر فشيفاها أحلى منك،حد متثور على عربية في الشارع والناس معتقدة إنه صاحبها......إلخ من الحياة الكذب في الواقع الافتراضي ممكن يشرح لك الفكرة أكتر فيلم the social delama فيلم وثائقي بيشرحها ناس زي اللي مخترع زر الإعجاب في فيس بوك وحد شغال في جوجل واللي ساهمت في اختراع تليجرام ...
تم النشر الاثنين، ١٠ أغسطس ٢٠٢٦
دي افكار بسبب اكتئاب و انتي كويسه و عادي ده يحصل في السن ده بس قربي من ربنا و اللهي هتشوفي فرق و اعملي الحاجات الي انتي بتحبيها و أن شاء الله كل حاجه هتكون كويسه
تم النشر الاثنين، ١٠ أغسطس ٢٠٢٦
هل في تغير في حياتك من دراسة إلى أجازة مثلا ؟ عموما ده اظن انه بسبب التغيرات في هذا السن وهو سن البلوغ ... كل واحد حسب تجربته ولكن انا تجربتي كانت فيها وسوسة وتقلبات نفسية ومزاجية وشعور بالتيه قد تكون تجربتك أخف وأسهل ..... بالتوفيق
تم النشر الاثنين، ١٠ أغسطس ٢٠٢٦
٤) وهي مكملة للنقطة اللي فاتت متقارنيش نفسك بحد وميبقاش كل هدفك إنك تبقي نسخة تانية من حد فقط تحاولي تقتضي بسيدنا محمد صلى الله عليه وسلم ويبقى هدفك إنك تبقى نسخة أفضل من نفسك. ٥)الأفكار السلبية هي داء يعرض للفراغ فأشغلي نفسك باللي ينفعك ولو شغلتي نفسك مش هيبقى عندك وقت للأفكار السلبية والأشخاص السلبيين في حياتك هتخديهم على قد عقلهم. ٦)ممكن تبدأي بتكوين عادة واحدة ولو ٥ دقايق في اليوم ابدأي بحاجة واحدة وثبتيها وبعد كده يبقي زوديها
تم النشر الاثنين، ١٠ أغسطس ٢٠٢٦
يُفضل متابعة مع أخصائية خصوصاً انك لسه فى البداية ف الموضوع هيبقى سهل فى المعالجة ..
تم النشر الأحد، ٩ أغسطس ٢٠٢٦
لعرض السؤال في فدني اضغط هنا