مش عارفه أنا فيا ايه بالضبط ولا عارفه اعمل ايه ،
وزني بينقص عن الطبيعي وحتى ماليش نفس في الاكل ولا اي حاجه تابعت مع دكتور كبيره والكل بيشكر فيها وهي للامانه ادتني فايتمينات وفاتح شهيه وبروتين بالاضافه لنظام غذائي تابعت معاها فتره كويسه كنت حرفيا بروح ليها كل أسبوع
ووزني في البدايه كان ٤٩ ولما تابعت واستمريت بقيت بزيد الحمدلله ولكن كنت مش حابه بعض من الادويه الي بتديها ليا وكان من ضمنهم فاتح الشهيه وعرفتها عشان عاوزه افهم وقولت اني حابه أقطع النوع دا من الدوا لانه بيسبب ليا نوم غريب حرفيا بنام غصب عني فقالت ممنوع ومش عارفه إيه
أنا ماكنتش فاهمه لان طالما انا باكل الحمد لله ايه لازمتها فاتح الشهيه الي بينيمني دا المهم فضلت متابعه كام شهر كنت بزيد مره واخس المره الي بعدها مره اثبت كان وضع متلخبط خالص للعلم هي ماطلبتش مني أي تحاليل ولما طلبت منها وقلت ليها لو في أي تحليل لازم اعملها او كدا قالت لا مش شرط أنا اختبرت استجابتك في الأول ولو كان في اي شيء كنت هقولك اعملي
المهم تعبت من الموضوع وزهقت بطلت اروح قررت اروح عند دكتوره تانيه بس لقيت ان هي بتدي دوا شرب غريب غير معروف مصدره فخوفت لاني مش حابه ازيد وآخد كورتيزون او اي ماده تانيه فبطلت وكنت باكل الحمد لله وكل شيء لحد ما روحت أقيس نفسي لقيت اني خسيت وبقيت ٤٨ حالتي باظت تاني ونفسيتي تعبت من اللف وكل القرف دا وماعتش باكل
اهلي عملوا ليا تحاليل شامله طلع عندي نقص بسيط في فايتيمن د و مخزون الحديد عندي طلع في الطبيعي ولكن قليل جدا مش عالي الي هو أول مراحل الطبيعي يعني تقريبا عندي انيميا اصلا وعملت تحليل جرثومه طلع برضو عندي نسبه للأسف
دخلت بقا في دوامه علاج الجرثومه أخدت علاجها الأول ماستحملتش من تالت حبايه وحالتي اتدهورت دا غير شحوب وشي والدوخه اللي حرفيا ماكنتش بقدر اقوم اقف وحاجات تانيه كتير الدكتور قالي وقفي الدوا فورا
عملت سونار وبقيت باخد دوا إلتهابات خدت حرفيا كمية دوا رهيبه لمدة شهر ونص وبعدها بدأت كورس علاج الجرثومه ثلاثي لمدة عشر ايام كنت مش مستحمله اوي بس أحسن من الأول الحمد لله خلصت الكورس كامل من يومين وحاليا مش عارفه اعمل ايه آسفه اني طولت اوي بس والله نفسي ألاقي حل
السلام عليكم، أولا ألف سلامة عليكِ، ربنا يعافيكِ ويرزقك الصحة وتمام العافية. برأيي مشكلتك كلها في نفسيتك. حسني نفسيتك وبطلي قلق من ناحية مشكلة الوزن لأن النفسية بتأثر بالسلب على الجسم والوزن، وطول ما أنتِ بتقاومي شيء بتعملي نتيجة عكسية. ** وزي ما نصحك أستاذ إسلام زودي عدد الوجبات واعملي تمارين لبناء العضلات. لو مش بتروحي جيم فيه على اليوتيوب مدربين كتير، اكتبي في البحث وهتلاقي فيديوهات لتمارين امشي عليها وشوفي نصائحهم عن الأكل ومواعيده بالنسبة للتمارين عشان تقدري تبني عضلات... (أكيد مش هتبني عضلات شبه عضلات الرجال) الجسم الأنثوي مختلف فمتقلقيش من الناحية دي. والرياضة كمان حتى لو في البيت هتحسن من معنوياتك ونفسيتك ودي أكتر حاجة أنتِ محتاجاها زي ما قلت، وكمان هتحسن الدورة الدموية ونشاط الجسم. جربي كده فترة وإن شاء الله تبقي أفضل. بالتوفيق.💚💚
تم النشر الثلاثاء، ١١ أغسطس ٢٠٢٦
أنا آسفة جدًا إنك مريتي بكل التعب والإحباط ده، والله يشفيكِ ويعافيكِ يا رب ويفرجها عليكِ قريب. اللي بتصفيه طبيعي إن النفسية تتأثر لما الجسم يتقلب كده بين زيادة ونقصان وأدوية وتحاليل، وده بيخلي الواحد يحس إنه ضايع ومش عارف يعمل إيه. أول حاجة مهمة: أنا مش بديل عن استشارة طبيب، والإجابة دي مجرد توضيح عام. اللي عملتيه صح لما وقفتِ الدواء اللي ما استحملتيهوش وروحتِ لدكتورة تانية، وكمان عملتِ التحاليل الشاملة اللي كشفت نقص فيتامين د والحديد والجرثومة. دلوقتي بعد ما خلصتِ كورس الجرثومة، الأفضل ترجعي للدكتورة اللي تابعتي معاها أو دكتور جهاز هضمي موثوق عشان يقيم الوضع الحالي بعد العلاج، ويشوف إذا كان في حاجة لمتابعة الوزن أو تعديل النظام الغذائي بناءً على النتايج الجديدة. لو حاسة إن الدكتورة الأولى ما كانتش بتسمع رأيكِ كويس، ممكن تبحثي عن رأي ثاني عند متخصص آخر. عمليًا، حاولي تركزي على وجبات صغيرة ومتكررة من أكلات خفيفة ومغذية زي الزبادي والموز والشوربات والأرز مع الخضار المسلوق، وتابعي وزنك يوميًا في نفس الوقت عشان تشوفي الاتجاه. لو قدرتِ تضيفي مصادر طبيعية لفيتامين د زي التعرض للشمس صباحًا، ده هيساعد. ولو عايزة آراء إضافية، ابحثي عن أسئلة مشابهة على فدني عشان تشوفي تجارب ناس تانيين. خدي بالك من نفسكِ، ولو حسيتِ بالإرهاق الشديد أو أعراض جديدة روحي للدكتور فورًا. ربنا يقويكِ ويسهل أمركِ. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ١١ أغسطس ٢٠٢٦
بصي علاج الجرثومه متعب عشان تكوني فاهمه انا كنت زيك كنت باخد العلاج والم ف بطني ورجليا بحسهم مسحوبين كدا ف لل متقلقيش دا طبيعي علاجها صعب +ترايكتين كان كاتبه الدكتور كان بيخليني انام بس بعد شهر الجسم كنت عادي يعني جسمك ف الاول هتحسي بالاعراض بس يعدها هبقي عادي ف نصيحه خلصي علاج الجرثومه وممكن يكون سوء هضم عندك ف بعد ماتخلص العلاج لو الهضم تمام خلاص لو مش تمام اخدي قرص دايجستين وكملي علي علاج الدكتوره الاولي وزودي الوجبات ف اليوم وزنك هزيد بس اهم حاجه تستمري
تم النشر الأربعاء، ١٢ أغسطس ٢٠٢٦
ولا الادويه ولا الوصفات اللى هيقولوا لك عليها هتجيب نتيجة ولو جابت نتيجه هيبقى ليها اعراص جانبية .. ف نصيحتى ليكى هى اولا نفسيتك تبقى كويسه رقم واحد ثانيا جيم تضخيم من غير ادوية ثالثا وزعى اكلك على خمس او ست مرات ف اليوم الواحد
تم النشر الثلاثاء، ١١ أغسطس ٢٠٢٦
شكرا لحضرتك هي فعلا الجرثومه علاجها متعب والمضاد الحيوي المشكله ماينفعش يتوقف خلصت علاجها الحمدلله بس لسه هعمل تحليل اشوف راحت ولا ايه بس مش دلوقت لاني لسه مخلصه العلاج من تلات ايام كدا ، ايوا هو لو الهضم مش مظبوط مش هعرف اني اكل طبيعي يمكن لو آثار الدوا يخلص واظبط الأنيميا الموضوع يرجع تاني واتحسن بإذن الله ربنا يشفي كل مريض شفاء لا يغادر سقما ويعافيه من اي سوء
تم النشر الأربعاء، ١٢ أغسطس ٢٠٢٦
فعلا والله لاحظت كدا لا دوا ولا كلامهم بيفيد ونفسيتي يمكن تعبت من كتر ما بروح ليهم ربنا يسهل الحال ونفسيتي ترجع زي الأول يارب فكره جميله شكرا لحضرتك تطبيق نظام خمس او ست وجبات دا هيخليني اكل كميه صغيره ع قد بطني وفي نفس الوقت أكون خدت سعرات كفاية وزيادة بلعب رياضه الحمدلله ولكن مش بروح جيم
تم النشر الثلاثاء، ١١ أغسطس ٢٠٢٦
الدكتور طلب مني برضو تحاليل زي وظائف كلى و غده درقيه TSH وحاجات تانيه عشان يعرف لو في إلتهابات في الأمعاء او اي حاجه قبل ما ابدأ علاج الجرثومه ، وخلال الفتره الي كنت باخد فيها علاج التهابات جدار المعده كنت بقعد في الشمس الصبح كل يوم عشان فايتمن د ، وخلال فترة علاج الجرثومه لاحظت في الايام الاخيره ان عيني بقت مايله للصفار بشكل ملحوظ ولما بشد جفن عيني من تحت عشان أشوف فقر الدم بلاقي اللون ابيض
تم النشر الثلاثاء، ١١ أغسطس ٢٠٢٦
لعرض السؤال في فدني اضغط هنا